الميكانيكي بيقول المتور قفش

[equation]

السلام عليكم و رحمة الله و بركاته
انا معايا عربية اكسنت موديل 99 اتوماتيك
امبارح وديت العربية عند السمكر و سبتها .... تاني يوم السمكري اتصل بيا و بيقولي العربية مش عايزة تدور .... و بيقولي ان المتور مفهوش و لا نقطة زيت .... جبنا ميكانيكي يبص عليها ... هو حط فيها جركن زيت و جينا نجرب برضه مفيش فايدة .... و الميكانيكي قالي المتور قفش ....و عايز عمرة .... انا مش عارف ايه اسباب قفش المتور ..... و هل ممكن ده يحصل و هي مركونة .... و ياتري في حل تاني

[kaza]

انت لما رحتلة كانت العربية دايرة ولا لا دة اكيد هد حيل أبوها وبالمناسبة اخبار اخر مرة كشفت علي الزيت من امتي والموتور بياكل زيت ولا لا ادينا شوية تفاصيل

[أحمد جودة]

السلام عليكم و رحمة الله و بركاته
انا معايا عربية اكسنت موديل 99 اتوماتيك
امبارح وديت العربية عند السمكر و سبتها .... تاني يوم السمكري اتصل بيا و بيقولي العربية مش عايزة تدور .... و بيقولي ان المتور مفهوش و لا نقطة زيت .... جبنا ميكانيكي يبص عليها ... هو حط فيها جركن زيت و جينا نجرب برضه مفيش فايدة .... و الميكانيكي قالي المتور قفش ....و عايز عمرة .... انا مش عارف ايه اسباب قفش المتور ..... و هل ممكن ده يحصل و هي مركونة .... و ياتري في حل تاني

اعتقد صعب الموتور يقفش مرة واحدة اكيد كان فيه مقدمات وياتري حضرتك كنت مهتم بالصيانة وقياس منسوب الزيت ولا اية !!!!!

[equation]

انت لما رحتلة كانت العربية دايرة ولا لا دة اكيد هد حيل أبوها وبالمناسبة اخبار اخر مرة كشفت علي الزيت من امتي والموتور بياكل زيت ولا لا ادينا شوية تفاصيل

ايوه انا لما رحت للمسكري كانت دايره و زي الفل ... و هو خدها ركنها في الجراج جنبه علشان يشتغل فيها الصبح ..... و المتور مش بياكل زيت ... و اخر مرة بصيت فيها علي الزيت كان من يومين و كان مظبوط وزي الفل .... بس هو لما جه يدورها تاني يوم علشان ياخدها من الجراج للورشه العربية مدراتش و جابها زق للورشة ..... و العربية مكنش تحتها اي زيت بس كانت غرقانها زيت من تحت ...... و لما جبنا ميكانيكي يبص عليها منلقناش فيها و لا نقطة زيت و جبنا جركن زيت و حطيناها فيه و جه يدور برضه مفيش فايدة .... الميكانيكي قالي كدا المتور قفش و عايزه عمرة كاملة او تغير موتور .... لازم يفك الاول و بعدين يشوف ممكن يعمل ايه

[equation]

اعتقد صعب الموتور يقفش مرة واحدة اكيد كان فيه مقدمات وياتري حضرتك كنت مهتم بالصيانة وقياس منسوب الزيت ولا اية !!!!!

و الله يا بشمهندس احمد انا مستغرب جدا من اللي حصل .... انا باقيس الزيت كل يومين مرة و العربية مش بالكل زيت و لا حاجة و هي معايا بقالها 3 سنين عمري ما اشتكيت من الموتور ...... حضرتك ممكن تنصحني ابص علي ايه مع الميكانيكي ؟؟

[amoor89]

العربية دى اكلت مطب جامد فشرخت الكارتيرة مثلا ده التحليل الوحيد المنطقى

[john55]

دا الاقرب للحل لانها غرقانه زيت من تحت

[أحمد جودة]

و الله يا بشمهندس احمد انا مستغرب جدا من اللي حصل .... انا باقيس الزيت كل يومين مرة و العربية مش بالكل زيت و لا حاجة و هي معايا بقالها 3 سنين عمري ما اشتكيت من الموتور ...... حضرتك ممكن تنصحني ابص علي ايه مع الميكانيكي ؟؟

اعتقد فيه تحليل تاني
سير الكاتينة أتقطع ومع تكرار محاولة إدارة المحرك حصلت المشكلة وربنا يستر وتكون الحكاية بسيطة

