خبر الموسم.. غبور يترك توكيل هيونداي..

[Ahmad Allawy]

اثناء زيارتي لمركز صيانة هيونداي (غبور فرع ابو رواش..)
لعمل صيانات لسيارتي ابن خالي و صديقي.. و الاتنين من موديل فيرنا..
و بعد ترك السيارات داخل الورشة.. و تحركنا الي داندي مول.. و هناك عرفنا الخبر..
ان غبور سيترك توكيل هيونداي.. و يترك مجال السيارات عموما.. و يتجه لمجال اخر..
بعيد كل البعد عن السيارات..
اترككم مع الصور و نكمل الحديث..





غبور هيسيب هيونداي و يشتغل ف المنجة..
:) :) :) :) :)
عجبنا كل العجب لما لقينا المانجة دي في كارفور.. مانجة كينت.. اسمها كده.. :) و حجمها عجيب جدا.. ضخمة بغرابة..
انا بصراحة استغربت.. بس زعلت علي المانجة بعد شوية.. :) :) لأني خوفت عليها من غبور.. حتي المانجة دي مش هيعرفوا يعملوا ليها صيانة.. :) :) :)
و انت بتاكلها هتلاقيها بتحدف مثلا في بقك.. :) :) او بتسيل عصير علي هدومك.؟. :) :)

في الختام.. انا بس عندي تعليقين صغيرين..
الموضوع كله لا يخرج عن كونه مزحة.. دعابة.. :) :) و ارجو انه محدش ياخدها علي انها سخرية من العربيات او من هيونداي.. ولا من غبور نفسه طبعا.. بل بالعكس.. ده توسع كبير في التجارة و الصناعه اهو.. و عشان محدش يفتكر اني باتريق..
انا معايا اوبل. و توكيلها مع منصور.. و منصور برضه شغال ف المواد الغذائية و للي ميعرفش انه صاحب مجموعه سوبر ماكت مترو..
يعني برضه بيلعب برة مجال السيارات.. و النقل..
عادي يعني..
انا بس باهزر معاكم.. و محدش يزعل..

[MoToRiZeR]

حلو أوي الموضوع ده يا أحمد :)

بالنسبة لضخامة المنجة فا ده الشكل الجديد .. و فيه منه موديلين .. هاف أوبشن بالبذرة و فول أوبشن بالبذرة برضه .. مبصتش عالإقفاص ؟ يمكن تطلع "نسر" ولا حاجة

[Nader]

طيب على كدة مش ناوي يجمع علب عصير يكون فيها منتج محلي تركيز70%

!!!

[Ahmad Allawy]

حلو أوي الموضوع ده يا أحمد :)

بالنسبة لضخامة المنجة فا ده الشكل الجديد .. و فيه منه موديلين .. هاف أوبشن بالبذرة و فول أوبشن بالبذرة برضه .. مبصتش عالإقفاص ؟ يمكن تطلع "نسر" ولا حاجة

هههههههههههههههه
هههههههههههههههههههههه
جامد جدا الموضوع ده..
لأ مكانتش في اقفاص.. كانت في كونتينر كبير كده.. :) :)
كان لاسا تركي مش نسر.. :) :) :)

[AHMEDCAR]

على يدى انت نسيت تقول ان العبد لله كان معاك تعرف انا لو ماكنتش معاك كنت قولت بيلزقها لينا بس ايه رايك المنجايه ايه كبيره بطريقه غريبه الواحد يخاف ياكل منها قبل الغدا ليشبع و مايلاقيش مكان للاكل بعد كده المنجايه منجايه 1600 فول اوبشن بلزقتها


و علشان كده انا عرفت ليه العربيه اول ما استلمتها كنت ملزقه ههههههههههههههه

[mahamedaraby]

يعنى غبور ساب كل المشاكل اللى عنده ومشاكل الصيانه بتاعت العملاء

وراح اشتغل فى تصدير المانجا

هو تقريبا عمل كده علشان كل عميل ما تعجبهوش الصيانه ياخد مانجايه بس يارب يكون عامل حسابه بس

[mazagnge]

بس سؤال المانجة 1600 و لا 1300 و التكيف بتاعها أخبارة اية (^_^)

[Ahmad Allawy]

لأ المانجا بالحجم ده مش اقل من 2000 :) :) :) :)
مانجا سوناتا.. بس اسمها كنت..
الظاهر ان ده الاسم الجديد.. موديل 2009..
بس الغريب انه منزلهاش في اعلان رمضان مع التوكتوك و الموتوسيكل الصيني..
المانجا الهندي.. زي الفيرنا الفيفا الهندي..
ممكن تكون صفقة مع الفيفا.. :) :)

[thegreatnileman]

يا جماعه بلاش هزار المانجو دى مانجو هندى الهند باعتاها محمله داخل صفقة التوك توك اللى هو جايبه بس طبعا هو لازم يعمل سبوبه فى اى حاجه فواضح انه جمعها من داخل التكاتك (جمع توك توك) وراح يبيعها فى كارفور اللى جمبه

وطبعا ضمان المانجو دى كل 2كجم تغير القشره وممكن يرشها لو معطبه بس يفضل فرع قليوب بيقولو انه حايمسك المانجو

[Ahmed Samy]

كده يا احمد !!!!

تفرحنى كده و بعدين تطلع منجه ؟؟؟؟؟


ربنا يباركله في المنجه يمكن مايلاقيش وقت للعربيات و يسيبها لحد له فيها شوية

[AHMEDCAR]

مانجه غبور تكلها و تغور

[thegreatnileman]

ممكن اعمل تعديل بسيط

عند غبوور لما دمك يفووووووور

تاكل مانجه غبور

وتغووور

[AHMEDCAR]

ممكن اعمل تعديل بسيط

عند غبوور لما دمك يفووووووور

تاكل مانجه غبور

وتغووور

مقبوله منك و مبروك موضوع اعطال الماتريكس بس كان هايكون احلى لو كان الاعطال و كيفيه اصلاحها

[shanodaa]

شكرا افتكرت الموضوع بجد

[l0new0lf]

حلو أوي الموضوع ده يا أحمد :)

بالنسبة لضخامة المنجة فا ده الشكل الجديد .. و فيه منه موديلين .. هاف أوبشن بالبذرة و فول أوبشن بالبذرة برضه .. مبصتش عالإقفاص ؟ يمكن تطلع "نسر" ولا حاجة

الفول أوبشن بدون البذره و للتصدير و بتنزل للفنادق الكبيره فقط