كلاكس ال هيونداي ix35

[lth586]

اكيد ناس كتيره اشتكت من الكلاكس .بعد السؤال عرفت معلومه ياريت نسال عنها
كلاكس الاسكودا بيركب عادي نفس الفيشه لا قطع ولا توصيل
يعني تشيل وتحط
السؤال مين ممكن يكون بيعرف يركبه كويسه
وبما ان الفيشه هي هي يبقي مفيش خساره للضمان
برجاء الافاده شكرا

[john55]

كنت عايز اركب كلاكس تاني صوته عالي التوكيل مرضيش وقالي تطلع من الضمان للاسف الكلاكس عندي ضعيف القطط مبتسمعوش ههههه

[hugan]

كلاكس التيجو صوته عالي
شوف لوينفع يركب

[baherhassan30]

ايه يا عم الكلام ده
هو التوكيل بيتلكك علشان يطلع العربية بره الضمان
انا في اول اسبوع استلمت فيه الالنترا غيرت الكلاكس الكلابي اللي كان فيها
كلاكس سيء جداااااااااااااا
والتوكيل في السعودية ممانعش ولا حاجة ودخلتها الصيانة عادي
يا استاذي العزيز
اللي فهمته ان الضمان يروح من تركيب الكلاكس لو حصلت مشكلة في الكهرباء وكان السبب الكلاكس
غير كده هما ماااااااااااااااااااالهم ان شالله اشيل السقف وامشي بالعربية عريانة
توكيل مصري غرررررريب

وعلى فكرة انا ركبت كلاكس التويوتا الدنسو الياباني وقطعت فيش الكلاكسات القديمة اصلاااااااا

[lth586]

توكيل مصري غرررررريب
دي حقيقه كل الوكلاء في مصر
المهم هنعمل ايه في الكلاكس لو الفيشه هي هي ده السؤال الاول
مين اللي هيعرف يغيره بنضافه من غير مصايب دي السؤال التاني

[baherhassan30]

على فكرة الموضوع بسيط جدااااااااااااااااااااااااااا
وممكن تركبة انت بنفسك
هتفك فيبرة الاكصدام الامامي من تحت
وهو غالبا زي الالنترا في الجهة اليمين
وهتنزل تحت العربية وتفك القديم وتركب الجديد وتوصل السلوك واهم حاجة الشكرتون او البلاستر
ولو هتروح عند اي كهربائي هيعملها في 10 دقائق
الموضوع سهل بس نصيحة متخليهوش يكبرلك الموضوع ويقولك نفك الاكصدام خالص

[lth586]

شكرا متابع