اول مشاركه ليا رجاء افيدونى فيرنا

[Mohamed sh]

دى اول مشاركه ليا فى المنتدى الجامد ده بجد انا اشتريت فيرنا 2007 عامله 29000 كيلو تقريبا ماكانتش بتتحرك بس كانت مركونه فى الشمس وده طبعا غير لونها الخارجى بس هى من جوا ماشاء الله سوال انا غيرت زيت موتور موبيل هو لازم اغير السيور ولا عادى ممكن امشى بيها كمان ظهر مشكله فى اعلى الشنطه فى المجرى تحت الزجاج فى بارومه تحت الكاوتش نتيجه الركن وتجمع المياه والتراب احلها ازاى وشكرا

[eslam atia]

اسأل الله ان يباركلك فيها ويعطيك خيرها ويكفيك شرها
اعمل طقم سيرفيس كامل زيوت وفلاتر وسيور وبوجيهات علشان تبقي راكب جديد في جديد كله
بالنسبة للبرومة فحلها الوحيد السمكري هيقص لك الأجزاء المتأكلة ويلحملك آخري جديدة

[م.أحمد الدسوقي]

اهلا بيك يا استاذنا ومرحبا بيك في المنتدي

ياريت ترفع صورها عشان نشوف معاك لو محتاجه رش او ايه علاج البارومه

الحاجه التانيه بلاش زيت موبيل 3000 خليك في شل او توتال 10000

ياريت كمان تقري شويه عن فراملها ومشاكلها مهم ليك تبقي عارف امكانيات عربيتك

واهلا بيك مره تانيه

[م.أحمد الدسوقي]

اسأل الله ان يباركلك فيها ويعطيك خيرها ويكفيك شرها
اعمل طقم سيرفيس كامل زيوت وفلاتر وسيور وبوجيهات علشان تبقي راكب جديد في جديد كله
بالنسبة للبرومة فحلها الوحيد السمكري هيقص لك الأجزاء المتأكلة ويلحملك آخري جديدة

تمام يا باشا ونزود كمات مراجعه الكاوتش والزوايا والترصيص

[elpasha1]

خلي عينك دايما علي عداد الحرارة لان الخراطيم ممكن تضرب في اي لحظة

[Mohamed sh]

شكرا ليكم كلكم

بشكركم معلومات مفيده بس بخصوص الحراره هو اول مابدور العربيه بيكون الامبير على النص سالت قالوا ده عادى الفيرنا وانا حطيت موبيل 5000 لانى مش بهلك لانى استخدامى للعربيه لا يتعدى 300 كيلو فى الشهر

[Anaslbda]

ياريت كمان تقري شويه عن فراملها ومشاكلها مهم ليك تبقي عارف امكانيات عربيتك

النقطة دي عجبتني, انت باشا.

[م.أحمد الدسوقي]

بشكركم معلومات مفيده بس بخصوص الحراره هو اول مابدور العربيه بيكون الامبير على النص سالت قالوا ده عادى الفيرنا وانا حطيت موبيل 5000 لانى مش بهلك لانى استخدامى للعربيه لا يتعدى 300 كيلو فى الشهر

بص يا باشا النقطه دي مهمه

عداد الحراره فعلا في بعض العربيات بيكون مش واضح لذلك انصحك عند تسخين سيارتك بص علي الار بي ام

حتلاقيه في حدود 1100 لفه سيبها اقل من دقيقه حيوصل 700 او 750 لفه كدا انت عربيتك جاهزه للانطلاق والموتور في امان

لانه بيقال ان 80% من اهلاك المحركات بيكون في التسخين الخاطئ (المتسرع) للعربيه

ومتخليش عداد الحراره مقياسك الوحيد

[Mohamed sh]

شكرا يا باشمهندس احمد

انا هاتعب حضرتك معايا انا كان معايا مازدا 323 طبعا لسا مافهمتش الار بى وحاجات كتير بحاول اتعلم بس الار بى مش هو مرقم 1 2 3 وننقل عند 3 ازاى اعرف عدد اللفات

[م.أحمد الدسوقي]

انا هاتعب حضرتك معايا انا كان معايا مازدا 323 طبعا لسا مافهمتش الار بى وحاجات كتير بحاول اتعلم بس الار بى مش هو مرقم 1 2 3 وننقل عند 3 ازاى اعرف عدد اللفات

اه اولا انا معرفش معاك فيرنا هاف ولا كامله

لان الهاف مافيهاش ار بي ام والكامله فيها

لو عندك ار بي ام يبقي اقري الموضوع ده الاول ونتكلم تاني

http://www.nilemotors.net/Nile/329379-rpm.html

تحياتي

[Mohamed sh]

شكرا

شكرا يا باشا موضوع جميل استفدت منه وعربيتى كامله مانيول

[amgad1588]

بارك الله لك فيها زيكفيك شرها وسوال يا استاذ moahmed sh جبتها بكام عشان انا بردو عايز اجيب فيرنا وعايز اعرف اسعارها بكام دلوقتى من واحد اشترى فعلا وتانى بارك الله لك فيها وكفاك شرها