نقط مايه تحت العربيه !؟

[shndoo]

السلام عليكم
وانا سايق فى شوارع المحروسه طبعا مطب @#$ كحت فى العربيه من تحت بس بسيط
فنزلت بقى و كأنى فاهم يعنى اطمن عليها من تحت لقيت نقط مايه ساقع نزله من اخر الكبوت فى النص بين العجلتين الى قدام
فى الى معايا قالى دى مايه التكيف فعادى ماتقلقش - انا فعلا كنت مشغل التكيف - و بصيت على قربه المايه لقيتها مانقصتش اى نقطه و خلصت المشور و المايه زى ماهى و الحراره مظبوطه
فهل فعلا التكيف بينزل مايه فى المكان دا ولا كده خطر ؟
معلش انا معنديش اى خبره منى على التوكيل على طول معلش طولت :)

[HOSSAM99]

و عليكم السلام و رحمة الله و بركاته
دي فعلا مياه من فايظ التكييف متقلقش بتبقي جاية من تحت العربيه ناحية العجلة اليمين الأماميه
و لو فتحت الكابوت هاتلاقي الدرين فوق علبة الدركسيون

[hany63]

لا متقلقش فعلا الميه دي بسبب التكييف و ده عادي في كل العربيات و البيوت كمان

[shndoo]

و عليكم السلاتم و رحمة الله و بركاته
دي فعلا مياه من فايظ التكييف متقلقش بتبقي جاية من تحت العربيه ناحية العجلة اليمين الأماميه
و لو فتحت الكابوت هاتلاقي الدرين فوق علبة الدركسيون

ايوه فعلا من نفس المكان دا الف شكر

لا متقلقش فعلا الميه دي بسبب التكييف و ده عادي في كل العربيات و البيوت كمان

اه منا عارف البيوت كده بس كنت فاكر العربيه تكيفها مع الشكمان اصلى ساعات بشوف عربيات قدامى و انا سايق بلاقى الشكمان بينزل مايه معلش قلت الخبره بتضحك

[exact]

ايوه فعلا من نفس المكان دا :_alshmokh22[1]: الف شكر :ta_clap[1]:


اه منا عارف البيوت كده بس كنت فاكر العربيه تكيفها مع الشكمان :e_braces[1]: اصلى ساعات بشوف عربيات قدامى و انا سايق بلاقى الشكمان بينزل مايه معلش قلت الخبره بتضحك

الميه اللي بتنزل من الشكمان دي دليل على ان حرق البنزين مظبوط... لأن المكون الاساسي كربون وهيدروجين وعند اتحاده بالاكسجين بيطلع اكاسيد كربون وبخار ماء اللي اما يكون الشكمان بارد بيتكثف البخار ده عليه فيسبب الميه اللي سيادتك بتشوفها

بخصوص التكييف فده له صرف مستقل لو شغلت المكيف شوية وبص على صدر العربية من الناحية اليمين لتحت خالص هتلاقي التصريف ده موجود خرطوم ربع بوصه كده

[baherhassan30]

الميه اللي بتنزل من الشكمان دي دليل على ان حرق البنزين مظبوط... لأن المكون الاساسي كربون وهيدروجين وعند اتحاده بالاكسجين بيطلع اكاسيد كربون وبخار ماء اللي اما يكون الشكمان بارد بيتكثف البخار ده عليه فيسبب الميه اللي سيادتك بتشوفها

بخصوص التكييف فده له صرف مستقل لو شغلت المكيف شوية وبص على صدر العربية من الناحية اليمين لتحت خالص هتلاقي التصريف ده موجود خرطوم ربع بوصه كده

اؤيد هذا الرأي
ووجود مياة في الشكمان .. معناها ان الماتور يعمل بكفأة عالية جدااااااااااااااااااااااااااااااا
وزي ما قالوا الاخوة ... التكييف ليه خرطوم بيصرف تحت الماتور

لا تقلق