مشكله فى الالنترا 2015

[dr ahmed saleh]

السلام عليكم ورحمة الله وبركاته

ناوى اشترى النترا 2015 ان شاء الله من السعوديه فيها واحده ايرباج ومفيهاش abs ودى الفئه 1600 الوحيده الموجوده هنا لأن بقيت الكماليات موجوده فى ال2000 سى سى ممكن ياشباب بس أرجوكم وعن تجربه (( مهم أوى عن تجربه دى )) تقولولى ايه مميزات العربيه دى وايه أهم مشاكلها عن تجربه من حضراتكم
معلش طولت عليكم
اه ارجوكم محدش يحط لينكات لمواضيع قديمه لأنى راجعتها وبرضوا مش قادر اوصل لقرار انا عايز رأى المستخدمين
جزاكم الله كل الخير

[devil_storm]

مميزات الالنترا
صالون واسع
تسارع كويس
تكييف كويس
شكل كويس
قطع غيار منتشره خارج التوكيل و استراد ( سعر قطع الغيار في التوكيل غاليه جدا)
سعر اعاده بيع كويس


عيوب الالنترا
ثبات متوسط مش عالي ذي الاوربي
دهان وحش
صاج ورق و بتتبهدل بسرعه عكس الاوربي
تقفيل متوسط و اقل شويه من الاوربي
نظام التعليق مش كويس بالذات لو بتمشي في فواصل كباري او ملقات علي سرعه عاليه مع مطبا هوا

كمان في كام مشكله ظهرت عندي ضيقوني من العربيه قبل ما تكمل ٢٠ الف كم:
تغيير قطمه الدركسيون في الضمان و سعرها خارج الضمان ٩،٩٠٠ جنيه!! طب لو باظت تاني حلبس انا كده!
ريحه وحشه من التكييف
صوت طقطقه في الصالون مع المطبات
صوت طقطقه في الفتيس و التوكيل بيقول عادي ده صوت اللوك

يمكن العيوب دي ظهرت علشان دي كانت اول دفعه في الالنترا موديل ٢٠١٢ و اعتقد اتحلت في الموديلات الجديده لان اعرف ناس جابت موديل ٢٠١٤ و مشتكوش من اي حاجه و بيشكروا فيها جدا ... بس لو الالنترا ١٦٠٠ عندك مفهاش abs يبقي بص علي السيراتو الجديده حتعجبك اكتر و مبروك مقدما

[mr.moustafa]

فكك من الالنترا و ادخل على السيراتو جامدة فحت

[dr ahmed saleh]

اشكرك devil_storm والله يبارك فيك اشكرك safsaf43 وانتظر المزيد من أراء الملاك تحديدا عن عيوب الالنترا

[Mido Casper]

لا كله الا ال abs مهمه جدااا

[Mido Casper]

من رايي تخليك ف الياباني احسنلك

[WAEL .H]

عربية ممتازة بس مهم abs على الاقل

[dr ahmed saleh]

شكرا Mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

[WAEL .H]

في ناس بتعيب عليها عدم اتزانها في السرعات العالية
وفي ناس اشتكت من علبة الدركسيون في موديل 2012

[dr ahmed saleh]

Wael.H بشكرك جدا على اهتمامك بس هيا فين الناس دى ....كله بالسمع عايز ناس يكلمونى عن خبراتهم الشخصيه المفروض المنتدى هنا اكبر منتدى عربى للسيارات والحقيقه فى الموضوع اللى ببحث فيه الاجابات غير كافية على الإطلاق

[WAEL .H]

خلاص يا دكتور
No news is good news

Wael.H بشكرك جدا على اهتمامك بس هيا فين الناس دى ....كله بالسمع عايز ناس يكلمونى عن خبراتهم الشخصيه المفروض المنتدى هنا اكبر منتدى عربى للسيارات والحقيقه فى الموضوع اللى ببحث فيه الاجابات غير كافية على الإطلاق

[WAEL .H]

وممكن تدخل على مواقع امريكية وتشوف الريفيوهات عليها
بس تقولنا

[Mido Casper]

شكرا mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

لا متوصلش للياريس ... عندك الراف 4 و الكورولا والفورد فوكس والفورد تورسان ..
الكوري عندك الاسبورتاج.. واعتقد انهم في نفس الرينج ..
الالنترا مش محبذه وخصوصا عشان حضرتك بتقول من غيرabs مع ان من اسباب انتشارها في الشكل القديم اللي نازل من 2009 هو كميه الاوبشنز والرفاهيه اللي فيها و علي رأسها ال abs

[baherhassan30]

[QUOTE=devil_storm;3875689290]مميزات الالنترا
صالون واسع
تسارع كويس
تكييف كويس
شكل كويس
قطع غيار منتشره خارج التوكيل و استراد ( سعر قطع الغيار في التوكيل غاليه جدا)
سعر اعاده بيع كويس


عيوب الالنترا
ثبات متوسط مش عالي ذي الاوربي
دهان وحش
صاج ورق و بتتبهدل بسرعه عكس الاوربي
تقفيل متوسط و اقل شويه من الاوربي
نظام التعليق مش كويس بالذات لو بتمشي في فواصل كباري او ملقات علي سرعه عاليه مع مطبا هوا



مؤؤؤؤؤؤؤؤؤؤؤؤؤؤيد جداااا الكلام ده
وبما اني من ملاك الالنترا في السعودية
دي عيوب الالنترا
اي عيب تاني اختفي في موديلات 2013
ونصيحة من اخوك المصري
بلاش تشتريها من غير الـ ABS
لو دورت شوية هتلاقيها موجودة بالـ ABS شوف الوعلان
ولو مش ناوي تنزلها مصر هات الـ 1800 وانت تحس انك راكب طيارة
بلاش الـ 2000 لان الفئة دي نزلت علشان التاكسيات بسسس .. وكبر ماتور على الفاضي
اصلا هي في الاخر عربية تصنف من العربيات الصغيرة
والخلاصة انك بجد مش هتندم انك اشترتها بس حافظ عليها
ومبروك مقدما
واي سؤال انا موجود

[devil_storm]

شكرا mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

يارس ايه يا برنس !!! لا طبعا، انا سوقتها و طبعا الالنترا افضل بمراحل و فئه اعلي و الالنترا لو من غير عجل افضل من اليارس