إعـــــــلان

Collapse

.

,
See more
See less

تقــ 2 ـــرير عن سمكرة وتلميــع الــMDـــ In Depth

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    تقــ 2 ـــرير عن سمكرة وتلميــع الــMDـــ In Depth

    السلام عليكم ورحمة الله وبركاتة



    تقــ 2 ـــرير عن سمكرة / دوكوو وتلميــع الــMDـــ In Depth










    عودة بعد انقــــــطاع هوة مش انقطاع بالمعنى الحرفى بس بتابع من بعيد لبعيــــــــــــد !

    *بسبب ظروف شغلى *



    من فترة وأنا بقول عايز اشد العربية والم الخبطات والخرابيش اللى داير مايدور ع العربية ...

    وكان دائما الوسوسة تشتغل فى دماغى هترش عربية فابريكة /طب هتبيعها ازاى / محدش هيشترى / سعرها هينزل / العربية هتبقى معيوبة ياملعم / هتعنس جنبك ....... الــــــــــــــخ !!

    لغاية لما رسيت أنى هرش وهتوكل ع الله ولما ربنا يريد وابيعها هبقى اقول للى هيشترى أنى رشيت كذا وكذا وبالصور والفيديوهات اهوة دة غير الكشف عليها طبعا ,, عاجبك اهلا وسهلا مش عاجبك يفتح الله .

    وبعدين أى اللى فيها لو رشيت وش نضافة والدواخل والشاسية كلة سليم ؟! طالما الاساسيات سليمة يبقى أى الغلط فى كدة ؟!

    - شعب ثقافتة غريبة -



    فهـــ الموضوع ــــــرس :


    1 / نصبايــــة توتال .

    2 / الوصوول للحرفيين ريزورت .

    3 / بدء فك الفوانيس والاكصطدامين و تفريخ الباب ( الخلفى / اليمين ) .

    4 / ارسال الاكصطدامين لعم فتحى *باين* لتظبيطهم وللحامهم .

    5 / بدء السمكرة .

    6 / انتهاء السمكرة وارسالها للمعلم قدورة .

    7 / بدء الصنفرة والبطانة مع تجهيزها للدهان .

    8 / يوم الاستلام والحســـــاب .



    نصبايــــة توتال     .

    يوم الثلاثــــــــــــــــ 10-6-2014 ــــــــــــــــاء ..

    اخدت فلـــــة وقولت امونها قبل ماطلع ع الحرفيين ولا محطة شغالة فى ذاكر حسين كلة يأما النور قاطع يأما البنزين موصلش !! روحت ع محطة توتال اللى فى تقاطع مصطفى النحاس مع عباس العقاد وكانت شغالة الحمدلله ! قولتلة حط 30 لتر ( 92 ) ومنزلتش من العربية ,, لقيتة بيندهلى والحق ياهندسة يانهار اثود ومش هينفع احطتلك بنزين واطلعلى سيـــكا قدام !@! أنا قولت بس هنزل هلاقى نصف العربية الخلفى مولع مثلا *بعد الشر* ولا هلاقى عرسة محشورة فى تانك البنزين ,, طلعت قدام و نزلت ملاقتيش ايوتها حاجة *الحمدلله* فية أى يابنى خييير ؟!

    ياهندسة أنت ماشى كدة أزاى ؟!



    قولتلة زى الناس !!



    حرام عربية موديل السنة وتبوظها وسايبة كدة وع فكرة هتبطل منك فى الطريق وبص ع شكمان كدة دة كلة من جوة هباب !



    هوة أى اللى أنا بوظتة ولا أنا عملت أى غلط هيبهدل العربية ؟ وبعدين مأكيد الشكمان من جوها هباب يعنى مش غزل البنات .



    لقيتة قام قايلى ليستة باللى هيحصل فى العربية وكان ناقص يقولى هيجلها بواسير لو محطتش منظف الانجيكشن الأمريكى الأصلى والموصى بية من المحطة !



    ابص ع منظف الانجيكشن دة الاقــــى الباركود 62 (مصرى) مش امريكى وماركة مجهولة !


    قولتلة حط بنزين وشكرااا ..



    *اللى يقولك حط منظف ولا أى اضافات واللى يقولك الكاوتش عندك مش عارف فية أى* فى محطة بنزين !

