خبطة فى شاسية العربية . ما الحل ؟

[adelkamalh]

السلام عليكم

العربية عندي واخدة خبطة من تحت العربية في الشاسية ما خلية العربية مش مضبوطة ...

أنا نزلت بالفعل تحت العربية لقيت الخبطة جامدة وعوجة الشاسية ( الله يخرب بيت المطبات )

هل ينفع تتعدل ؟ وهل فية خطورة لو جيت عدلتها . وهل هترجع زى الأول ؟

[midooo_119]

الشاسيه بيترد عادى بس طبعا مش هيرجع زى الاول و كده العربيه هتبقى معيوبه لما تيجى تبيع

[haysam2000]

عليك و على التوكيل بس هتدفع كتيير بس ان شاء الله هترجع مظبوطه

[OmarAdel98]

مش لازم توكيل في جهاز بيظبط شاسية العربية

[adelkamalh]

طيب هل ينفع أسيب الخبطة الى فى الشاسية زى ما هي وما أجيش ناحيتها ؟

بتأسر في حاجة ؟

[adelkamalh]

جهاز أية الى بيعدل الشاسية ...؟ وفين اروح ؟

[hany63]

جهاز أية الى بيعدل الشاسية ...؟ وفين اروح ؟

سمير علي في الحرفيين عنده جهاز يظبطها في دقايق
ادخل الحرفيين و اسئل عليه ده اشهر سمكري هناك

[adelkamalh]

سمير علي في الحرفيين عنده جهاز يظبطها في دقايق
ادخل الحرفيين و اسئل عليه ده اشهر سمكري هناك

ما تعرفش بعد إذنك بياخد كام ؟ تقريبا ؟

[hany63]

ما تعرفش بعد إذنك بياخد كام ؟ تقريبا ؟

هوا غالي بس شغله مظبوط

[Mido Casper]

اه سمير علي معروف جدا واؤيد راي الاستاذ هاني :)
زميلي كان مصلح عنده سيتروين c4 حوادث وطلعت من تحت ايده جديده زيرو
السعر يفرق طبعا بين السيتروين والشغل عنده الشغل كان كتير .. ف روح عنده وشوف وان شاء الله تطلع بسيطه

[hi_nmr]

اول مره اعرف ان الشايه لما يتعوج ممكن يرجع زي الاول والعربيه تتظبط
الكلام ده مش مقتنع بيه
ممكن يرجع اه لكن العربيه مش هتظبط ابدا زي الاول

[midooo_119]

اول مره اعرف ان الشايه لما يتعوج ممكن يرجع زي الاول والعربيه تتظبط
الكلام ده مش مقتنع بيه
ممكن يرجع اه لكن العربيه مش هتظبط ابدا زي الاول

هترجع بس هتفضل باينه

[Fadi Ezzat]

معلش بس انتا شوفت الشاسية منين
ممكن حضرتك تصور الخبطة

[S O P H O S]

انزل الحرفين احسن
التوكيل هيبقي مبالغ فاسعاره

[eng. M verna]

بس يمكن ما دام شخص واحد معروف بالأسم يبقى غالى جدا :)