عربيتي هيونداي الأنتر ٢٠١٢ اتسرقت

[Omar Hammoudy]

النهاردة صحيت الصبح لقيت العربية مش موجودة و ازاز متكسر على الأرض ، العربية فيها الرخصة بتاعتها و نظرتي و كم حاجة كدة و كنت سايب فيها رقم تليفوني هعمل محضر إنشاءالله بالحصل كمان شوية و ارجعلك ، إنا لله و إنا إليه راجعون

[amr011111]

ربنا يردها لك

[mohkhattab]

لا حول ولا قوة الا بالله ، ربنا يعوضك خير و يصبرك و تلاقى عربيتك

[eslam34]

ربنا يعوض عليك ان شاء الله يارب تكون مأمن عليها

[Elsebily]

ربنا يردهالك إن شاء الله واعتقد انهم ممكن يتصلو بيك ويطلبو مبلغ

[Omar Hammoudy]

العربية مش متأمن عليها أنا بس عايز أعرف من الناس حصل معاهم حاجة زي كدة الحرامي السارق بيتصل بعديها بكذا يوم بعد ما الدنيا تكون هديت ولا لا ؟

[kar!m]

اللهم أجرك في مصيبتك و أخلفك خيرا منها.
ان شاء الله تلاقيها.

[haysam2000]

ربنا يردهالك على خير ان شاء الله
(و عسى ان تكرهو شيئا و هو خيرا لكم)

[ENG.MaRk]

واحد صاحبي كان معاه صني 2010 و اتسرقت ساعة الثورة عشان يتهرب فيها أسلحة و راح عمل محضر ... الفرق بينكم إن هو كان مأمن عليها فالتأمين اداله تمنها ... أما بالنسبة لحضرتك لو حد كلمك من الحرامية كلمهم بغناوة و قولهم إن العربية مش لزماك عشان هم ممكن يطلبوا مبلغ كبير و لو كلمتهم بغناوة هينزلوا معاك في المبلغ و لو ربنا أراد و وافقوا ابقي خد معاك بلطجية و انت بتسلمهم الفلوس أحسن يثبتوك و يقلبوك و ماتطلش الفلوس أو العربية ... و كان الله في العون

[eslam34]

العربية مش متأمن عليها أنا بس عايز أعرف من الناس حصل معاهم حاجة زي كدة الحرامي السارق بيتصل بعديها بكذا يوم بعد ما الدنيا تكون هديت ولا لا ؟

شوف حضرتك انا الي حصل معايا انه اتصل بيا بعد السرقة بيومين يالظبط 48 ساعة وطلب 35 الف جنية واروح استلم العربية من بني سويف طبعا انا كنت مأمن عليها وفي ناس جيراني من المنطقة نصحوني اني مروحش اجيب العربية و قالولي مش هتكون بحالتها يعني بيبدلو الجنوط وبياخدو الكاست الاصلي وبيقلبو العربية وممكن ياخدو الفلوس وتصرف عليها ادهم كمان عشان العربية ترجع زي ماكانت
سلمت امري لله وصرفت مبلغ التعويض من شركة التأمين وبعد 3 شهور بالظبط العربية اتمسكت في كمين في سوهاج والشرطة اتصلت بيا عشان اروح استلمها طبعا انا كنت بعتها لشركة التأمين فبلغتهم ان العربية في سوهاج و بالفعل لما مندوب التامين راح استلمها من القسم اتصلت بيه عشان اشوف بس العربية مش اكتر ولما رحت مخازن الشركة شوفت العربية كانت مفيش حاجة فيها زي ماكانت الكراسي متغيرة والجنوط والكاسيت وفرش الباب من جوة متبهدل
دة كل الي حصل معايا وربنا يهديك للصالح ان شاء الله

[aymanshebl]

ربنا يردهالك مش عارف امتى البلد ديه هتنضف الناس كلها بقت بلطجية و حرامية الحقيقة الثورة طلعت اسوء ما فى الناس على عكس ما متوقع انها تطلع احسن ما فى الناس ؟؟؟؟؟

[juba8]

اهم حاجه تعمل محضر
وربنا يكرم وومكن تتمسك فى كمين ولا حاجه

[عبدالحكيم]

الله يصبّرك ويعوضك ويبشرك بشرة خير عن قريب إن شاء الله

نصيحة لوجه الله، أسرع بإبلاغ الشرطة وتسجيل محضر رسمي، ليس فقط للبحث عن السيارة، لكن أيضاً لتحمي نفسك من تبعات أية مشاكل مستقبلية من الاستخدام غير القانوني لها وهي ليست في حوزتك..

[ahmed9003]

اللهم اجره فى مصيبته وعوض عليه

اللهم اجره فى مصيبته وعوض عليه

[Mecha]

تفتكزوا تركيب ايموبليزر يمنع السرقه ؟؟