ال rb و النطة الساحرة هههه

[kokowasfy]

السلام عليكم
انا شفت انهاردة عربية هيونداى rb على المحور كدا جنب هيبر اكسنت rb و العربية فيها حاجة غريبة السرعة كانت 80 تقريبا و العربية قاعدة تنط من الشنطة نط نط نط بطريقة غريبة جدااا و ملفتة للنظر اووووى اية يجماعة سر النطة دى و انا اسمع انها موجودة حتى فى الاكسنت القديمة و شمعنا يعنى الاكسنت الى بتنط يمكن عشان خفيفة و هل دا بيئثر على الثبات مستنى الرد مووضوع للمناقشة و صحيح بتعملو اية مع مطبات الهوا الشديدة انا اعتقد انها ممكن تطير لو مط هوا شديد شوية

[aymanshebl]

ممكن العربية فيها مشكلة فى العفشة و السوست و المساعدين

[J A G U A R]

هيا ليها حل بس مش فاكره بالظبط

[enghany]

لا العيب نازل في المساعدين الخلفيه لجميع السيارات الار بي و التوكيل بيغيرها فورا لو العميل اشتكي بمساعدين معدله و تو طلب حل المشكله من الشركه الام و يتم تغير المساعدين في الضمان شرط الصيانات الدوريه

[toty_305]

-يا باشا العربيات دي لا تعرف شئ عن الثبات مساعدين سوست غير اللي عايز تغيره ...عايز ثبات تركب عربيات luxury sedan و أنت طالع الباقي في التعبان compact و sub-compact

[john55]

غيرت المساعدين تحسن بنسبه ٧٠٪

[ahmedz310]

طب وموديلات 2015 ياجماعه بتحتاج باردو تعديل مساعدين وله بتنزل متعدله ?
و ياتري هل تعديل المساعدين فقط هو الحل وله فيه حاجه تاني?

[ahmad--ezzat]

مساعدين ال rb كده...مش عارف ليه

مفيش rb بشوفها فى الشارع ماسكه نفسها على طول مراجيح فى الجزء الخلفي بدون مبالغه

وكل ماشوفها اللعن ف غبور

[toty_305]

-يا جماعة عربية بجنط 14" 175/70 ...أكيد ثبات وحش ...بجانب أن السوست كمان ratio بتاعها على المساعدين القديمة لازم تغير سوست كمان و بردو هتفضل مش ثابتة ^_^

[Mido Casper]

بسبب المساعدين عشان فيها عيب وبتتغير في التوكيل

[amagroup]

بسبب المساعدين عشان فيها عيب وبتتغير في التوكيل

بتتغير مجانا تبع الضمان
وبتظبط كتيير قوي بعد تغيرها

[foxawy]

انا غيرتها فى الضمان ببلاش وكل الناس غيرتها واللى مغيرهاش ميعرفش الحوار ده فاكر انها عادى وعلى فكره المساعدين مفهاش مشكله العيب انها مش بتمشى فى الطرق اللى عندنا فى البلد يعنى المساعدين بترجع الى كوريا ويجيبهو انشف منها مش بيخسرو حاجه عمليه تبديل بس مش اكتر

[aymanshebl]

فى مصر لا يوجد طرق او قواعد مرور اساسا ديه عبارة عن مدقات مش اكتر

[toty_305]

فى مصر لا يوجد طرق او قواعد مرور اساسا ديه عبارة عن مدقات مش اكتر

المدقات دي بتمشي فيها عربيات مش بتلعب زي الكوري يبقى مهما كان....... دي قلة كفاءة من السيارة

[aymanshebl]

المدقات دي بتمشي فيها عربيات مش بتلعب زي الكوري يبقى مهما كان....... دي قلة كفاءة من السيارة

والله المدقات ديه معروفة انها طرق غير ممهدة و ليها نوعية خاصة من العربيات اللى تناسب الطرق ديه انما حرام بصراحة نقيم عربيات على الطرق عندنا لانها مش طرق من الاساس يعنى ماينفعش نقول العربية ديه سيئة علشان بتحك فى المطبات لان مش ديه مطبات ديه جبال من غير اى مواصفات مطبات عشوائية بدون تحذير او اشارة لوجود مطب ده غير البلاعات اللى ممكن تكسر كارتيرة الزيت ده غير .......الخ انما كفاءة العربية؟؟ ديه عربيات مش محلية فى كوريا انما بتباع على مستوى العالم حتى فى امريكا