    - سيبك منـــــــــــــــــــــة -



    الوصوول للحرفيين ريزورت .

    المهم مونت واتوكلت ع الله وطلعت ع الحرفيين ووصلت هناك ع 3:00 عصرا ,, قابلت قدورة واتناقشنا أفضل حاجة هتتعمل فى العربية أن كان ع الخامات والسمكرة والرش والسعــــــر قالى لايونكن اتكلم فية ,, كريم موصـــــى عليك ومخصوص كمان !!

    كلمت كريم والراجل كان متابع معايا من الأول ومتأخرش علية -اتفقنا ع السعر وبدأنا-

    * جزاك الله كل خير ويجعلة فى ميزانك ياكيمووو *

    اتفقت أنى هرش الجنب اليمين بعتبه مع اكصطدامين وقايم شمال وكبوت .
















    بدء فك الفوانيس والاكصطدامين و تفريخ الباب ( الخلفى / اليمين ) .

    طبعا صعب عليــــا اسيب فلة لوحدها وفضلت معاهم لغاية لما خلصوا سمكرة ,, روحت للأسطى مستكاوى واندهشت من الاشبــــال اللى شغالة عندة ! اكبر واحد ممكن 15 سنة أو اقل بس بيشتغلوا زى مالكتاب مابيقول .



    4:00 بدءوا شغل فيها وبالاخص الاسطى عمر *اكبر واحد فيهم وبصراحة بتنبئلة بمستقبل واعد لو فضل ع نفس المستوى* كان شايل الموضوع كلة وهوة اللى فكلى الاكصطدامين بالفوجات وبعد كدة جة وراء وفكلى السنسورز بتوصيلاتة .













    اكتر حاجة كنت مقلق منها موضوع تفريخ الباب دة لحسن لقدر الله حاجة تبوظ فى الباب أو تتبهدل بس المستكاوى قام بالواجب .







    ارسال الاكصطدامين لعم فتحى *باين* لتظبيطهم وللحامهم .

    ووصيت عليهم يلحموا الحتت البايظة ويشيك عليهم لو فيهم حاجة تانية .



    بدء السمكرة .

    عمر مسك الرفرف * قدام يمين * وقام بية من أولة لأخرة .












    الاسطى مستكاوى دخل ع * بابين بالعتب بالقايم الشمال * .




















    بدء الصنفرة والبطانة مع تجهيزها للدهان .

    وش الصنفرة وبعديها تلقيط معجوون للحاجات اللى اتسمكرت وبعديها وش بطانة وبعديها ع كابينة عدل وبيات فيها .



    يوم الاستلام والحســـــاب .

    كان ميعادى الجمعة 13-6-2014 ع 6 مساء بس للأسف كنت مع نجوم هيونداى ودايو وفيات وستروين فى الرحاب .


    وقولت خليها السبت الصبـــــح عشان استلم ع روقان والحمدلله استلمت ع خير والشغل كان عالـــــى وكان معايا ضمان 5 ايام ع شغـــــل وقابلت كريم منير هناك والراجل *جزاة كل خير* سلمنى وشيك معايا ع العربية حتة حتة وأنا كنت مستحلفلة اصلا لو شغل طلع فية حاجة كنت هقفلة الورشة واخد قدورة رهن واشردلة ع المنتدى !

    وكنت ناوى اخطف بيدو كمــــــان *بس ربنا قدر ولطف*






    (( بسم الله ماشاء الله ولاحول ولاقوة الا بالله العلى العظيم ))
    = اهم حاجة تدعولى أن ربنا يحفظها ويباركلى فيها =
    = وفية صندوق جنب بوابة قسم هيونداى يأريت تلموا من بعضكووا وتطلعولى حاجة لله أو اعتبروها نقطــــــــة طيب =



















    شكــــــــــــــــــرا خاص لكريم منير وأحمد قدورة ع تعبكم معايا وربنا يجعلة فى ميزانكوا .


    وربنا يديمها دائمــــــــا عليكما .






    طووولت عليكــــوا وكدة أنتهى جزء السمكرة والدوكوو ** وربنا يجعلها اخر الأحزان ** .

