السادة أصحاب الألنترا وخاصة الفاضل حسام منير

[Salah_sr]

لاحظت عندما أسير بسرعة 100 كيلو يكون عداد ال RPM يكون 2500 هل هذا عادي؟؟؟؟؟؟ لأني لا أشعر إن العربية ماشية علي 100 كيلو بل أحس بسرعة أقل و زاد شكي عنما سافرت إلي الأسكندرية و كنت ملتزم بسرعة 100 كيلو ولاحظت إني الوحيد الماشي علي هذه السرعة و الكل بيجري علي فكرة العربية أتوماتيك و أنا عارف إن العزل بتعها ممتاز و يمكن يكون هذا هو السبب فبرجاء تأكيد السرعة مع الRPM و شكرا

[معاذ الشرباصى]

ده حضرتك عادى جدا السرعة مع ال RPM

ثانيا بالنسبة للطريق, الظاهر حضرتك الوحيد اللى كنت ملتزم بالسرعة :lol:

[Hossam Mounir]

بص يا سيدى ...
اولاً مش كل مرة تسأل سؤال تقعد تقول الفاضل ... يا عم أحنا هنا كلنا أخوات ... وأنا تحت أمرك فى أى أستفسار ...

ثانياً ... الحقيقة العربية فعلاً ما تحسش فيها بالسرعة مش على 100 كم / ساعة فقط ... لأ لحد 140 كم/ساعة تبتدى تحس بالسرعة ... وده نتيجة ال Stability العالية جداً ... والعزل الجيد كما ذكرت ...

ثالثاً ... اأنا معايا بردة الأتوماتيك على 100 كم/ساعة بيبقى عداد ال RPM عامل 2300 ... أو 2200 كمان ... ولحد 140 كم/ساعة بيوصل ل 3000 أو أقل حاجة بسيطة 2800 ... وده مش معناه أن عربيتك فيها حاجة ... ده لأن فيه أمور تانية بتحكمة ... مثل مقاومة الريح للعربية ... نوع الأسفلت الللي العربية ماشية عاليه ... علشان العوامل دى بتخلي الموتور يبذل جهد أكثر شوية لمقاومتها ... ده بالأضافة لنوع الزيت على فكرة أن بأستعمل موبيل وان ... وأكيد نوع الزيت بيفرق ...

رابعاً ... ودى أهم نقطة ... أنت كسرت ال 1000 كم ولا لسة ... علشان لو لسة ... يبقى كدة طبيعى جداُ ... وأنتظر أداء أخر بعد ال 1000 كم وده أنا لمسته بنفسي مع العربية

فى حالة وجود أى أستفسارات أخرى أنا فى الخدمة ...

تحياتي للجميع ...

م / حسام منير

[Salah_sr]

أولا شكرا للرد و علي ذوقك ثانيا أنا فعلا عديت 1000 بشوية أعتقد 1200 و أنا غيرت الزيت كما غيرت أنت و علي فكرة أنا كنت في الأسكندرية وعملت السرفيس في غبور أسكندرية (السلطان حسين ) وكانوا في منتهي الأدب و المكان كويس و العربية أستلمتها بعد تقريبا ساعة ونصف ولكن مكنش عندي أي شكوي و الحمدلله يعني تغير زيت و فلتر و تشيك علي العفشة و الحمدلله العربية ممتازة وشكرا للجميع

[Hossam Mounir]

أمبارح كنت رايح التوكيل فى قليوب ... عند حبيب قلبى ... غبور ... اللي مش طايقة

الساعة تقريباً كانت 3 ظهراً ... طريق أسكندرية الزراعي ... والجو حر والطريق مخنوق والأسفلت مولع ... بيجو وميكروباص وعربيات نقل وجرارات زراعية ... وحاجة كدة تقرف ..

المهم ... العربية جابت 100 بالعافية على الطريق اللي زى الزفت ده ... وكان ال RPM كالتالي :
عند سرعة 80 كم / ساعة ... تقريباً 2100 RPM
عند سرعة 90 كم / ساعة ... تقريباً 2300 RPM
عند سرعة 100 كم / ساعة ... تقريباً 2500 RPM

علماً بأنى كنت مشغل التكييف على أعلى درجة للمروحة ... وكنت ظابط الحرارة بتاعته على 21C

وبكدة يبقى موضوع ال RPM ده أتحسم 100% ...

وأنتظروني فى تقرير كامل ومفصل عن التوكيل فى قليوب ومغامرتي الثانية هناك ....

عمار يا مصر ...تحياتي للجميع ...

م / حسام منير

[sherifsherif]

ممكن اعرف سعر زجاج الالنترا 2006 الامامي كام وهل هو كوري اصلي ام مصري في غبور ولا لا لان لي واحد صحبي قلي غبور بيغير بزجاج جريش من مضلك هذة اول ملرة اسال علي حاجة وهل اغيرة في غبور ابو رواش ام كارتك

[mohamedzezo64]

انا معايا النترا مانيوال عاوز أسأل RADIO-CD يوجد بة وصلة USB ولكن تحتاج الى Adaptor لتركيب فلاش ميمورى ما نوع الوصلة المطلوبة افيدونى أفادكم الله

[NineY]

El wasla el matloba ya sedy Female Usb from one side to Mini Usb from the other side

[CosmicOne]

Elantra speedometer is reading 6 or 7 KM more than the real speed

i noticed this with my cousin elantra 2008 auto GLS
when we drive beside each other my Civic reads 90KM & his Elantra reads 95 or 96km

also i searched about this on Google & found Elantra in USA have the same behavior.

[mohamedzezo64]

Thank you for this information
NineY

[Ahmed Sharaf]

رابعاً ... ودى أهم نقطة ... أنت كسرت ال 1000 كم ولا لسة ... علشان لو لسة ... يبقى كدة طبيعى جداُ ... وأنتظر أداء أخر بعد ال 1000 كم وده أنا لمسته بنفسي مع العربية

فى حالة وجود أى أستفسارات أخرى أنا فى الخدمة ...

تحياتي للجميع ...

م / حسام منير

حسام باشا
انا لسة شاريها امبارح اوتوماتيك معنى كلامك ان بعد 1000 كم الآداء يبقى احسن.