اكسنت 2011 و جابت وش سلندر

[amostafa76]

السلام عليكم ورحمة الله و بركاتة

ياجماعة انا مش بفهم فى العربيات أوى فأفيدونى أفادكم الله

انا امبارح العربية وقف منى فجاة و مش عاوزة تدور ، ببص عليها لقيتها مفيهاش ميه ولا لمبة الحرارة نورت ولا زفت ، خدتها على ونش ووديتها التوكيل و بعد الفحص قالولى تعالى استلم العربية زى الفل غيرنالك البطارية!!!
بقول للمهندس ازاى بطارية دى فصلت منى وانا ماشى قالى حطيناها على جهاز وقال ان البطارية وحشة و متقلقش العربية دايرة دلوقتى. قولتلة قشطة رجاءا بس ابقى بصلى على يمين الماتور علشان معرق زيت و شوفلى اذا كان ده تعريق طبيعى ولا فى مشكلة. المهم اتصلى بيا بعدها ب خمس دقايق وقالى دى جايبة وش سلندر.
روحتلة بسألة على التكلفة بحسبها 2000 جنية مثلا طلعت لو معدتش ال 10000 يبقى كويس. المهم قولتله ينفع امشى بالعربية علشان اصلحها بره قالى اه بس براحة و متقرصش مشيت بيها كيلو بالظبط لقيت الموتور بينفخ هوا. كلمت الميكانيكى تقريبا كان هيشتمنى علشان حركتها بقوله قالولى ممكن امشى بس مقرصش قالى دول ولاد كلب بهايم. المهم رجعتها تانى علشان يشتغلو فيها.
اسف على الاطالة بس كان لازم احكى القصة علشان عندى عليها كذا سؤال:

- ازاى يحصل ده من غير لمبة الحرارة متنورش.
- اية مفروض رد فعلى قصاد التوكيل فى النقة الاولى و كمان فى حوار التشخيص الغلط للمشكلة و كمان فى حوار انى امشى على العربية وهيا جايبة وش سلندر.
- فى ناس قالولى اعملها عند ميكانيكى أو مركز صيانة بره هيغيرو الجوان و يخرطو وش السلندر و ترجع زى الفل و مش هتتكلف الا ربع اللى هتدفعة فى التوكيل. رأيكو اية؟

أفيدونا أفادكم الله و أسف كمان مرة على الاطالة و شكرا مقدما...
-

[amr011111]

اللى أعرفه ان النيو اكسنت مفيهاش لمبه حراره
مش عارف لما الحراره بتزيد بتنور ولا

وطبعاً أعمل العربيه بره

[mummy_47]

السلام عليكم ورحمة الله و بركاتة

ياجماعة انا مش بفهم فى العربيات أوى فأفيدونى أفادكم الله

انا امبارح العربية وقف منى فجاة و مش عاوزة تدور ، ببص عليها لقيتها مفيهاش ميه ولا لمبة الحرارة نورت ولا زفت ، خدتها على ونش ووديتها التوكيل و بعد الفحص قالولى تعالى استلم العربية زى الفل غيرنالك البطارية!!!
بقول للمهندس ازاى بطارية دى فصلت منى وانا ماشى قالى حطيناها على جهاز وقال ان البطارية وحشة و متقلقش العربية دايرة دلوقتى. قولتلة قشطة رجاءا بس ابقى بصلى على يمين الماتور علشان معرق زيت و شوفلى اذا كان ده تعريق طبيعى ولا فى مشكلة. المهم اتصلى بيا بعدها ب خمس دقايق وقالى دى جايبة وش سلندر.
روحتلة بسألة على التكلفة بحسبها 2000 جنية مثلا طلعت لو معدتش ال 10000 يبقى كويس. المهم قولتله ينفع امشى بالعربية علشان اصلحها بره قالى اه بس براحة و متقرصش مشيت بيها كيلو بالظبط لقيت الموتور بينفخ هوا. كلمت الميكانيكى تقريبا كان هيشتمنى علشان حركتها بقوله قالولى ممكن امشى بس مقرصش قالى دول ولاد كلب بهايم. المهم رجعتها تانى علشان يشتغلو فيها.
اسف على الاطالة بس كان لازم احكى القصة علشان عندى عليها كذا سؤال:

- ازاى يحصل ده من غير لمبة الحرارة متنورش.
- اية مفروض رد فعلى قصاد التوكيل فى النقة الاولى و كمان فى حوار التشخيص الغلط للمشكلة و كمان فى حوار انى امشى على العربية وهيا جايبة وش سلندر.
- فى ناس قالولى اعملها عند ميكانيكى أو مركز صيانة بره هيغيرو الجوان و يخرطو وش السلندر و ترجع زى الفل و مش هتتكلف الا ربع اللى هتدفعة فى التوكيل. رأيكو اية؟