بس موضوع الزيت اللى مغرق العربية من تحت دة جديد ولا كان موجود ...... بيتهيئالي لو حتي كارتير الزيت اتشرخ هيكون فيه بردو مقدمات منها بقعة زيت تحت العربية وسخونة وخشونة الموتور ....... مش عارف برجح موضوع سير الكاتينة والله أعلي وأعلم عموما المفروض الاول الميكانيكي يأكد على أن سير الكاتينة مش مقطوع ومتابع معاك لحين حل المشكلة إن شاء الله

[equation]

اعتقد فيه تحليل تاني
سير الكاتينة أتقطع ومع تكرار محاولة إدارة المحرك حصلت المشكلة وربنا يستر وتكون الحكاية بسيطة

بس موضوع الزيت اللى مغرق العربية من تحت دة جديد ولا كان موجود ...... بيتهيئالي لو حتي كارتير الزيت اتشرخ هيكون فيه بردو مقدمات منها بقعة زيت تحت العربية وسخونة وخشونة الموتور ....... مش عارف برجح موضوع سير الكاتينة والله أعلي وأعلم عموما المفروض الاول الميكانيكي يأكد على أن سير الكاتينة مش مقطوع ومتابع معاك لحين حل المشكلة إن شاء الله

شكرا كتير لذوقكم ... انا بصيت علي العربية من تحت مكنش باين اي مشكلة في الكارتيرة و الطابة كانت موجودة ... و في ميكانيكي بص علي سير الكاتينة و قال انه سليم .... هي دلوقتي عند ميكانيكي تاني و المفروض يرد عليا انهارده فيها ... ربنا يسترها

[equation]

شكرا كتير لذوقكم ... انا بصيت علي العربية من تحت مكنش باين اي مشكلة في الكارتيرة و الطابة كانت موجودة .. الطبيعي اللي كنت ملاحظة دايما فيها ان الموتور بيكون مرشح شوية زيت علي الكارتيرة بس الزيت مكنش بينقص .... لكن موضوع الزيت اللي مغرق العربية من تحت ده لاحظته بس بعد وقوع المشكلة و انا كنت رافع العربية قبلها بيوم مكنش في اي اثر للزيت اللي مغرق العربية ده..... و في ميكانيكي بص علي سير الكاتينة و قال انه سليم .... هي دلوقتي عند ميكانيكي تاني و المفروض يرد عليا انهارده فيها ... ربنا يسترها

[Mido Casper]

الميكانيكي دا شكله مش مضبوط وحاول يشتغل فيها وغلط وبيحملك المسؤليه طالما العربيه كانت شغاله معاك تمام وباظت عنده مش بعيد يكون طلع بيها مشوار طلع عينها وعمل اللي عمله وركنها .. والماتور لما يقفش القفشه للدرجاتي معني كده انها كانت مفضيه زيت .. ازاي انت رايح وهي شغاله وراكنها وتاني ويوم مفهاش زيت !

[yyy]

السلام عليكم و رحمة الله و بركاته
انا معايا عربية اكسنت موديل 99 اتوماتيك
امبارح وديت العربية عند السمكر و سبتها .... تاني يوم السمكري اتصل بيا و بيقولي العربية مش عايزة تدور .... و بيقولي ان المتور مفهوش و لا نقطة زيت .... جبنا ميكانيكي يبص عليها ... هو حط فيها جركن زيت و جينا نجرب برضه مفيش فايدة .... و الميكانيكي قالي المتور قفش ....و عايز عمرة .... انا مش عارف ايه اسباب قفش المتور ..... و هل ممكن ده يحصل و هي مركونة .... و ياتري في حل تاني

طالما موديها سليمة وماشية يبقى الشك فى الصنايعى ...فى صنايعية بياخدو العربيات بليل يلعبوا بيها

[equation]

قدر الله و ماشاء فعل .... هو فعلا احتمال كبير يكون السمكري خرح بيها .... الميكانيكي برضه بيأكد كدا... انها متعملش كدا و هي مركونة ...... الميكانيكي فك الموتور انهارده و حالته يرثي لها .... السبايك متفحمة و البساتن ... وودينها للخراط و ربنا يسترها

[amoor89]

قدر الله وما شاء فعل بس لازم حضرتك تاخد بالك انك مينفعش تسيب عربيتك لصنايعى ابدا حتى ولو كان معرفة