مؤشر الحرارة بيعلى مع التكيف - فيرنا

[ahmed9003]

السلام عليم ورحمة الله وبركاته

معايا عربية فيرنا لما بشغل التكيف جوا البلد بتبقى العربية زى الفل ومافيش مشكلة

انما حصلت معايا وانا على الطريق السريع لشرم الشيخ وفى العيد وانا رايح الساحل وبالامانة كان الجو

حار جدا

شغلت التكيف وبعد حوالى ساعة او ساعتين وانا فى الطريق لقيت مؤشر الحرارة ابتدى يعلى فوق النقطتين اللى بيبقى موجود مابينهم اقفل التكيف الحرارة ينزل المؤشر

وانا راجع من الساحل رحت منضف السربنتينة بالهوا والميه وخليتها فله وبرده حصل اللى حصل

فارجوكم تفيدونى

العربية فيرنا كورى موديل 2005 مانيوال فول اوبشن

عامله 132000 كيلومتر

ولسه عاملها صيانة شاملة قبل السفر طقم سرفيس وبوجيهات وفلتر هوا غيرت زيت وفلتر

اشكركم وجزاكم الله كل خير

[amoor89]

المية بتنقص ولا لا ؟

[ahmed9003]

خاااالص .. دا كل فين وفين اروح مزود القربه كوباية ميه او اكتر شوية

[mmolazem]

حالة الموتور و مراوح التبريد أيه ؟؟

لأن التكييف يعتبر حمل إضافى على الموتور .

[yaskhl]

سلك الريداتير عند اى حد بتاع ريداتير كويس ويكون مضمون وهاتتحل المشكله ان شاء الله. دا نفس اللى حصل معايا قبل كده. بتيقى فيه رواسب بتديق مواسير الريداتير كل فتره. مع الشكر

[ahmed9003]

حالة الموتور و مراوح التبريد أيه ؟؟

لأن التكييف يعتبر حمل إضافى على الموتور .

شكرا على الاهتمام والرد
حالة الماتور انه مستعمل من 2005 وعامل 132000 كم زى ما انا وضحت فوق واعتقد ان ديه حالة متوسطة وبالنسبة لمراوح التبريد مش عارف اقيس حالتها ازاى بس انا فى كل الاجواء داخل البلد سواء مشغل التكيف او لا مش بعانى من اى مشاكل فى الحرارة وده يمكن عشان المسافات بتبقى صغيرة

[ahmed9003]

سلك الريداتير عند اى حد بتاع ريداتير كويس ويكون مضمون وهاتتحل المشكله ان شاء الله. دا نفس اللى حصل معايا قبل كده. بتيقى فيه رواسب بتديق مواسير الريداتير كل فتره. مع الشكر

بشكر حضرتك على الرد

بس المفترض لما تكون فيه رواسب تعلى الحرارة فى جميع الحالات سواء جوه البلد او على الطرق السريعة لكن المشكلة ان انا بعانى من الحرارة على الطرق السريعة فقط وانا مشغل التكيف

[amoor89]

بص على الموضوع ده ممكن يفيدك

http://www.nilemotors.net/Nile/433695-a.html

[ahmed9003]

ربنا يكرمك ويجازيك عنا خير

بص على الموضوع ده ممكن يفيدك
http://www.nilemotors.net/nile/433695-a.html

ربنا يكرمك ويجازيك عنا خير

الموضوع مهم جدا وتقريبا نفس المشكلة بتاعتى بالظبط ... انا بتواصل مع صاحب المشكلة عشان احلها انا كمان

مرة تانية ربنا يكرمك ويجازيك خير