ما الأفضل بالنسبه للنيو أكسنت أتوماتيك أم مانيوال

[mo7a_mo7a]

الاوتوماتيك اسهل لكن المانيول بيعيش اكتر وصيانته اسهل مشاكله اقل

[firstknight216]

معرفش اجابتي ح تكون متأخرة ولا لأ
انا معايا نيو اكسنت اتوماتيك
بصراحة عربية تحفة
سحب عالي والأفضل من كده
لو انت سرعتك في حدود 100 او 110 اعتقد ح يكون نفس معدل المانيول في استهلاك الوقود
والافضل وافضل السيارة بها تكنولوجيا cvt للمواتير وشرحها في اللينك ده

http://en.wikipedia.org/wiki/Continuously_variable_transmission

التكنولوجيا ديه عمرك ما تشعر بعملية الانتقال من غيار لاخر سواء لأعلى او اسفل
العربية اكثر من رائعة انا عملت بيها 2000 كيلو لحد دلوقتي مفيش اي مشكلة بفضل الله لحد دلوقتي
بالنسبة لجزئية ان المانيول افضل بالبلدي (للغرز) في زر over drive قوي جدا في العربية بيخطف العربية في الزنقة
وفي النهاية ...ربنا يوفقك للافضل

[sonson101092]

معرفش اجابتي ح تكون متأخرة ولا لأ
انا معايا نيو اكسنت اتوماتيك
بصراحة عربية تحفة
سحب عالي والأفضل من كده
لو انت سرعتك في حدود 100 او 110 اعتقد ح يكون نفس معدل المانيول في استهلاك الوقود
والافضل وافضل السيارة بها تكنولوجيا cvt للمواتير وشرحها في اللينك ده

http://en.wikipedia.org/wiki/Continuously_variable_transmission

التكنولوجيا ديه عمرك ما تشعر بعملية الانتقال من غيار لاخر سواء لأعلى او اسفل
العربية اكثر من رائعة انا عملت بيها 2000 كيلو لحد دلوقتي مفيش اي مشكلة بفضل الله لحد دلوقتي
بالنسبة لجزئية ان المانيول افضل بالبلدي (للغرز) في زر over drive قوي جدا في العربية بيخطف العربية في الزنقة
وفي النهاية ...ربنا يوفقك للافضل

معلش اصل انا لسة جديد فى الاوتوماتيك اية هوة زر over drive

انا معايا نيو اكسنت اوتوماتيك بردة 2009 بس لسة جديد فى الاوتوماتيك معلش حضرتك تئولى اية هوة عمل الزرار دة وامتى استخدمة

[firstknight216]

الـ Od Or Over Drive
ده زر موجود عند حضرتك في الفتيس
حضرتك في زر كبير وده لتحريك الذراع
وفيه زر تاني صغير تحته هو ده الـ Over Drive
ده الغرض منه بالبلدي بيعمل غيار عكسي يعني العربية على الغيار الرابع تنقل على الثالث وده طبعا بيعطى عزم عالي للعربية وقوة دفع جمدة جدا (انا بتكلم بالنسبة للنيو اكسنت) وهو تقريبا مايشتغلش الا على الغيار الرابع فقط
وده استخدامه طبعا في الحالات الطارئة يعني مش للاستخدام المستمرلأنه طبعا بيحمل على الموتور
المعلومات البسيطة ديه هي اللي انا اعرفها يمكن اكيد حد من الزملاء يكون عنده معلومات اكتر

[amir]

انا معايا صني اوتوماتك و برضو فيها زرار الاوفر درايف

و الموضوع ببساطه ان العربيات الاواوماتك 4 نقلات اماميه و واحده خلفيه
انما المانيوال 5 سرعات اماميه و واحده خلفيه

لما بتسوق مانيوال و جايب سرعه فوق ال 80 او 90 بتجيب الخامس, ليه علشان تريح الماتور بدل ما يبقي مقرب يدخل في المنطقه الحمراء بتاعت لفات الموتور

طيب لما تعوز سرعه اكبر و انت ماشي علي الخامس و بسرعه بتعمل ايه؟
بتجيب الرابع علشان العربيه تجري معاك بسرعه (بس تاخد بالك بردو انك متدخلش في المنطقه الحمراء)
و كذلك الموضوع في النقله الرابعه ممكن تسقط نقله و تجيب التالت

