نصيحة . النترا 2008

[elmo7areb]

بسم الله

الاول انا محتاج نصيحتكم الغالية لان تقريبا عندي وسواس قهري فى العربيات بس
انا كان معايا نيو اكسنت 2008 مانيوال وكانت مريحاني جدا عالية عن الارض وقطع غيارها معقولة وشيك وكنت مبسوط بيها لغاية ما اخويا اشتراها مني

اشتريت بعد كدة اوبل كورسا هي حلوة بس بهدلتني فى حوار الحرارة وبعدين فى المنصورة مفيش غير اتنين حسام البحقيري وشكري وانا زهقت بصراحة منهم

المهم معروض عليا النترا موديل 2008 مانيوال ملك واحد صاحبى هي لونها سلفر مركب كسوه جديدة و2 كاوتش امامي وبيهتم بالعربية لكن من الخارج متبهدلة شوية ورشة اظن جنبين وبيقول سقف وشنطة وكبوت فبريكة انا بصراحة مش مقتنع اوي بالموضوع دة

الزجاج الامامي مكسور ولازم يتغير وتجديد رخصتها بعد اسبوعين
العربية انا شرحت لكم ظروفها والمطلوب فيها على وضعها دة 70 الف

تفتكرو دي صفقة رابحة ؟ انا فكرت فى الانفي والبي واي دي زيرو وفكرت فى الاوبترا بس مش حابب الصيني والاوبترا واطية شوية وبيقولو استهلاك البنزين عالي فيها

انا قلقان من موضوع مانوال

انا منتظر نصايحكم الغالية

[shiko85]

بسم الله
معروض عليا النترا موديل 2008 مانيوال ملك واحد صاحبى هي لونها سلفر مركب كسوه جديده و2 كاوتش امامي وبيهتم بالعربية لكن من الخارج متبهدلة شوية ورشة اظن جنبين وبيقول سقف وشنطة وكبوت فبريكة انا بصراحة مش مقتنع اوي بالموضوع ده
مش مقتنع بأنها فبريكا سقف و شنطه و كبوت ؟؟؟
عموما سهل يتعرف اذا كانت راشه ولا لأ
الزجاج الامامي مكسور ولازم يتغير وتجديد رخصتها بعد اسبوعين
مش مشكله
العربية انا شرحت لكم ظروفها والمطلوب فيها على وضعها دة 70 الف
العربيه ماشيه كام كم ؟؟
حاله العربيه ( ماتور - عفشه ) ؟؟؟
تفتكرو دي صفقة رابحة ؟
كسعر معقول بس لازم نعرف تفاصيل اكتر عن العربيه
انا قلقان من موضوع مانوال
انا منتظر نصايحكم الغالية
ايه سبب القلق ؟؟ حضرتك كان معاك نيو اكسنت لمانيوال ؟؟؟

[pioneerahmed]

لا دور هتلاقي واحدة حالتها احسن و مش هتحتاج منك مجهود و صرف فلوس و بنغس السعر او . تزود شوية و تجيبها اول فئة اوتو

[S O P H O S]

العربية ماشية قد ايه وحالة الماتور ايه
لان فأعتقادي تنزل عن كده شوية

[Medicalist]

ما تجيبش عربيه راشه بالمنظر ده عشان هتقرف منها مع الوقت وهتبقى تقيله فى بيعها بعد كده
شوف حاجه نضيفه شويه و تكون اوتوماتيك وهتزود حاجاه بسيطه

[J A G U A R]

السعر ده يدل على انها متبهدله اوى

[shiko85]

السعر ده يدل على انها متبهدله اوى

خلى بالك يا باشا انها مانيوال مش اتوماتيك

[J A G U A R]

خلى بالك يا باشا انها مانيوال مش اتوماتيك

لو مانيوال برضه تعتبر رخيصه

بس نعرف برضه عداد الكيلو متر والماتور ولو فى حاجه تانيه

[shiko85]

لو مانيوال برضه تعتبر رخيصه
بس نعرف برضه عداد الكيلو متر والماتور ولو فى حاجه تانيه

تمام بس يمكن منزل 2 من سعرها بأعتبار انه صديق
بس حاله العربيه مش واضحه لازم شويه معلومات اكنر

[elmo7areb]

شكرا جدا يا جماعة على الردود

العربية عاملة 100 الف كيلو

انا هصور لكم العربية وانزل صورها وانتو تحكمو عليها

[shiko85]

العربية عاملة 100 الف كيلو
انا هصور لكم العربية وانزل صورها وانتو تحكمو عليها

سؤال صغير يا باشا
كشفت على العربيه ولا اعتمدت انها عربيه صديق ؟؟
الكشف اهم من الصور

[Moratoz]

الأوتو من العربيه دي بيعمل حوالي 85000 جنيه فالبتالي العربيه دي أكشف عليها لو تمام يبقي السعر حلو

[elmo7areb]

الصراحة انا مكشفتش عليها بس العربية انا عارفها بقالى سنتين تقريبا والصيانات الى فيها عارفها كمان واظن ان المكنة والعفشة تمام مفيش فيهم مشاكل

انا بس بقول عربية عارف قصتها احسن بكتير من عربية غريبه وهكشف وكلام من دة مع ان الكشف مهم بس مفيش ضمير اليومين دول

اظن السعر معقول مع العلم الزجاج الامامي 400 جنية وترخيص ونقل ملكية وفحص حوالي 1500 لمدة 3 سنين وكمان سمكرة خفيفة ورش جانبين حوالي 2000 واي حاجة تانية تحت الحساب 1000

كدة العربية تمام وملكية تمام وشكل خارجي تمام 75000

بس الى محيرني فعلا

انا لية اشتري عربية عاملة 100 الف كيلو واقفة عليا ب 75000 لما ممكن اشتري عربية زيرو مثلا زي الانفي او لانوس او فيرنا موديل 2015 وبنفس السعر تقريبا

السؤال .... لو انتو مكاني هتعملو اية ؟

[shiko85]

اللى محيرني فعلا
انا ليه اشتري عربيه عامله 100 الف كيلو واقفه عليا ب 75000 لما ممكن اشتري عربيه زيرو مثلا زي الانفي او لانوس او فيرنا موديل 2015 وبنفس السعر تقريبا
السؤال .... لو انتو مكاني هتعملو ايه ؟

ازاى بعد ما كان عندك نيو اكسنت تنزل لفئه اقل زى الفيرنا ؟
لو انا مكانك اشترى عربيه اعلى مش اقل - ازود فلوس و اشترى عربيه اوتوماتيك مستعمله موديل حديث كم قليل او ادفع اللى معايا مقدم و اشترى عربيه زيرو بالتقسيط سواء مانيوال او اوتوماتيك
يبقى على الأقل راكب زيرو و فئه اعلى من العربيه القديمع علشان احس بفرق و ان الفلوس اللى ادفعت لها مقابل

[pioneerahmed]

لو عايز رايي شوفلك مازدا 3 نضيفة ركوبة اعلى بمراحل من الكوري