عملت حادثه بالفيرنا بتاعتى ارجوا الافاده

[Unbreakable20]

السلام عليكم.
أنا معايا فيرنا ٢٠١٣ كامله منيوال زجاج فاميه، عملت حادثه بيها وحصل التالى؛ الاكصدام الامامى، الشبكه، الكبوت، الفانوس الامامى شمال،الردياتير بالمروحتين،والسربنتينه و الزجاج الامامى محتاجين يتغيروا.
الرفرف اليمين ، السدر والشنب محتاجين يتردوا ومعاهم جزء صغير الحديد اللى تحت الفانوس اللى قدام على الشمال.

بس الحمد لله الموتور سليم.

طبعا سالت فى التوكيل لقيت القطع غيار بس باكتر من ١٠ الاف جنيه.

فقررت لاول مره اروح بره التوكيل مع العلم ان عربيتى قبل الحادثه زى الزيرو تمام.

ناس دلونى على مركز فى الحرفيين.

اشتريت قطع الغيار كلها من هناك كالتالى.

كبوت كورى ب ٤٠٠
اكصدام امامى ب ١٧٥
شبكه ٧٥
فانوس ديبوا ب ١٩٠
ردياتير كورى ب ٤٥٠
سربتينه كورى ب ٤٥٠
مروحتين الردياتير ب ٤٦٠
الزجاج الاصلى ب ٣٣٠

كنت عاوز اعرف التالى من خبرتكم
١- قطع الغيار دى اسعارها معقوله كده؟
٢- العربيه كده بعد التصليح لو فكرت ابيعها حتعمل كام ( ماشيه ٢٨ الف فقط).
٣- فى مشاكل حقابلها بعد كده فيها ولا لا؟
٤- التوكيل كده يعتبرها بره الضمان ولا لا؟
٥- لو ركبتلها انزار و فوانيس شبوره ده ممكن يخليها بره الضمان؟
٦- فى حالت لو عاوز اعمل الصيانات و التصليحات بعد كده بره التوكيل اروح فين واشترى الحاجه من فين؟

[BlackEagle1985]

الحمد لله انك بخير ... ربنا يعوض عليك
ان شاء الله حد يفيدك في تساؤلك

[haysam2000]

السلام عليكم.
أنا معايا فيرنا ٢٠١٣ كامله منيوال زجاج فاميه، عملت حادثه بيها وحصل التالى؛ الاكصدام الامامى، الشبكه، الكبوت، الفانوس الامامى شمال،الردياتير بالمروحتين،والسربنتينه و الزجاج الامامى محتاجين يتغيروا.
الرفرف اليمين ، السدر والشنب محتاجين يتردوا ومعاهم جزء صغير الحديد اللى تحت الفانوس اللى قدام على الشمال.

بس الحمد لله الموتور سليم.

طبعا سالت فى التوكيل لقيت القطع غيار بس باكتر من ١٠ الاف جنيه.

فقررت لاول مره اروح بره التوكيل مع العلم ان عربيتى قبل الحادثه زى الزيرو تمام.

ناس دلونى على مركز فى الحرفيين.

اشتريت قطع الغيار كلها من هناك كالتالى.

كبوت كورى ب ٤٠٠
اكصدام امامى ب ١٧٥
شبكه ٧٥
فانوس ديبوا ب ١٩٠
ردياتير كورى ب ٤٥٠
سربتينه كورى ب ٤٥٠
مروحتين الردياتير ب ٤٦٠
الزجاج الاصلى ب ٣٣٠

كنت عاوز اعرف التالى من خبرتكم
١- قطع الغيار دى اسعارها معقوله كده؟
٢- العربيه كده بعد التصليح لو فكرت ابيعها حتعمل كام ( ماشيه ٢٨ الف فقط).
٣- فى مشاكل حقابلها بعد كده فيها ولا لا؟
٤- التوكيل كده يعتبرها بره الضمان ولا لا؟
٥- لو ركبتلها انزار و فوانيس شبوره ده ممكن يخليها بره الضمان؟
٦- فى حالت لو عاوز اعمل الصيانات و التصليحات بعد كده بره التوكيل اروح فين واشترى الحاجه من فين؟

بص انا هقولك على الأسعار اللى جبت بيها علشان انا عملت نفس الحادثه (نفس الخسائر)
الكبوت سعره كويس
الأكصدام لو معاك فلوس هات الأصلى 700 (جبت الكورى مرتين و اى خبطه بتكسره)
الشبكه تمام
الفانوس 180
الريدياتير و السربنتينه تمام بس فرق اغلى عندك 50 جنيه و الكورى تمام متقلقش
المراوح بصراحه مش عارف
مفيش زجاج اصلى ب 330 ده هتلاقيه استيراد

السعر مش هعرف افيدك فيه

ان شاء الله مفيش مشاكل خالص لو صنايعيه نضيفه و اهم حاجه السمكرى علشان يظبطلك وش العربيه

للأسف هيعتبرها بره الضمان

المهندس هانى و ليه موضوع هنا فى قسم هيونداى او اى ميكانيكى محترم قريب منك لآنها مفيهاش اى حاجه صعبه فى الصيانه و السرفيس (بس عند مهندس هانى هتحس انك فى التوكيل بصراحه من حكايات الأعضاء عليه)

[tameem2010]

اولا حمد لله على سلامتك
ثانيا انا معايا فيرنا برده 2012 وبعد ما جبتها بكام شهر عملت حادثة ونفس اصاباتك بالظبط وكنت عامل 20 الف كم

بص بقى انا جبت الكبوت التايواني ب385 والكوري كان 650 وفيه صيني اقل من كده بس في الاخر الكبوت هاته اي حاجة ولا له اي لازمة الغالي منه

الاكصدام جبته ب200 جنيه
والشبكه ب70 جنيه



والفانوس الديبو ب170

الراديتير كان ب370 اللى هو كوري وللعلم ان كل الراديتير بتاع الفيرنا صيني بس الكفر الخارجي هو اللى كوري حتى اللى بتنزل به من المصنع صيني من جوا بس الكفر الخارجي هو اللى كوري

انا لحمت السربنتينه وماشيه معايا من ساعتها مجبتش سربنتينه
جبت مروحه واحده كانت ب180 جنيه

والزجاج جبته الاصلي ب250 وقتها
الكلام ده كان من سنتين تقريبا

قدر الله وماشاء فعل
اه نسيت اقول لك ان الفيرنا بتاعتي فيراني
اوعى كمان انت تكون فيراني عشان كده هيبقى اووووووووفر اوووووي هههههههههه
الستارة بتاعة العربيه عندى كان فيه خبطات خفيفه واتردت

[mohamed_e36]

الحمد لله على سلامتك
وبجد اسوأ حاجه في الفيرنا الفرامل بتاعتها .....زحاليق ...اذا كان ده بسبب منظومه الفرامل نفسها ولا الكاوتش الزباله اللي راكب في العربيه
وربنا يحفظنا جميعا

[haysam2000]

الكاوتش الزباله طبعا لآنى لما ركبت تورنزا الحمد لله العربيه فعلا بقت بتقف

[S O P H O S]

ربنا يعوضك خير معلش

[georock]

عليك يا معلم و على الباشمهندس هانى و هو اللى حيقولك قطع الغيار سعرها حلو ولا لأ و اللى مش حتعرف تجيبه هو حيجيبهولك