فيرنا فول مانيوال ولا نيولوجان اقل فئة ... بجد محتار

[ميلو]

استفسار من مالكي الفيرنا الكرام
انا كنت حجزت فيرنا فول-اوبشن مانيوال فاميه ب 81750 وده لاني عارفها مع كتير من زمايلي في الشغل ... ولكن قبل ما امضي العقد باسبوع سمعت عن نيولوجان وشوفتها وقريت عنها كتيييير بصراحه ماليانه توبشن وكماليات وكمان الفئة الاولى فيها ب82000 يعني الفرق بسيط تقريبا مع العلم ان نيولوجان فيها اير باج وطاره مالتي فانكشن وموبايل بلوتوث ده كله جنب شكلها اللي اتغير كليا
طبعا لغيت حجز الفيرنا عشان اخد وقتي واقرر براحتي ....
وعشان كده قلت اخد رئي اصحاب الخبره الفرناويه في المنتدى ... ايه رايكم لو مكاني

[sarsossa]

متابع

[J A G U A R]

نيو لوجان

[ميلو]

اشاعات ان الفيرنا الزيرو مضروبه

للاسف يا جماعه ... انا من تصفحي للمنتدى اكتشفت كمان ان غبور باشا بدأ يلعب في العربيه من ناحية قطع غيار التيل والطنابير وحاجات تانيه ... مكتوب انه بيغيرها من العربيه بحاجات تانيه تقليد ارخص والاصليه يبيعها في التوكيل كقطع غيار بسعرها الغالي
ده في حد ذاته كارثه لاني المفروض اني بشتري عربيه زيروا حاطط فيها كل اللي اقدر عليه .....
ولكم الافاده والزياده لو عندكم معلومات تاكد الكلام ده او تنفيه

[samihanwar]

غبور تتوقع منوو أى حاجه

[S O P H O S]

لوجان فرأي
الفيرنا هتتفوق فالمحرك

[Omar Mahmoud]

نيو لوجان بس حاول تزود شوية و تجيب الفئة التالتة علي الاقل علشان فيها abs و ba
و حتي لو الفئة الاولي النيو لوجان احسن

[drcobra]

اللوجان اثبتت جدارة وهى مناسبة للطرق المصرية المعفنة

[hugan]

لوجان افضل

[lad]

لوجان اكيد بس زود وهات فئة اعلى

[ميلو]

الحمد لله لحقت نفسي

شكرا جزيلا يا جماعه على اهتمامكم ومشاركتكم
بصراحه طمنتوني وحسستوني اني فعلا اخد قرار صح ومتسرعتش
اشكر ربنا اني لحقت نفسي ... بجد كنت هاندم كتير لو كنت اتسرعت وجبت الفيرنا من كتر اللي بسمعه عن مشاكل اللي استلموها جديد الفترة دي
اخرها لسه من ساعتين كنت بحكي مع واحد معاه مو2013 ... المارش قفش معاه من حوالي شهرين ولما وداهالهم التوكيل دفعوه 1500 جنيه عشان يصلحوها لانهم اقنعوه انه هو السبب في المشكله دي

[mohamed ez]

شكرا جزيلا يا جماعه على اهتمامكم ومشاركتكم
بصراحه طمنتوني وحسستوني اني فعلا اخد قرار صح ومتسرعتش
اشكر ربنا اني لحقت نفسي ... بجد كنت هاندم كتير لو كنت اتسرعت وجبت الفيرنا من كتر اللي بسمعه عن مشاكل اللي استلموها جديد الفترة دي
اخرها لسه من ساعتين كنت بحكي مع واحد معاه مو2013 ... المارش قفش معاه من حوالي شهرين ولما وداهالهم التوكيل دفعوه 1500 جنيه عشان يصلحوها لانهم اقنعوه انه هو السبب في المشكله دي

ياتررى حضرتك اشتريت العربيه فعلا؟والفرق بينها وبين الفيرنا لواحد اول مره يسوق؟ واخبار قطع الغيار ايه؟

[ميلو]

ياتررى حضرتك اشتريت العربيه فعلا؟والفرق بينها وبين الفيرنا لواحد اول مره يسوق؟ واخبار قطع الغيار ايه؟

لا .... حضرتك انا كنت حاجز فيرنا ... وبعد اللي سمعته انا حجزت النيولوجان
بس لسه الاستلام بعد شهرين
انا ركبت العربيه من جوه واتفرجت عليها .... بصراحه وهم .... لكني لسه ماجربتهاش في السواقه
انا قبل كده كان معايا لادا .... لكني ركبت الفيرنا (مو 2008) للامانه كان عيبها الوحيد انها ضيقه وواطيه في المطبات والعيب ده كمان عدلوه من اول موديل 2010 وده اللي كان هايخليني اشتريها
لكن واضح ان الموديلات الجديده بقيت اسوء واسوء والمقارنه صعبه بينها وبين النيولوجان
وعشان كده انا عدلت قراري
بس يارب يكون قرار صح

[john55]

انا مع واحد صاحبي لوجان الشكل القديم مميزاتها العفشه فعلا تناسب الطرق المصريه ناعمه وسع داخلي عاليه في المطبات بس عيبها مشكله السحب والتجميع مش عارف دي اتحلت ولا ايه خليك في اللوجان افضل

[tareq mm]

الفيرنا ... موتور قوى ... قطع غيار ارخص ...... الريسيل استاذة

اللوجان صالون اوسع ... شكل احدث