غيرت نوع الزيت صوت الموتور عالي؟؟؟؟

[madoahmad]

العربية متعوده من الزيرو علي موبيل 1 ... غيرت من كام يوم فلتر زيت موبيل xhp.. حسيت ان صور الموتور علي وهي بارده بس لما بتسخن الصوت بيهدي ... ارجع تاني لموبيل 1 ولا اغير موبيل ده خالص ؟؟؟؟؟؟؟ برجاء الافاده
العربية نيو اكسنت 2010 مانيوال 90000 كم .. والموتور حالته كويسه

[EngAhmedSakr]

مادام الموتور حالته كويسه .. فأنصحك بالاستمرار باستخدام زيت تخليقي .. ويفضل ان تغير من موبيل1 الي شيل الترا او ايا من الزيوت الخليقيه المستوردة الجديدة .. اللي كتير من الاعضاء شكروا فيها

سيارتي الإلنترا مو 2008 .. كسرت حاجز الـ 170 الف كيلومتر (ماشاء الله) .. ومازلت أستخدم شيل الترا تخليقي .. لان حالة الموتور ممتازة وصوتة هادئ جداً .. وبنزله كل 8 الاف كيلو او 6 شهور (أيهما اقرب)

ما تستخصرش في الزيت علشان تحافظ علي موتورك .. ولاحظ انه الزيت التخليقي اقتصادي مقارنه بعدد الكيلومتر المقطوع به

بالتوفيق

[akmm]

جرب زيت شل الترا تخليقى بالكامل ممتاز .

[profimh]

ده طبيعى لأن ال xhb لزوجته أعلى و ده بيخليه ياخد وقت من بداية التشغيل وده اللى بيخلى صوته عالى لغايت لما يوصل لكل خلوصات الموتور و بعد كده صوت الموتور يهدى انا راى خليك معاه لاغايت لما يخلص مشواره عادى
أما بالنسبة لانواع الزيوت فأنصحك بالزيوت التخليقية المستوردة زى الليكوى مولى او الشيل الترا

[S O P H O S]

انت كده غيرت لزيت اتقل

[Adnfalcon]

موتورك حالته كويسه حرام عليك تخنقه
لازم زيت تخليقي خليك ف موبيل 1