عيوب الفيرنا الزيرو

[mohamed_e36]

الموضوع ده علشان اللي ناوي يشتري فيرنا يعرف ايه مشاكل التقفيل فيها بالظبط والمشاكل دي موجوده في اغلب السيارات وهتلاقي اصحابها اما متعايشين معاها او حاولو يصلحهوا
1- مشكله الكاوتش الكاوتش نوعه wastelake تقريبا وهوه صيني الصنع رديء جدا مشكلته انك مع الفرامل هتسمع صوت صفاره من احتكاك الكاوتش بالاسفلت حتى لو بتهدي ومش فرامل فجائيه غير انه غير متماسك وبيخلي العربيه مش ثابته (قال يعني هيه ناقصه )
2- مشكله الجنوط اغلب الجنوط هتلاقيها مش مظبوطه ومهما هتحاول ترصصها هتلاقي برضه العربيه فيها رجه خفيفه بعد ال 120
3- التيل والطنابير : العربيه الطنابير الاماميه بتبوظ بسرعه غريبه وبتعمل ريجه العربيه عندي عامل 15 الف كيلو والطنابير باظت وظهرت رجه عندي في الفرامل على السرعات العاليه
4- البطاريه هي بطاريه نسر سيئه جدا قعدت معايا بالضبط سنه و3 شهور وبعد كده غيرتها
5- الثبات والفرامل بعد ال 120 في الضياع
6-هوايات الاجناب ضعيفه وفي شويه تزييق في صالون العربيه من البلاستيك التعبان اللي فيها
7-الكراسي ناشفه والقعده فيها مش مريحه والصالون ضيق
غير كده العربيه الحمد لله معقوله استهلاك بنزين معقول متوسط 200 في الصفيحه تكيف كويس
من الاخر الفيرنا كويسه تحت 100 كثبات وفرامل واستهلاك بنزين
اتمنى اكون حددت العيوب كلها
وكل سنه وانتم طيبين

[hi_nmr]

دا انت كده شخرمتها علي الاخر
ازاي بعد كل العيوب الخطيره دي تقول كويسه تحت 100 ؟؟ ياعني لو سرحت وعليت عن الـ 100 اموت !!!!!

[J A G U A R]

مشكور لنقل التجربه

[2CODE]

دا انت كده شخرمتها علي الاخر
ازاي بعد كل العيوب الخطيره دي تقول كويسه تحت 100 ؟؟ ياعني لو سرحت وعليت عن الـ 100 اموت !!!!!

كل حاجة على قد تمنها يا فندم !!!!!!!

ادفع تاخد - متنساش دي حتى مش محصلة الـ100 الف جنية !!!!!! وتعتبر من ارخص العربيات الموجوده !!!!!!!

فمش معقول هتلاقي فيها اهم ما يميز اي سيارة في العالم وهو الثبات !!!!! ثبات مع عربية تحت الـ100 الف انسى خالص ولا حتى تحت الـ150 الف

تبدأ تتكلم في شوية ثبات بعد الـ150 الف حتى 200

عايز تحس بثبات هتعلى فوق الـ200

عايز ثبات بجد تبدأ من الـ300 وسيادتك طالع غير كده متسألش

ده بأيجاز تقرير عن الثبات والفئات السعرية !!!!!!!

[diesel]

وبعدين هو كل الكلام على الكاوتش السىء و الجنوط و طنابير الفرامل
ليه بقى شخرمها خالص ؟
طب مهو النيسان الصنى فيها مشاكل الطنابير

[mohamed_e36]

دا انت كده شخرمتها علي الاخر
ازاي بعد كل العيوب الخطيره دي تقول كويسه تحت 100 ؟؟ ياعني لو سرحت وعليت عن الـ 100 اموت !!!!!

