فيرنا 2013 ووجع الظهر اللمنتهى

[micho129]

دلوقتى انا العربيه بقاله سنه ونص ودايما عندى وجع فى ضهرى بعد السواقه فالحتمالات كالاتى وعايز راي حضرتكم:
1-مش عارف اضبط وضع القياده نتيحه صغر الصالون لانى طولى 185 سم
2-الكراسى نشفه (هل يمكن الحل فى تغيرها)
3-هل لو فى مخده طبيه ممكن تحل الموضوع ؟
4-هل لان العربيه مانبوال ؟

[hamo81]

بيعها وهات بثمنها عربية بي واي دي f3 بنفس الثمن وأوسع منها بكتير وكماليات أكتر وقطع غيارها بنفس ثمن قطع غيار الفيرنا

[wael6]

دلوقتى انا العربيه بقاله سنه ونص ودايما عندى وجع فى ضهرى بعد السواقه فالحتمالات كالاتى وعايز راي حضرتكم:
1-مش عارف اضبط وضع القياده نتيحه صغر الصالون لانى طولى 185 سم
2-الكراسى نشفه (هل يمكن الحل فى تغيرها)
3-هل لو فى مخده طبيه ممكن تحل الموضوع ؟
4-هل لان العربيه مانبوال ؟

والله انا قولت نفس كلامك ولقيت الناس بتضحك عليا
ولكن دى الحقيقة المرة

لانك لو ظبط الظهر والقدمين هتلاقيك مش ظابط نفسك كويس ع الدواسات
تصميم الدواسات جاى بجنب
والكبود نفسه يخدع لانه ملموم لجوه
انا كنت بسوق قبلها الاكسيل
عمرى ما اشتكيت من حاجه من دى خالص
سبحان الله كل حاجه قديمه احلى ؟



حاول تخلى ظهر الكرسي بزاوية120 درجه تقريبا
ويكون زراعينك مفرودين بالكامل على الدركسيون وانت فارد ظهرك
حاول تعلى الدبرياج سنه صغيره عشان لو نسيت تزغد الدواسه للاخر وانت بتنقل ومرجع الكرسي لورا ؟

معلش طولت عليك
بس يارب اكون افدتك
وشكرا

[مصطفى-حسن]

جيت فى فترة كنت بشتكى من حاجة زى اللى حضرتك بتشتكى منها
والحل كان ابسط مما تتخيل
مارس تمارين البطن وابسط التمارين اللى ممكن تمارسها فى البيت لمدة 10 دقايق كل يوم
صدقنى كل الام السواقة هتروح من عندك
خصوصا لو بتسوق مسافات كل يوم

العيب مش فى العربيات
العيب فى قلة الرياضة والحركة

[shiko85]

هل لو فى مخده طبيه ممكن تحل الموضوع ؟

فيه حاجه شبه المخده فيها مساج بيشتغل على الولاعه كويس جدا و هتحس بفرق كبير سعرها 80 جنيه تقريبا

[MR A7MED]

بيعها وهات عربيه اتوماتك هتريحك خالص

[Ahmed_Eldesoke]

ربنا يشفيك ويعافيك ويعافي كل الناس من كل سوء يارب

انا عندي نفس المشكلة دي ولان طولنا تقريبا واحد وانا بشتكى من ظهري من فترة كبيرة خصوصا ان كمان كل شغل وانا مكفى على الكمبيوتر ( امراض المهنة زي ما بيقولوا )
خد بقى النصايح دي من كتر اللف على الدكاترة ربنا يعافيكم جميعا
1- ممارسة التمارين يوميا حتى لو 10 دقايق ( ركز على تمارين العمود الفقري والقطنية)
2- حاول دايما تقعد فى وضع سليم مش شرط وانت سايق بس لا فى كل الاوقات
3- اهم حاجة فى وضعية السواقة ان رجلك تكون مرتاحة ولو رجلك ارتاحت ما تخليش الكرسي مكفى لورا علشان 4- ما تحملش على ظهرك يعنى خلي ظهرك دايما محمل على الكرسي
5- لو الكرسي عندك واطي شوية ممكن ترفع بخددية صغيرة كدا
6- لو قعدتك بتخلي القطنية على شكل منحنى حط فى اسفل ظهرك وانت سايق زجاجة مياة او مسند صغير ( هتفرق معاك جدا )
7-فى مساند للظهر بتتركب على الكرسي بترفع القطنية بنفس الفكرة السابقة وبتخلى ظهرك واقف هتبقى صعبة عليك فى الاول انما بعد كام يوم هتتعود عليه وخصوصا لما تلاقى نفسك استريحت عليها ( انا بستخدم المسند دا )

وفى الأخر اقولك ربنا يشفيك ويعافيك من كل شر ولو فى وزن زيادة نزله لان انا 96 اخر مة الدكتور قالى يا تخس يا اما متجيش هنا تانى تشتكيلي من ظهرك مع ان انا طولى 184 ومش باين عليا وزن خالص بس كل دا بيحمل على الظهر

[Hamada hozein]

بص انا طولي ١٨٢ بس مش بحس باللي بتقول عليه ده خالص
يمكن في حاجه غلط في وضعيه الكرسي
جرب كل يوم حرك الكرسي والمسند بوضعيه مختلفه لغايه ما تلاقي وضعيه انت مستريح عليها واستمر عليها