استفسار عن باور الالنترا

[PORSCHE-Z]

السلام عليكم و رحمة الله و بركاته

كنت عايز أعرف كذا حاجة عن الالنترا
1-هل العربية بتعوم فعلا بعد سرعة 120 او 130 ؟
2-هل فعلا الباور خفيف جدا و خطر و بيدي شعور بالخوف عالسرعات العالية
3-هل يمكن رد السوك اذا اتخبطت العربية فيها لا قدر الله.
كل الكلام ده عن النترا 2014 فيس لفت :)

[Ahmed_Eldesoke]

السلام عليكم و رحمة الله و بركاته

كنت عايز أعرف كذا حاجة عن الالنترا
1-هل العربية بتعوم فعلا بعد سرعة 120 او 130 ؟

لا طبعاااااااا هو انت راكب 128 اللى عربية بتعوم يبقى فيها عيب انا فاحت العربية سرعات الصراحة لان هنا جو البلد السرعة 120 فتخيل انت بقى مكنتش نجحت هنا مش بقت فى كل مكان


2-هل فعلا الباور خفيف جدا و خطر و بيدي شعور بالخوف عالسرعات العالية

هو فعلا الباور خفيف جدا بس على السرعات زيه زي اى عربية الباور بيكون تقيل انا بسافر عليها كتير وبمشى 170 و 180 وبدخل ملفات والحمد لله 100-100 واولا وأخيرا هى ستر من عند ربنا

3-هل يمكن رد السوك اذا اتخبطت العربية فيها لا قدر الله.

الله اعلم بس اعتقد لو في سمكري محترف هيعملها
كل الكلام ده عن النترا 2014 فيس لفت :)
انا اللى معايا 2013 واول الفيس لفت هنا 2015 بس محدش اشتكي من العيب دا حتى الفيس لفت نزل منها تاكسي

[PORSCHE-Z]

متشكر جدا يا باشا :)

[Ahmed_Eldesoke]

تحت أمرك في أي شئ

[PORSCHE-Z]

معلش يا جماعة حد ضروري يقوللي ايه فئات الالنترا و اسعارها و كمالياتها زيس الجنط مقاسه كام و فيه فتحة سقف ولا لا و وسائل الامان و كمان هي ولا شارك و لا سيراتو ولا كروز ولا فلوانس

[Ahmed_Eldesoke]

بص يا باشا انا مش عارف الفئات فى مصر اية بس هي فئات كتير جدا
بس المهم انك لو اخترت الألنترا لازم يكون فيها الأتى
ايموبلايزر
ABS
2 ايرباج على الاقل لو فى اكتر يبقى ممتاز
فتحة السقف مش مهمه اوي انا عن نفسي مش بستخدمها ودا يرجع لحضرتك
بلاش جنوط لانها بتخلي العفشة نشفة جداااا وناس كتير اشتكت منها وانا اولهم عملالى كالوا فى نفوخي انا معايا جنط 17 مش عارف 16 ظروفه ايه كويس ولا لأ
حساس نور ممتاز جدا جدا وبيسهل عليك انك لو بتنسى تشغل النور بالليل
حساس مطر - مش مهم اوى نظرا ان الشتا عندنا مش كتير


طبعا بقى لو في زيادات زي Stability control والاية بي دي هيكونوا ممتازين جدا لا قدر الله فى شئ مفاجأ على سرعة

يعنى دى المعلومات اللى عندي ورأيي نزل استفسار فى موضوع منفصل علشان العملاقة بتوعنا يردوا عليك بمعلومات وافية

[محمد فوزى]

الحقيقة العيب الحقيقى فى عفشة العربية دى مش فى الباور وانما فى نظام التعليق الخلفى التورشن بيم فالمشكله دى بتظهر لما بتكون داخل ملف بسرعة وفى دردرة فى الطريق او مثلا فاصل كوبرى ويكون فى ملف فبتحس ان العربيه بتلعب شويه من الجزء الخلفى ولكن بنسبه مش كبيرة معتقدش ان هتفقد السيطرة والعيب الثانى ان العفشة ناشفة مع الطرق المصرية

[Ahmed_Eldesoke]