ربنا يحفظنا جميعا
بس مع الاسف اه لازم تكون مركز وانته سايق وده غير ان مفيش اي وسائل امان في العربيه وبعدين هوه في طريق في مصر تعرف تعدي في ال 120

[mohamed_e36]

وداي موضوع طازه اهه دليل على كلامي

http://www.nilemotors.net/Nile/430087-a.html

[devil_storm]

كان معايا فيرنا ٢٠٠٩ و اعدت معايا ٤ سنين مكنش فيها حاجه من اللي انت بتقولها ... خلال الاربع سنين معملتش فيها حاجه غير الصيانات بس ... عربيه ممتازه علي سعرها و لو رجع بيا الزمن مش حتردد لحظه اني اشتريها تاني

[mohamed_e36]

يا باشا الكلام ده من 2009 لكن غبور كل مدى ما بينفض العربيه زياده وبيخلى الخامات اللي راكبه رديئه اكتر من الاول وبيعلي في سعر العربيه
والعربيه فعلا كويسه ولو رجع بيا الزمن هشتريها تاني لانها انسب حاجه ليا حاليا كسعر وكقطع غيار وكاستهلاك بنزين بس انا بوضح شويه مشاكل بقت موجوده في العربيه حاليا
وحلها انك تشتري كاوتش وجنوط و بطاريه و طنابير اصليه يعني في حدود 5000 جنيه غبور بدل ما يركب الحاجات دي بالسعر ده لا ركبهم من نوع اقل ب 3000 مثلا علشان يوفر الباقي

[kimo_verna]

الفيرنا فعلا عربيه الموت بس لو جنط 15 ولا 16 عريض اتفرج عليها وادلع

[S O P H O S]

المفروض تعدل الجنوط والكاوتش

[tareq mm]

يا باشا الكلام ده من 2009 لكن غبور كل مدى ما بينفض العربيه زياده وبيخلى الخامات اللي راكبه رديئه اكتر من الاول وبيعلي في سعر العربيه
والعربيه فعلا كويسه ولو رجع بيا الزمن هشتريها تاني لانها انسب حاجه ليا حاليا كسعر وكقطع غيار وكاستهلاك بنزين بس انا بوضح شويه مشاكل بقت موجوده في العربيه حاليا
وحلها انك تشتري كاوتش وجنوط و بطاريه و طنابير اصليه يعني في حدود 5000 جنيه غبور بدل ما يركب الحاجات دي بالسعر ده لا ركبهم من نوع اقل ب 3000 مثلا علشان يوفر الباقي

كلامك سليم مليون فى المية ... و احب اضيف عليه تيل الفرامل اللى راكب فيها مش اصلى اعتقد انه صينى مش كورى ... الاسبوع اللى فات لما غيرته كنت فاكره هيطلع موبيس زى اللى انا جايبه و اللى بيتباع فى التوكيل ..... انا جبته ب 160 جنيه من العشرى اللى فى الحرفيين ..... اللى ركبهولى اتصدم لما طلع التيل اللى كان راكب فيها و قاللى ده تمنه لا يزيد عن 40 جنيه ... و انه احسن تيل يدمر اتخن طنابير

غبور افندى بيحط فى العربية قطع غيار مضروبة و بيبيع القطع الاصلية فى منافذ البيع ... الكلام ده بينطبق على التيل و الطنابير و الفلاتر و السيور و الرادياتير بالمية بتاعته و البطارية ... لدرجة انه بيستخسر يحط قطع غيار مهمة جدا فى العربية زى فلتر التكيييف ....

ان شاء الله بعد العيد هنتقدم بشكوى جماعية لجهاز حماية المستهلك على النصاحة اللى عايش فيها علينا

[mohamed_e36]

كلامك سليم مليون فى المية ... و احب اضيف عليه تيل الفرامل اللى راكب فيها مش اصلى اعتقد انه صينى مش كورى ... الاسبوع اللى فات لما غيرته كنت فاكره هيطلع موبيس زى اللى انا جايبه و اللى بيتباع فى التوكيل ..... انا جبته ب 160 جنيه من العشرى اللى فى الحرفيين ..... اللى ركبهولى اتصدم لما طلع التيل اللى كان راكب فيها و قاللى ده تمنه لا يزيد عن 40 جنيه ... و انه احسن تيل يدمر اتخن طنابير

غبور افندى بيحط فى العربية قطع غيار مضروبة و بيبيع القطع الاصلية فى منافذ البيع ... الكلام ده بينطبق على التيل و الطنابير و الفلاتر و السيور و الرادياتير بالمية بتاعته و البطارية ... لدرجة انه بيستخسر يحط قطع غيار مهمة جدا فى العربية زى فلتر التكيييف ....

