عربيتي النترا hd اتخبطت

[Mohamedjetta]

كل عام وانتم بخير
النهارده اتخبطت عربيتي في تاني يوم ليا في مصر وانا برجع بعربيه ف اللي ورايا فداني فحكيت فيه المهم هي حاجه بسيطة وهو كام خربوش ابيض في الرفرف اللي ورا .... الحمدلله راجل محترم ومقليش حاجه
ممكن يا جماعه ازاي اشيل الابيض ده هو فيه خفيف وشلته بأيدي وفيه تقيل حبه ومش عارف ازاي اشيله
معلش انا من النوع اللي بحب المحافظه علي العربيه ومش بطيق عليها ولا خربوش
ممكن الطريقه اللي اشيل بيها الابيض اللي في الرفرف؟

[دكتور خالد]

علبة كومبوند مع حتة قماش كبيرة و ادعك المكان الابيض كويس ... وبعدين بوليش على قطنة نضيفة ولمعها
البوليش والكومبوند بيتباعو عن بتوع البويا بحوالى 15 ج الاتنين

[Mohamedjetta]

علبة كومبوند مع حتة قماش كبيرة و ادعك المكان الابيض كويس ... وبعدين بوليش على قطنة نضيفة ولمعها
البوليش والكومبوند بيتباعو عن بتوع البويا بحوالى 15 ج الاتنين

متشكرين علي الرد بس سعرهم رخيص علبه كومبوند و البوليش انا توقعت فوق 100 جنيه

[Mohamedjetta]

ممكن الطريقه يا جماعه عشان اللي اعرفه عن البوليش لو حطيته غلط بيبوظ الدهان

[aymanshebl]

لو دهان فبريكا ممكن تنر او نفط و قطنة هيشيله بمنتهى السهولة انما لو مش فبريكا لالالالالالالالالا

[دكتور خالد]

متشكرين علي الرد بس سعرهم رخيص علبه كومبوند و البوليش انا توقعت فوق 100 جنيه

لو عربيتك فابريقة او حتى مرشوشة فرن .. البوليش او الكومبوند مش هيعمل حاجة فى البوية بتاعة العربية هيشيل بس بوية العربية اللى اتحكيت منها ... سعرهم كده من 15 - 20 ج ... لسه شاريهم من شهر كده

[J A G U A R]

قطنه وتنر وطلع الخرابيش بس حاول متجيش عند الدهان

[Mido Casper]

البوليش مش بيضر الدهان لانه بيتعمل بيه كل عربيات الاجنسات للتلميع .. انت هي علبه بوليش و قطنه وامسحها جامد هتتعبك شويه بس كله يهون ^_^

[Sameh samy]

اسمحلي اعبر عن احترامي لان اول مرة واحد يخطئ في السواقة ويعترف ومع ان كلنا بني ادمين وبنغلط بس ثقافة الاعتراف والاعتذار موش موجودة عندنا

[Mohamedjetta]

لو دهان فبريكا ممكن تنر او نفط و قطنة هيشيله بمنتهى السهولة انما لو مش فبريكا لالالالالالالالالا

العربيه فابريكا من اولها لاخرها دهان المصنع... هو ايه التنر ده؟

[Mohamedjetta]

لو عربيتك فابريقة او حتى مرشوشة فرن .. البوليش او الكومبوند مش هيعمل حاجة فى البوية بتاعة العربية هيشيل بس بوية العربية اللى اتحكيت منها ... سعرهم كده من 15 - 20 ج ... لسه شاريهم من شهر كده

عربيتي فابريقا كلها وزعلان اوي ... بس العربيه اللي خبط فيها لونها اسود بس عملت ابيض .. ايه الابيض ده

[Mohamedjetta]

البوليش مش بيضر الدهان لانه بيتعمل بيه كل عربيات الاجنسات للتلميع .. انت هي علبه بوليش و قطنه وامسحها جامد هتتعبك شويه بس كله يهون ^_^

انشاء الله هجرب النفط وهشوف لو منفعش هجيب بوليش وخلاص

[Mohamedjetta]

قطنه وتنر وطلع الخرابيش بس حاول متجيش عند الدهان

التنر ده ده ايه ؟ وبيتباع فين؟

[دكتور خالد]

عربيتي فابريقا كلها وزعلان اوي ... بس العربيه اللي خبط فيها لونها اسود بس عملت ابيض .. ايه الابيض ده

الابيض ده لو طلع يبقى بطانة العربية اللى حكيت فيها ... لو لا قدر الله مطلعش يبقى بطانة العربية بتاعتك انت

[دكتور خالد]

التنر ده ده ايه ؟ وبيتباع فين؟

التنر هوه نفس المادة اللى موجودة فى الكومبوند بس سائل ومركز و بيتباع عند بتوع الدهانات برضه وهوه مادة قوية جدا و لو استخدمته اوعى ييجى على حاجة بلاستيك او مطاط لانها هتسيح