الحقيقة العيب الحقيقى فى عفشة العربية دى مش فى الباور وانما فى نظام التعليق الخلفى التورشن بيم فالمشكله دى بتظهر لما بتكون داخل ملف بسرعة وفى دردرة فى الطريق او مثلا فاصل كوبرى ويكون فى ملف فبتحس ان العربيه بتلعب شويه من الجزء الخلفى ولكن بنسبه مش كبيرة معتقدش ان هتفقد السيطرة والعيب الثانى ان العفشة ناشفة مع الطرق المصرية

+11111111111111111
انت برنس بس على فكرة مش شرط فى الملفات والله عندي قدام البيت المطبات الصغيرة خالص بديل عين القط دي اللى بتكون 3 او 4 ورا بعض وفى من الشمال جزء مش كامل بما بعدي من عليها والسرعة لا تتجواز ال 50 بحس ان العربية بتعوم مني :(
وتعمدت انى اجربها فى اكتر من عربية علشان كنت متوقع المشكلة من عندي
جربتها ب اكسنت 2008 نفس المشكلة
النترا 2010 نفس المشكلة
ياريس 2013 الشكل القديم وكانت المفاجاة العربية ثابته بالرغم من انى كنت باخد ملف بنفس العربية على 80 والعربية خمست مني بدون ما اضغط على الفرامل ولا اي حاجة وكنت رافع رجلى من على البنزين :(
طبعا العملاقة جيتا 2012 وكانت ثبات التنين بالرغم انها كانت ايجار والعربية مهلوووووووووووكة على الأخر بس الالماني الماني برضوا


الخلاصة ان دا وظيفة ال Stability Control اللى قولت للباشا عليه فوق ودا بقى مفيش غنى عنه خلاص

[محمد فوزى]

+11111111111111111
انت برنس بس على فكرة مش شرط فى الملفات والله عندي قدام البيت المطبات الصغيرة خالص بديل عين القط دي اللى بتكون 3 او 4 ورا بعض وفى من الشمال جزء مش كامل بما بعدي من عليها والسرعة لا تتجواز ال 50 بحس ان العربية بتعوم مني :(
وتعمدت انى اجربها فى اكتر من عربية علشان كنت متوقع المشكلة من عندي
جربتها ب اكسنت 2008 نفس المشكلة
النترا 2010 نفس المشكلة
ياريس 2013 الشكل القديم وكانت المفاجاة العربية ثابته بالرغم من انى كنت باخد ملف بنفس العربية على 80 والعربية خمست مني بدون ما اضغط على الفرامل ولا اي حاجة وكنت رافع رجلى من على البنزين :(
طبعا العملاقة جيتا 2012 وكانت ثبات التنين بالرغم انها كانت ايجار والعربية مهلوووووووووووكة على الأخر بس الالماني الماني برضوا


الخلاصة ان دا وظيفة ال stability control اللى قولت للباشا عليه فوق ودا بقى مفيش غنى عنه خلاص

الله يخليك يا احمد باشا هو نظام التورشن بيم الحقيقة فعلا سىء جدا ولكن بيستخدموة علشان توفير السعر والبديل الجيد هو انظمة المالتى لينك زى ما قولت فى السيارات الالمانى لكن قرأت من مده على حاجه اسمها ستابلتى بار او رول بار بتركب فى العفشه الخلفية شبه الميزان كده انا معرفش حد ركبها بس معتقدش انه هيعمل حاجة اصلا وشكلة هيزود المشكلة فى الوقت الراهن الواحد بياخد حذره وربنا يسترها علينا جميعا

[Ahmed_Eldesoke]

الله يخليك يا احمد باشا هو نظام التورشن بيم الحقيقة فعلا سىء جدا ولكن بيستخدموة علشان توفير السعر والبديل الجيد هو انظمة المالتى لينك زى ما قولت فى السيارات الالمانى لكن قرأت من مده على حاجه اسمها ستابلتى بار او رول بار بتركب فى العفشه الخلفية شبه الميزان كده انا معرفش حد ركبها بس معتقدش انه هيعمل حاجة اصلا وشكلة هيزود المشكلة فى الوقت الراهن الواحد بياخد حذره وربنا يسترها علينا جميعا

موجود فعلا وفى ناس كتير بتركبة وفى وقرأت موضوع كامل عن الحوار دا هنا فى المنتدى ولو هو اللى انا اقصد عليه يبقى اسمه الدارج فى السوق شدادات وممكت تركبها قدام و ورا ودا فعلا بيحافظ على العربية فى الملفات انها ما تعومش بسبب اختلاف الضغط على المساعدين فى الجهة اللى بتلف فيها