    فى رعـــــــــ الله ــــــــــاية
    [CENTER][SIGPIC][/SIGPIC]
    [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
    [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]
    الكلمات الدلالية (Tags): تقرير, تلميع السيارة, سمكرة ودهان, سمكرة ودوكو, هيونداى النترا 2012, هيونداى النترا md, ورشة نايل موتورز
  • #2
    الف مبروك

    Comment

    • #3
      الف مبرووك علييك و ربنا يحفظهالك
      بس عمر مايجيلي قلب اعمل كدة
      لا الــه الا الله .. محمــد رسول الله

      Comment

      • #4
        بسم الله ماشاء الله تبارك الله
        شغل عالى كالمعتاد ربنا يبركلهم
        وألف مبروك تجديد العربيه
        موضوع ان العربيه بتقل قيمتها لو اترشت بره هيا كانت هتقل لو اتسابت مخبطه
        هوا رش العربيه أول مره بيحزن الواحد بس بعد كده بينسى وبالتدريج بيطلع من عقدة الفابريكه للصاج الخارجى
        لان أى عربيه لازم تتحك وتتخربش
        ربنا يحفظهالك ويبركلك فيها
        ماشاء الله كان وما لم يشأ لم يكن
        SEAT IBIZA 2000 MK3 (6k2)ALD Engine 1.0 8v MPI
        [SIGPIC][/SIGPIC]

        Comment

        • #5
          ماشاء الله لا قوة الا بالله

          شغل طالع نضيف يا سيات الريس
          ابقى حطلي صندوق جنب صندوقك عشان اصلح عربيتي :P

          Comment

          • #6
            الف مبروك ياكبير وحمد الله على سلامة فله
            [aldl]http://s17.postimg.org/ygne2hebj/F2000045710.jpg[/aldl]

            Comment

            • #7
              الف مبروك يا باشا.... وانا كمان عندى نفس الماتش بتاعك ده ... بس انا عندى اضافة الى شغلك الجنبين والشنطة والكبوت واكيد طبعا الاكصدامين .... بس ممكن اعرف التكلفة فى المتوسط كام عشان اعمل حسابى فى الماتش بتاعى ؟ وهل الرش فى الفرن ؟؟
              وربنا يباركلك فيها ويعطيك خيرها ... وويكفيك شرها يااااارب

              Comment

              • #8
                الف مبرووووووك يا ريس
                ربنا يحفظهالك يارب ويكفيك شرها
                الشغل ما شاء الله ممتااااااااااااااااااااااذ
                وسمكرة الباب الخلفي اليمين .. بتبين ان اللي سمكر العربية فنااااااااااان بجد

                Comment

                • #9
                  بسم الله ماشاء الله ربنا يباركلك ويكفيك شرها ورشة نايل موتورز من الناس الصعب تلاقيهم دلوقتى

                  Comment

                  • #10
                    المشاركة الأصلية كتبت بواسطة aymanshebl مشاهدة المشاركة
                    الف مبروك
                    الله يبارك فيك ..

                    المشاركة الأصلية كتبت بواسطة D.Ahmed Ismail مشاهدة المشاركة
                    الف مبرووك علييك و ربنا يحفظهالك
                    بس عمر مايجيلي قلب اعمل كدة

                    الله يبارك فيك وجزاك الله كل خير ع دعوة ,, أنا كنت زيك كدة ع فكرة بس قوولت اظبطتها واتبسطت وربك الحافظ .

                    المشاركة الأصلية كتبت بواسطة hossamalsadik مشاهدة المشاركة
                    بسم الله ماشاء الله تبارك الله
                    شغل عالى كالمعتاد ربنا يبركلهم
                    وألف مبروك تجديد العربيه
                    موضوع ان العربيه بتقل قيمتها لو اترشت بره هيا كانت هتقل لو اتسابت مخبطه
                    هوا رش العربيه أول مره بيحزن الواحد بس بعد كده بينسى وبالتدريج بيطلع من عقدة الفابريكه للصاج الخارجى
                    لان أى عربيه لازم تتحك وتتخربش
                    ربنا يحفظهالك ويبركلك فيها

                    الله يبارك فيك ,, وفعلا موضووع الخبطات دة بيقلل من تمنها واللى هيشترى هيقولك لم اجى اصلحها هتاخد منى قد كدة !! وهـــا يقرفك فصال .
                    وفوبيا الفابريكة بتقل تدريجيا لم تبدء تعمل أى شغل فى العربية .
                    وربنا يباركلنا فيهم ويحفظهم .