أفيدونا أفادكم الله و أسف كمان مرة على الاطالة و شكرا مقدما...
-

يا خبر ...وش سلندر في عربية مو 2011 ...مش حرام كده..وكمان اللمبة مكنتش منورة وكمان 10 الاف جنيه لو هيظبطلك العربية وكمان بتمشي على العربية وهي جايبة وش سلندر ومفيهاش ميه والتوكيل ميقولكش ان ده ممكن يطرقع الوش خالص .هو التوكيل فاكرنا ان احنا بنلاقي الفلوس في الشارع ..جاجة مستفزة فعلا ....ارجوك كلم م. هاني فورا ت:01060900088 او ابعتله على الموضوع بتاعه......وابقى طمنا ارجووووووووووووك
تحياتي
محمد

[A.Saad]

اول حاجة :
ممكن الحرارة تزيد واللمبة مش تنور
طريقة القراية تعتمد ان حساس الحرارة بيقيسها فى المياة
حالتك مفيش مياه وموجود حول الحساس هواء فقط
بالتالى مقراش اى حرارة

الافضل تصلحها بره
فيه ميكانيكى كويس فى اكتوبر بتعامل معاه لو تحب تروح له

وحاول تزود مياه لو العربية باردة

[mummy_47]

اول حاجة :
ممكن الحرارة تزيد واللمبة مش تنور
طريقة القراية تعتمد ان حساس الحرارة بيقيسها فى المياة
حالتك مفيش مياه وموجود حول الحساس هواء فقط
بالتالى مقراش اى حرارة

الافضل تصلحها بره
فيه ميكانيكى كويس فى اكتوبر بتعامل معاه لو تحب تروح له

وحاول تزود مياه لو العربية باردة

معنى كلام حضرتك ان صاحب الموضوع ممكن يمشي على العربية من غير مياخذ باله ان العربية مفيهاش ميه وبالتالي ممكن الموتور يتحرق من كتر السخونية لا قدر الله لان الميه مش هتسخن ..هتتسرب على طول الى غرفة الاحتراق وبالتالي الحساس مش هيشوفها.. ....طيب لو في العربيات اللي فيها مؤشر حرارة زي حالاتي بيشتغل بنفس الطريقة ..ديه تبقى مصيبة.

[A.Saad]

معنى كلام حضرتك ان صاحب الموضوع ممكن يمشي على العربية من غير مياخذ باله ان العربية مفيهاش ميه وبالتالي ممكن الموتور يتحرق من كتر السخونية لا قدر الله لان الميه مش هتسخن ..هتتسرب على طول الى غرفة الاحتراق وبالتالي الحساس مش هيشوفها.. ....طيب لو في العربيات اللي فيها مؤشر حرارة زي حالاتي بيشتغل بنفس الطريقة ..ديه تبقى مصيبة.

نفس الوضع
وممكن العيب يكون فى اللمبة عنده محروقة مثلا
او عندك ان العداد نفسه فيه مشكلة فى السلوك المتصلة بيه

[Ahmed_Ramadan]

مكنتش رجعت بيها التوكيل طبعا ... واضح جدا إنهم بهايم و هيتعمل عليك شغل عالي هناك

نصيحتي ليك لو الوش فقع سقط مكنة أو short block حسب الحالة عندك و ريح دماغك من العك و ربنا معاك

[amostafa76]

ربنا يخليكو ياجماعة والله ناس محترمة كلكو
أنا استشارت ناس كتير بجانب بعا نصايحكو و الكل أجمع انى اعملها بره و تتخرط و ترجع كويسة و التكلفة هتنزل لالف جنية تقريبا.

فى مركز اسمة الفؤاد فى المريوطية ش اللبينى هوديهالو بناءا على نصيحة احد المخلصين لو حد يعرفوا يقولى رأيه فى المركز و جزاكم الله كل خير.

[Ahmed_Ramadan]

ربنا معاك و إبقى طمنا عليك

[mummy_47]

مكنتش رجعت بيها التوكيل طبعا ... واضح جدا إنهم بهايم و هيتعمل عليك شغل عالي هناك

نصيحتي ليك لو الوش فقع سقط مكنة أو short block حسب الحالة عندك و ريح دماغك من العك و ربنا معاك

يا خبر..بعد 3 سنوات محتاج يسقط مكنة...ده فيه مواتير بتقعد بال 10 او حتى 20 سنة شغالة..العيب ده حصل من التوكيل واعتقد جهاز حماية المستهلك لازم يتدخل ولو انه مش هيعمل حاجة.....
.خدمة ما بعد البيع اهم من البيع نفسه...
وربنا يعوض على صاحب الموضوع ...
اعذروني انا حاسس انها عربيتي. انا اللي دافع دم قلبي عشان اجيبها وبعد 3 سنين الموتور يبوظ ..

[أحمد ظريف]

معلش الحمدلله إنها جت على قد كده
بس فيه سؤال هل ينفع نركب أمبير حرارة للعربيات اللي مافيهاش زي اﻷكسنت والالنترا hd?

[S O P H O S]

ربنا معاك وتحل الموضوع

[samihanwar]

نصيحه ماتقشطش الوش لو اتقشط هتلاقى العربيه كسلانه وعزمها بقى ضعيف