ان شاء الله بعد العيد هنتقدم بشكوى جماعية لجهاز حماية المستهلك على النصاحة اللى عايش فيها علينا

حتى التيل طلع مضروب ..... انا مش عارف ايه ده طب مينزل العربيه من غير كوتش ويريح نفسه ... المشكله ان الواحد مش فاضي يلف ورا القرف ده ويروح التوكيل ويدب مشوار محترم ويعدو يلففو الواحد حوالين نفسه......واتفضل استنى هنكشف ونشوف ايه العيب ..والواحد يستنى اليوم كله وفي الاخر يقولك اتصلحت وتيجي تجرب تلاقيها انيل من الاول ....... كلام فاضي واستخفاف بالناس
والله لو موضوع حمايه المستهلك ده مش هيلففنا حوالي نفسنا انا معاك فيه

[yonan_opop]

العيوب معاي فيرنا 2014 ماشيه 5000 كيلو شهرين بالظبط
1- زقزقه في الابواب الاماميه
2- رجه في دريكسيون بعد 110 ك ( رحت التوكيل غيرولي جنوط ) اتعدلت شويه
3-الكاسيت مش شغال راديوا ( وفي التوكيل قالو نبعتلك علي واحد المه جه كاسيت قديم ومعفن وبرده مش شغال راديو قالوا في صيانه ال10000 نغيره
4- التكيف بيفصل كل 3 او اربع دقايق ويشتغل لوحده
5- في شخلله في الفرده الشمال ودي من الجهاز بتاع مستر الفرامل فيه بوش كبير قلتلهم في التوكيل حسسوني اني هندي ومش بفهم حاجه وعلشان الطريق في التوكيل حلوه وناعمه والعربيات صوتها عالي لما جربوها مسمعوش حاجه ( ودي عاوزه شكوي )
6- النور الامامي ضعيف
7- الباب الخلفي شمال بيحك في الامامي ششمال لما تفتح الباب الخلفي والامامي مقفول شافها سمكري بره التوكيل قلي عيب شداد
8- في زنه في الطبلون بس لقيت ليها حل وكفايه لحد كده
نسيت اقولك علي الفرش الي في الارضيه تحس انك قاعد في محل فراشه شعبي

[mohamed_e36]

العيوب معاي فيرنا 2014 ماشيه 5000 كيلو شهرين بالظبط
1- زقزقه في الابواب الاماميه
2- رجه في دريكسيون بعد 110 ك ( رحت التوكيل غيرولي جنوط ) اتعدلت شويه
3-الكاسيت مش شغال راديوا ( وفي التوكيل قالو نبعتلك علي واحد المه جه كاسيت قديم ومعفن وبرده مش شغال راديو قالوا في صيانه ال10000 نغيره
4- التكيف بيفصل كل 3 او اربع دقايق ويشتغل لوحده
5- في شخلله في الفرده الشمال ودي من الجهاز بتاع مستر الفرامل فيه بوش كبير قلتلهم في التوكيل حسسوني اني هندي ومش بفهم حاجه وعلشان الطريق في التوكيل حلوه وناعمه والعربيات صوتها عالي لما جربوها مسمعوش حاجه ( ودي عاوزه شكوي )
6- النور الامامي ضعيف
7- الباب الخلفي شمال بيحك في الامامي ششمال لما تفتح الباب الخلفي والامامي مقفول شافها سمكري بره التوكيل قلي عيب شداد
8- في زنه في الطبلون بس لقيت ليها حل وكفايه لحد كده
نسيت اقولك علي الفرش الي في الارضيه تحس انك قاعد في محل فراشه شعبي

الف مبروك على العربيه كل الناس هتلاقي عندها نفس المشاكل دي تقريبا بس في حاجه عايز اقولك عليها كمبريسور التكيف طبيعي انه يفصل ويشتغل كل شويه فمتهيألي معندكش مشكله في التكيف ان شاء الله وفعلا النور الامامي ضعيف والفرش بتاع الارضيه فعلا تحس انهم اشترو اربعه متر من واحد فارش في الشارع وفرشو في الارضيه
كل سنه وانت طيب :]