منشور الفيرنا في المرور ؟

[mpop]

سلام عليكم
وصباح الخير او مساء الخير على حسب وقت ما بتقرى فيه الموضوع
انا الحمدلله اشتريت فيرنا 2015 قسط المهم انا عشان ارخص لازم تبع الشركة اللي انا عامل معاها القسط كل شوية يقولولي منشور الفيرنا ل 2015 لسه منزلش في المرور عشان نرخص انا مش عارف اصلا ايه هو المنشور ده يعني بيبقى عبارة عن ايه وياترى حد برده اشترى 2015 نفس الموضوع ؟؟؟
وشكرا مقدما

[elpasha1]

هو لسة فى فيرنا 2015

[mpop]

اه .. متهيالي مافيش اخبار عن وقف انتاجها

[ahmedfouad]

الف مبروك يا باشا على العربية
ربنا يباركلك فيها يا رب ويعطيك خيرها ويكفيك شرها
و مفيش غير انك تستنى وتتابع الموضوع لحد ما يتحل

[mpop]

الله يبارك فيك يا ahmedfouad
منا مستني وكل تاخيرة وفيها خيرة انا بس بشوف انا لوحدي ولا ايه

[D.Ahmed Ismail]

دي مانيوال ولا اوتو
اصلي سمعت ان من2015 اوتو بس

[mpop]

هي اوتو .. وفي منها مانيوال عادي

[MITSUKERO]

تقريبا كان من فترة نزل شرط للانتاج المحلي بتوريد ارقام الشاسيهات للمرور للحد من السرقة و بيجمع شوية عربيات علي بعض و يبعتهم للمرور بس التفاصيل مش فاكرها

تابع مع الاعضاء هيفيدوك

[D.Ahmed Ismail]

مانيوال بس 2014

[mpop]

MITSUKERO
شكرا على ردك وانا متابع اهو وربنا يكرم

D.Ahmed Ismail الراجل خيرني مانيوال ولا اتوماتيك اخترت اتوماتيك .. وخش على كونتاكت كار وشوف

[D.Ahmed Ismail]

mitsukero
شكرا على ردك وانا متابع اهو وربنا يكرم

d.ahmed ismail الراجل خيرني مانيوال ولا اتوماتيك اخترت اتوماتيك .. وخش على كونتاكت كار وشوف

شكرا لردك
انت افدتنا و احنا ما افدنكش

[mpop]

D.Ahmed Ismail عادي يا باشا احنا كلنا هنا بنفيد بعض واكيد يعني لو عندك معلومة كنت قلتها

[Hamada hozein]

بص يا سيدي انا برضه كنت شاري ٢٠١٤ وبرضه كانت في نفس الوقت دي السنه اللي فاتت او بعد بشويه
المهم برضه جينا نروح نرخص قالي لسه ارقام الشاسيه منزلش في مرور رابعه
قولتله يعني ايه
قالي لازم ارقام الشاسيات تتسجل في اداره المرور
وقالي اول ما تتسجل هكلمك ونروح نرخص
وقالي خلال اسبوع وبعدها ب ٤ ايام لقيته بيكلمني وقالي خلاص ورحنا رخصنا

[mpop]

شكرا يا Hamada hozein