قدامي فيرنا اوتوماتيك

[a7mad mody]

قدامي فيرنا اوتوماتيك 2009 ماشيه 90000 العربيه بتاعت واحد معرفه و بيقول العربيه تمام و طالب 65000
اولا ايه رأيكم في الفيرنا الاوتو اصلا تنفع عيله و مشاوير من اكتوبر لمدينه نصر و اعتماديه ولا لأ
عشان انا مش فاضي اقعد في الحرفيين .. انا قصدي تستحمل المشاوير الشاقه و كده طبعا مع عمل الصيانه اللازمه ؟؟
ثانيا انا شايف السعر ده كتير شويه .. صح؟؟؟
هي ولا نيو اكسنت 2010 ب 75000 اوتوماتيك ؟؟؟

[J A G U A R]

السعر كتير عليها وهاتستحمل المشاوير بس مش بتاعه جرى والنيو اكسنت افضل منها

[Mohamed sh]

الفيرنا يا باشا عربيه كويسه وبلغه السوق بياعه بس طبعا هى مش امكانيات عاليه لو حضرتك بتحب الجرى وغرز وكدا بلاش فيرنا هى احسن حاجه فيها الموتور موتور جبار وقطع غيار متوفره باسعار معقوله اقتصاديه بس مالهاش فى التحميل والجرى والغرز لانها خفيفه وكمان واطيه على الارض وفرامل بعد 120 ضعيفه والصالون ضيق واعتقد ان السعر ده عالى شويه اعلى الرغم انى اشتريتها 57000 كامله مانيوال بس عامله 28000 كيلو فقط فابريقه بالكامل مارشتش نهائى تقريبا كسر زيرو كمان 90000 كيلو مش قليلين ونصيحه بلاش اتوماتيك مستعمل وطبعا الاكسنت احسن مافيش كلام

[a7mad mody]

شكرا جدا يا رجاله ربنا يكرمكم

[agaty1st]

انا اشتريتها من سنه 1600 أتوماتيك موديل 2007 عامله 35000 كم ب60 ألف
فابريكا بره و جوه
موضوع التحمل ده انا من خلال اللي بشوفه في الشفل عندي ان عربيات الشركه كلها فيرنا موديل 2004 و 2006 و السواقين مطلعين عينيها و كل سفر لأسيوط اسبوعى على سرعة 200 مع التكييف و معامله قاسيه جدا
انا شايفها عربيه حمالة قاسيه

[haysam2000]

انا معايا اتوماتيك 2004 كنت شاريها 108000 كيلو ب 46000 من سنتين فبريكا دواخل بس و بسافر القاهره كل اسبوع و الحمد لله العربيه زى الفل و حماله اسيه جداااااااااااااااااااا مع الصيانه المنتظمه و قطع غيارها ممتازة
بالنسبه للفرامل انت محتاج كاوتش كويس زى بريدج ستون و طقم تيل كويس (لاحظ ان الأتوماتيك مقاسها اكبر من المانيوال اصلا 14/185/60) و ممكن تركب 15/195/50 و هتبقى ممتازة
بس خلى بالك من الغرز لأن العربيه وزنها خفيف 1100 كيلو