تحذير هام جدا : راديتير الفيرنا 2013 ضرب بعد تغيير المياه الحمراء لخضراء

[tareq mm]

اسباب تدمير سربنتينة الفيرنا من اسفل ( فوق الغلبة اللى تحت بالتحديد ) عدة اسباب اهمها :

1- ترسب الصدأ فى المنطقة دى من المياة الحمراء المضروبة اللى غبور بسترخص و يجبها ... ومش هطلع سىء النية و اقول انه بيتعمد يحط اردأ الانواع علشان تجيب ردياتير بسرعة ... ( بينزلها من غير فلتر تكييف علشان تجيب كوللر بسرعة ) .
2- نوعية الريادتير اللى راكب اعتقد انه ( made in bola2 eldakror ) عمره الافتراضى بالمية اللى بينزل بيها عشرين تلاتين الف كيلو بالكتير .
3- انى حطيت ميه خضراء بدل ما احط ميه حمراء ... و السبب ده هوه اللى كشف ضعف الرادياتير بسرعة ...
المفروض الميه الملونة دى للسربنتينات السليمة جدا و مفيهاش اى تآكل من الصدأ .

المهم مش هطول عليكوا ... و انا ماشى بعد ما غيرت الميه بيومين فوجئت و انا بشغل التكييف ان مفيش تكييف و ده اللى خلانى ابص على مؤشر الحرارة و اتفاجىء انه على الاحمر ... وقفت فجأة و لقيت ريحة شياط و دخان طالع من الموتور من تحت .. و زيت طالع من ناحية جوان وش السلندر من ناحية اسفل الاسبليتير ... المهم جبت الونش و طلع على الحرفيين و هناك اكتشفت ان الرادياتير ضرب وانا ماشى و لحقت نفسى ووقفت بسرعة قبل ما الدنيا تسيح من السخونة ..

الغريب فى الموضوع ان الرادياتير الصينى الجديد اللى انا اشتيريته - و الراجل اللى ركبوا اكد لى انه انضف مليون مرة من اللى كان راكب فى العربية ( بتاع غبور ) .. الاغرب انه ب 300 جنيه فقط لاغير ...

الخلاصة انا بحكى تجربتى علشان نتعلم منها و نستفيد من نتائج اخطائنا .. واخيرا العربية موديل 2013 ماشية 22000 كم ....

اعتذر للاطالة ..............

[amoor89]

وحضرتك ليه ما روحتش التوكيل وخربت بيتهم ولا خرجت من الضمان؟

[amz2011]

متابع

[tareq mm]

وحضرتك ليه ما روحتش التوكيل وخربت بيتهم ولا خرجت من الضمان؟

للأسف الشديد .. الاخ اللى اشتريتها منه من حوالى شهرين استنصح و خرج من الضمان ... اخر حاجة عملها صيانة ال 5000

[almohaor]

االسلام عليكم ورحمة الله وبركاته

حاجة غريبة
غبوربينزل الفيرنا بمياه خضراء وليست حمراء
واضح ان المالك الاول هو من وضع المياه الحمراء
وقد تكون غير مناسبة لتغير مواصفاتها عن المياه الخضراء
سيارتى موديل ٢٠١١ ونازلة بمياه خضراء
واستهلكت واحد لترمياه خضراء لاستكمال
نقص الرادياتير دون مشاكل والحمدلله
حتى تاريخه ولكن فعلا غبور طمع فى فلتر التكييف
رغم ان العربية فول اوبشن تقول ايه بقى دناوة وفكاكةواستهتار
بالمصريين

[Hamada hozein]

لا حول ولا قوه الا بالله
مش عارف التوكيلات في مصر عايزه مننا ايه

[ahmedfouad]

لا حول ولا قوه الا بالله
مش عارف التوكيلات في مصر عايزه مننا ايه

مفيش رقابة يا بيه !!
محدش فى البلد دى قلبه على حد
كل واحد بيدور على مصلحته
ونفسه وبس
شوية وهناكل بعض خلاص
مفيش فايدة فينا ومش تشاؤم
بص حواليك كويس
وشوف .. هتعرف ان كل مرحلة
ولها المستفيدين بتوعها
والحرامية بتوعها
والوصولين بتوعها
والمنافقين بتوعها
والمعرضين بتوعها !!

[S O P H O S]

وصل التوفير من التوكيل لكده