                    المشاركة الأصلية كتبت بواسطة mahmoud_afifi مشاهدة المشاركة
                    ماشاء الله لا قوة الا بالله

                    شغل طالع نضيف يا سيات الريس
                    ابقى حطلي صندوق جنب صندوقك عشان اصلح عربيتي :P

                    ربنا يخليك يابو عفيفى
                    بس اللى هيطلع منة ليا فية 25%
                    وربنا يكرمك وتخلصها ع خير ..
                    [CENTER][SIGPIC][/SIGPIC]
                    [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                    [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                    Comment

                    • #11
                      المشاركة الأصلية كتبت بواسطة hosam_optrawy مشاهدة المشاركة
                      الف مبروك ياكبير وحمد الله على سلامة فله
                      ربنا يخليك ياكبيرنــــا والله يسلمك :)

                      المشاركة الأصلية كتبت بواسطة ahmedamgad18 مشاهدة المشاركة
                      الف مبروك يا باشا.... وانا كمان عندى نفس الماتش بتاعك ده ... بس انا عندى اضافة الى شغلك الجنبين والشنطة والكبوت واكيد طبعا الاكصدامين .... بس ممكن اعرف التكلفة فى المتوسط كام عشان اعمل حسابى فى الماتش بتاعى ؟ وهل الرش فى الفرن ؟؟
                      وربنا يباركلك فيها ويعطيك خيرها ... وويكفيك شرها يااااارب
                      الله يبارك فيك ياباشا ,, أنا كدة ناقصلى جنب شمال وكبووت ويبقى كملت عربية كاملة !
                      الله يعينك وتخلص ع الف خير ,, كلفتنى بسمكرة والدهانات 2500 جنية .
                      ايووة فى فرن ,, ربنا يخليك ويارب .

                      المشاركة الأصلية كتبت بواسطة baherhassan30 مشاهدة المشاركة
                      الف مبرووووووك يا ريس
                      ربنا يحفظهالك يارب ويكفيك شرها
                      الشغل ما شاء الله ممتااااااااااااااااااااااذ
                      وسمكرة الباب الخلفي اليمين .. بتبين ان اللي سمكر العربية فنااااااااااان بجد
                      الله يبارك فيك يارياســـة ,, أكتر حاجة كنت خايف منها سوكة الباب !
                      بس ربنا سترها .

                      المشاركة الأصلية كتبت بواسطة hamada6050 مشاهدة المشاركة
                      بسم الله ماشاء الله ربنا يباركلك ويكفيك شرها ورشة نايل موتورز من الناس الصعب تلاقيهم دلوقتى

                      الله يبارك فيك ,, وربنا يباركلهم وفعلا ناس محترمة لأبعد الحدود .
                      [CENTER][SIGPIC][/SIGPIC]
                      [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                      [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                      Comment

                      • #12
                        لونها وحش اصلا

                        الله ينور عليك يا قدروه انت وكريم
                        [CENTER][COLOR=Blue][SIZE=4]مفيش توقيع
                        عشان تتبسط :D
                        [/SIZE][/COLOR][/CENTER]

                        Comment

                        • #13
                          المشاركة الأصلية كتبت بواسطة الغزالى مشاهدة المشاركة
                          لونها وحش اصلا:copy of m-s5:
                           الله ينور عليك يا قدروه انت وكريم
                          تشكر ياذووق علطول كدة ايد وراء وايد ف @#$^&

                          [CENTER][SIGPIC][/SIGPIC]
                          [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                          [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                          Comment

                          • #14
                            شغل تمام والله الله ينور والسمكرى معلم علشان عرف يظبط السوكه اللى فى الباب

                            ربنا يباركلك فيها ويحفظهالك
                            [SIGPIC][/SIGPIC]
                            [COLOR="Magenta"][/COLOR]

                            Comment

                            • #15
                              بسم الله ما شاء الله ولا حول لا قوة الا بالله

                              حاجة راقية جدااا

                              حاجة تفرح

                              ما شاء الله

                              الحق بقي حوش قرشين واطلع علي protect me غلفها كلها ضد الخرابيش و الحكات ب 2200l.e
                              اللى حيضيع بلدنا : الفهلوة و كلمة باشا و معلش و أصل


                              [SIGPIC][/SIGPIC]

                              Comment

                              السابق 1 2 3 template التالي
                              Working...
                              X