لغز أحتراق فيشة طلمبة البنزين

[mohabelnegm]

فى شرم الشيخ فيه أزمة خطيرة فى البنزين.كان عندى جركن بنزين فيه حوالى 5اتر بقاله سنه فى الجركن, طبعا لما التنك قرب يفضى اضطريت أحط ال5لتر دول...بعدها العربية مادارتش و جبت ميكانيكى (ميكانيكى كويس جدا و خبرة) و بندور العربيه دارت و خدناها و رحنا على الورشة. فى الطريق اشترينا قلب طلمبة و لما فتحنا و خرجنا الطلمبه كلها فوجئنا ان الفيشة اللى فى وش الطلمبة بوش الطلمبة سايحين و شايطين(ستر ربنا ) . طبعا الموضوع كده دخل فى أنى لازم أجيب وش طلمبة جديد. روحت غبور و لقيت الطلمبة كلها ب 2200جنيه! بس بعد شوية بحث فى التوكيل توصلوا انى ممكن أشترى الوش بس ب 275جنية و قد كان. و الفيشه مالقيتهاش فى التوكيل و جبتها من برة ب 70جنيه و ركبت على كدا مع تغيير قلب الطلمبة و فلتر البنزين
السوءال اللى محيرنى و محير الميكانيكى ليه الحرق ده حصل و سيح البلاستيك و فى نفس الوقت أنا خايف الموضوع ده يتكرر تانى.

[mrghost]

اتوقع انه موتور الطلمبة اتحرق فمر تيار كبير سخن الفيشة وسيحها او انت مركب فيوز قيمته كبيره عن الاصلى

[haysam2000]

فعلا الفيوز مش القيمه الصحيحه

[mazeen]

انا عايز اعرف اى فيشه اللى ساحت اللى تحت الكنبه ولا اللى جوه الاتانك اللى بتركب فى قلب الطلمبه
وجبت الوش منين

[mohabelnegm]

الفيوزات بتاعة العربيه هى بتاعة الفابريكة ماجيتش جنبها جالص من ساعة ما أشتريت العربية زيرو.
الفيشه ديه بتبقى خارجة من قلب الطلمبه و بتركب فى وش الطلمبة البلاستيك من تحت و اللى بيبقى تحت الكنبه علطول. و الشياط كان فى الفيشه و سيح جزء من وش الطلمبه البلاستيك.
أنا جبت الوش من غبور شرم الشيخ, ربنا سهلها و أدونى الوش بس من غير الطلمبه كامله.
المشكله حصلت مباشرة بعد ما حطيت البنزين اللى كان متخزن فى الجركن...و الله أعلم ممكن يكون البنزبن تفاعل مع ماده الجركن و البنزين المخلوط ده سبب المشكلة. فممكن ده يكون تحذير بعدم استخدام البنزين المخزن فى جراكن بلاستيك.

[mohabelnegm]

الفيوزات بتاعة العربيه هى بتاعة الفابريكة ماجيتش جنبها خالص من ساعة ما أشتريت العربية زيرو.
الفيشه ديه بتبقى خارجة من قلب الطلمبه و بتركب فى وش الطلمبة البلاستيك من تحت و اللى بيبقى تحت الكنبه علطول. و الشياط كان فى الفيشه و سيح جزء من وش الطلمبه البلاستيك.
أنا جبت الوش من غبور شرم الشيخ, ربنا سهلها و أدونى الوش بس من غير الطلمبه كامله.
المشكله حصلت مباشرة بعد ما حطيت البنزين اللى كان متخزن فى الجركن...و الله أعلم ممكن يكون البنزبن تفاعل مع ماده الجركن و البنزين المخلوط ده سبب المشكلة. فممكن ده يكون تحذير بعدم استخدام البنزين المخزن فى جراكن بلاستيك.

[Mecha]

ميه ف البنزين