مشكلة في شباك ماتريكس خلفي !

[alkawther60]

مرة واحدة وبدون اي مقدمات الشباك الخلفي يمين فصل مبقاش يطلع ولاينزل لا من زراره اللي في الباب بتاعه ولا من مفتاحه في باب السواق مع العلم ان الشباك الخلفي المقابل له شغال تمام

حد عنده فكره ده ممكن يكون سببه ايه


مبرجاء المساعده مع جزيل الشكر

[aymanshebl]

ممكن المكنة بتاعت رفع الزجاج تكون باظت

[ahmedelrayan]

وممكن يكون المفتاح نفسه باظ وعلى فكرة المفتاح لو بايظ مش هينزل من وحدة التحكم الرئيسية بردو لو عايز تتأكد فك المفتاح بتاع الباب التانى لو اشتغل يبقى المفتاح لو مشتغلش يأما تكون مشكلة فى الكهرباء او المكنة فيها مشكلة

[elmo7amed]

طيب بما انك قولت الموضوع دا
انا موضوعى مشابه لكن الازاز بيطلع وينزل من مفتاحه هو نفس الباب يمين خلفى وبينزل من الباب الرئيسى لكن مش بيطلع

يعنى العطل فى الباب الرئيسى ينزل لكن ميطلع تانى اللى من الباب نفسه ايه رايكم

[shiko85]

مرة واحدة وبدون اي مقدمات الشباك الخلفي يمين فصل مبقاش يطلع ولاينزل لا من زراره اللي في الباب بتاعه ولا من مفتاحه في باب السواق مع العلم ان الشباك الخلفي المقابل له شغال تمام
حد عنده فكره ده ممكن يكون سببه ايه
برجاء المساعده مع جزيل الشكر

العيب ممكن يكون فيشه الكهرباء اللى واصله للمفتاح مفصوله
المفتاح نفسه بايظ او المكنه فيها عيب و سهل تعرف العيب
فك فرش الباب و شوف الفيشه واصله ولا لأ
جرب مفتاح تانى و شوف هيشتغل ولا لأ
دوس على المفتاح و حاول تسمع اذا كان فيه صوت للمكنه ولا لأ

طيب بما انك قولت الموضوع دا
انا موضوعى مشابه لكن الازاز بيطلع وينزل من مفتاحه هو نفس الباب يمين خلفى وبينزل من الباب الرئيسى لكن مش بيطلع
يعنى العطل فى الباب الرئيسى ينزل لكن ميطلع تانى اللى من الباب نفسه ايه رايكم

حصل معايا كده و كان العيب من المفتاح بتاع الباب الرئيسى كان فيه صدا او املاح على القواعد بتاعته و الكهربائى صنفره و اشتغل

[alkawther60]

شنرا لجميع الردود وخاري التجربة فعلا وهفكفرش الباب واجرب