مساعدة لو سمحتم

[ahmed20062004]

ياجماعة انا محتار جامد بين الشارك 2014 و الانترا 2015 هاي لاين ياريت حد يفيدني

الشارك ياباني ماتور مايفك (مش عارف بالظبط اية المميزات) بس شكلها من2008 ذي ماهوة يعني مش هاتحس بالتميز

الانترا هاي لاين فيها كل الاوبشن بتاعت الشارك واكتر بكتير واللي مش بيرشحوا الانترا بيقولوا اصلها كورى اوك بس هل فيها عيوب تخليني اجيب الشارك


يعني انا عايز اعمل مقارنة بين مميزات وعيوب الاتنين بغض النظر عن دولة الصنع. عيب او ميزة في العربية نفسها

[Sameh samy]

انا بفضل الالنترا اكتر من الشارك
وبفضل السيراتو بصراحة عن الاتنين ونفس الفئة السعرية

[Mohamedjetta]

الالنترا طبعا وثباتها كويس بس فيه اعضاء بيقولو ديلها بيلعب في فواصل الكوبري
اعتقد لو الالنترا الهاي لاين فيها esp يبقي انسي المشكلة دي

[ahmedamgad18]

طيب مفكرتش فى الكروز الجديدة ..... موتور وجيربوكس ( الاسترا ) يعنى موتور وجيربوكس المانى وهى فئة واحدة واخر سعر سألت عليه التوكيل من 3 اسابيع 150000 جنيه .

[Omar Mahmoud]

شيفروليه كروز بالاتنين دول

[Adnfalcon]

مبدأيا شارك أكثر ثباتا بس أقل فالاوبشنز و كروز أفضل منهم فعلا

[ahmed20062004]

كرولا اعلى في السعر واغلي في قطع الغيار وانا بصراحة هاحط الورايا واللي قدامي وهاخد قرض علشان العربية ومافيش استعداد اشترى قطع غيار غالية.

بالنسبة للكروز انا كنت بافكر فيها بس واحد صاحبي باظ منة كمبيوتر الفتيس لوحدة وسعر الاصلي 12000 فقفلني منها


السؤال الصعب اضحي بشكل واوبشن الانترا مقابل ثبات الشارك ولا الفارق مايستاهلش

[J A G U A R]

بالنسبة للكروز انا كنت بافكر فيها بس واحد صاحبي باظ منة كمبيوتر الفتيس لوحدة وسعر الاصلي 12000 فقفلني منها

كروز موديل كام دى ..

[Mohamedjetta]

كرولا اعلى في السعر واغلي في قطع الغيار وانا بصراحة هاحط الورايا واللي قدامي وهاخد قرض علشان العربية ومافيش استعداد اشترى قطع غيار غالية.

بالنسبة للكروز انا كنت بافكر فيها بس واحد صاحبي باظ منة كمبيوتر الفتيس لوحدة وسعر الاصلي 12000 فقفلني منها


السؤال الصعب اضحي بشكل واوبشن الانترا مقابل ثبات الشارك ولا الفارق مايستاهلش

حضرتك صدقني ولله العربيه الالنترادي هتاخد منها احلي ثبات لحد 170 كم ولو هاي لاين هتبقي ثابته لحد 190 وفكك بقي من اللي يقولك تعوم ومش تعوم
انا معايا النتراhd 2010واقسم بالله العربيه دي من اللي سمعته من الناس انها لو مشت 120 ممكن تتقلب !!!!!!
ولحد الان جربتها لحد 195 وثباتها كويس مش زي ما الناس بتقول ........ كفايه قوه الموتور الرهيب
اتكل علي الله وجيب الالنترا وعندك برضو السيراتو وفكك من الشارك عشان شكل قديم وهتلاقيه بعد سنه اتغير

[Samir Elshahawy]

شوف ياباشا ....
بما أنك في قسم هيونداي فطبيعي هاقول لك هات الالنترا ههههههههههههه

لا بجد .....

- كأوبشن و شكل و سعة صالون و صندوق أمتعة ... الالنترا تكسب
- كموتور و سحب ..... الالنترا تكسب
- كثبات .... الشارك طبعا بس بنتكلم علي ثبات علي سرعة كام و أنت بتسوق العربية أزاي

الالنترا فيها مشكلة التورشن بيم بس دي مش مؤثرة أوي و هاتتعود عليها مع الوقت لكن بشكل عام الالنترا أفضل و توكيلها أفضل

و ربنا يوفقك أم شاء الله للخير