الموضوع ده في الاوتوماتك بيتعمل ببساطه شديده انك تدوس بنزين جامد

العربيه بتسقط نقله لوحدها و تجري زي ما انت عايز لغايه قرب المنطقه الحمراء و بعدين تجيب النقله الاعلي

طيب ده الكيك داون امال الاوفر درايف بيعمل ايه؟

الاوفر درايف في الاوتوماتك هو ببساطه السماح للعربيه باستخدام النقله الرابعه الاماميه
و لما بنطفي الاوفر درايف (لما بندوس علي الزرار بتاعه) بنلغي النقله الرابعه و بنخلي العربيه تنقل علي تلات نقلات اماميه فقط

و في المجمل العربيه بتحرق علي كافه النقلات التلاته و بتديك تسارع رائع و كأنك راكب عربيه مانيوال
لكن لو وصلت لسرعه 100 كيلو فما فوق الار بي ام هيعلي قوي و يفضل كده و العربيه سحبها يثبت و سرعتها متعلاش
ساعتها لو عايز تريح الماتور تبقي تدوس زرار الاوفر درايف تاني و بكده تسمح ليه انه يجيب السرعه الرابعه

اتمني اني اكون وصلت المعلومه

[mohfofo]

معايا الاوتوماتيك هايل فى النيو اكسنت واحسن من الماتركس بكتير وفيه زر over drive اللى بيضاعف السرعة .
ملحوظة : الاوتوماتيك فى الهيونداى ميتخفش منه ابداً بس متفتريش عليه عشان عُمر الموتور .

[YoussefMostafa]

معرفش اجابتي ح تكون متأخرة ولا لأ
انا معايا نيو اكسنت اتوماتيك
بصراحة عربية تحفة
سحب عالي والأفضل من كده
لو انت سرعتك في حدود 100 او 110 اعتقد ح يكون نفس معدل المانيول في استهلاك الوقود
والافضل وافضل السيارة بها تكنولوجيا cvt للمواتير وشرحها في اللينك ده

http://en.wikipedia.org/wiki/Continuously_variable_transmission

التكنولوجيا ديه عمرك ما تشعر بعملية الانتقال من غيار لاخر سواء لأعلى او اسفل
العربية اكثر من رائعة انا عملت بيها 2000 كيلو لحد دلوقتي مفيش اي مشكلة بفضل الله لحد دلوقتي
بالنسبة لجزئية ان المانيول افضل بالبلدي (للغرز) في زر over drive قوي جدا في العربية بيخطف العربية في الزنقة
وفي النهاية ...ربنا يوفقك للافضل

احب اوضح ان ال cvt غير ال cvvt اللي في النيو اكسنت

[bishoy02010]

انا لو مكانك هجيب اوتوماتيك بدون تردد

[super3_11]

اتوماتيك توكل على الله انا بسمع عن الهيونداى كلام حلو اوى اليومين دول حتى انى بفكر اجيب الi3o اتوماتيك انا كمان ومبروك مقدما

[falcon191]

الموضوع مش ايه هو الأفضل، الموضوع هو مزاجك في ايه؟
يعني بالنسبة لي المانيول هو متعة القيادة

[akram2010]

الكورى زى اليابانى والاتوماتيك فى الهيونداى ممتاز جدآ غير اى سيارات اخرى
ياعمو انتهى عصر المانيوال . البلد بقت ذحمه لاتتحمل المانيوال . ارحم نفسك ورجلك ولما يخرب بعد 15 سنه تبقى تصلحه وتوفر عناء 15 سنه من على رجلك

[Samah AbdAllah]

اكيد مفيش افضل من الاوتوماتيك

[Bossy_Fadl]

يا جماعة العضو اساسا ساب المنتدي من زمان

يعني الموضوع مبقاش له قيمة للأسف

[matta]

كيك داون

معلش أنا أسف للمداخلة يعني ايه كيك داون


شكراً

[amir]

معلش أنا أسف للمداخلة يعني ايه كيك داون


شكراً

ياباشا منور وسط اخواتك و تسئل زي ما انت عايز
الكيك داون ده حاجه في الاوتوماتك كده زي ما تقدر تقول في المانيوال و انت ماشي علي الغيار الرابع مثلا و تقوم مسقط الغيار التالت علشان العربيه تجري بسرعه
هو في الاوتو بيتعمل ببساطه انك تتدوس بنزين جامد مره واحده العربيه بتنزل للغيار الاقل و تحرق عليه لغايه ما تيجي داخله قرب الرد زون
و لو في اسئله تاني اتفضل اسئل