عاوزين نفكر مع بعض خشونه السياره

[alpoka779]

العربيه بتبقي ناعمه علي الارض الناعمه وخشنه جدا وصوت احتكاك وحش جدا علي الارض المكسره او الاسفلت الغير مستوي - لو قلنا كاوتش المفروض يبقي في كل وقت ولو عفشه 3 عفشجيه اكدوا انها تمام وحطيت نتروجين بدل الهوا وزي ماهي ارجوكم عاوز اوصل لحل زهقت وصرفت كتير

[semsem85]

متابع لانه موضوع بشكو منه

[mk3]

انا مش عارف انت بتتكلم على عربيه ايه لانى داخل من موبايل ومش عارف القسم

- فى عربيات عفشه رياضيه بتبقى زباله على الطرق المكسره وكويسه على الناعم

[alpoka779]

العربيه فيرنا 2007 مانوال

[alpoka779]

متابع للاهميه

[john55]

ممكن يكون عيب الكاوتشكوك نفسه انا معايا كوهمو سولس بتسمع معاه كل تفاصيل الطريق وعايز اغيره بعد سنتين علشان وحش خالص مع الفرامل فممكن يكون نوعه يفرق مجرد لراي وشكرا

[baherhassan30]

العيب عيب كاوتش طبعاااااااا
انا عندي كده في الالنترا md
وبعد الفحص والمحص والتمحيص .. اكتشفت ان فيه كاوتشات صوتها عالي على الطريق وفيه كاوتشات لينه صوتها هادي
ومن ناس مجربة
قالتلي ان البريجستون التورنزوا ممتاز ولين على الطريق
والميشلان الفرنسي
وان شاء الله ناوي اغير الهانكوك السيئ جداااااااااااا الاستوك اللي في العربية
تحياتي

[fahd101]

مع احترامى للزملاء اللى بتقول كاوتش ... الموضوع مش كاوتش انا برضه معايا فيرنا 2008 مانيوال وبعانى نفس المشكلة وغيرت الكاوتش وغيرت المساعدين الخلفى وغيرن بيض ميزان ومسمرين طرف وغسلت العفشه كويس وربتطها كويس جدا ومسبتش حاجه معملتهاش ودى اكبر مشكله بتضايقنى فى عربيتى كفايه لما بعدى على مفصلات كوبرى اكتوبر العربيه بتهبد فى المفصله وترزع فى ضهر اللى على الكنبه علما انى بشوف عربيات ماشيه قدامى بتاخد المفصله كانها طايره لا بتنزل تدب فيها ولا اى حاجة وانا مفيش حتى لو نواه بلحة فى الارض عديت عليها بتسمع عندى فى الصالون يعنى على طول بعانى من الخشونه فى شوارع المحروسه سواء طريق ناعم او مكسر او حتى اسفلت عادى
ممكن الواحد يغير عفشه بالكامل ويوفق عليها حاجة يابانى او المانى ولا الحل ايه :( :( :(

[yaskhl]

الحل الوحيد بناء عن تجربه اظبط ضغط الكاوتش على 28

[seri0us]

انا شايف ان جودة عزل السيارة و تقفيلها الجيد هي المعول الاساسي .. فلو كلفت نفسك و جبت افضل و اجود و ألين انواع الكاوتش و لكن عزل السيارة غير جيد كما هو معهود في الفيرنا و الاكسنت فلن تستمتع بنعومة الكاوتش و هدوئه كما كنت تعتقد او تنتظر !!!!

[mshmshm3]

انا مركب كاوتش بريدجستون b250 و بحس بخشونة الطريق و الارض المكسرة
قبله كان كاوتش نسر و كان هوا مش نيتروجين
في فرق كبير في الاحساس بالطريق طبعا بس مازال صوت الكاوتش علي الاسفلت الخشن مسموع
كبر دماغك معظم العربيات كدة

[alpoka779]

baad 6 shohor azab tam el hal .. bs andy moshkela fe compeuter ahelha elaoel