حكه خفيفة فى عربيتى الجديدة

[moh'd soliman]

الحمد لله على كل شئ
بعد ما عملت صيانة ال 1000 لعربيتى الجديدة ix35 2015 وانا خارج من عند غبور العبور بعد منزل كوبرى السلام ميكروباس حدف عليه وحك عربيتى فى الرفرف اليمين امام
بوهيه الميكروباس علمت فى الرفرف ومش عايزة تطلع...دى مش مشكلة
المشكلة ان صاج عربيتى اتكشف فى حتتين صغيرين مكان الحكه
انا خايف انهم يكبرو او البرومه تسحب فيهم بسبب الغسيل والمياة
حد عندة حل للمشكله
وهل تستاهل انى اعالجها ومين وفين اقدر اعالجها

[svneleven]

لازم طبعا عشان البرومة و طالما مكان صغير يبقي لما يتعمل مش هيبان.

[mummy_47]

انا مش عايز اخوفك ..قدر الله وما شاء فعل واللي يجي في الريش بقشيش ....العين مش بتخلي حاجة.....انا واحد زميلي اول ما جاب عربية جديدة ..عارف عمل ايه مش هتصدق...قام كسر الفانوس الخلفي ...ايوه..زقام كسر الفانوس الخلفي ..عشان ياخذ العين ...وربنا يكفيك شر الميكروباص وغيره.......انا اول ما جبت العربية وهي واقفة وراكنة في مكان كبير ومفيهوش سيارات ....يقوم تكتك بيتعلم السواقة يرجع عليها ويقوم عاصر الباب الامامي ويهرسه...تخيل

[mohamed_e36]

انا مش عايز اخوفك ..قدر الله وما شاء فعل واللي يجي في الريش بقشيش ....العين مش بتخلي حاجة.....انا واحد زميلي اول ما جاب عربية جديدة ..عارف عمل ايه مش هتصدق...قام كسر الفانوس الخلفي ...ايوه..زقام كسر الفانوس الخلفي ..عشان ياخذ العين ...وربنا يكفيك شر الميكروباص وغيره.......انا اول ما جبت العربية وهي واقفة وراكنة في مكان كبير ومفيهوش سيارات ....يقوم تكتك بيتعلم السواقة يرجع عليها ويقوم عاصر الباب الامامي ويهرسه...تخيل

مش للدرجادي يا باشا

[Hamada hozein]

وربنا يكون في العون وعندي نفس مشكلتك بالظبط

[mummy_47]

مش للدرجادي يا باشا

للدرجة ديه واكتر كمان...
انا عايز اقول نصيحة لصاحب السيارة:

اولا: الحمدالله الف الف مرة انها جت في العربية .
ثانيا: اوعى وبكررها اوعى تعمل حاجة في الخبطة سيبها زي ما هي عشان تاخذ العين..معلش استحمل شوية قد سنة او اثنين وبعدين صلحها ومش هيحصل ليها حاجة.ومتنساش لا الطريق الدائري هيشيلوه من مكانه ولا بتوع الميكروباص هيختفوا من اماكنهم..(انا السيارة اللي فاتتي اتخبططت تقريبا في نفس مكانك اول ما جبتها برده وكانت مستعملة مش زيرو..والحكة عملت خط طويل طلع البوية من العربية وبان الجسم..سيبتها زي ما هي لمدة 6 سنين ...لحد ما بعتها على حالتها ..الحكة كان لونها اصفر شوية فقط ..)

[moh'd soliman]

لازم طبعا عشان البرومة و طالما مكان صغير يبقي لما يتعمل مش هيبان.

خايف اعمله يبان
بس انا هشوف لو ممكن اعمله فى التوكيل بسعر كويس ام لا

[samehafez]

اهلا بيك في النادي .... IX35 برضة و ملحقتش اتهني 48 ساعة من غير حكات ... اتحكت و هي واقفة الرفرف اللي قدام شمال ( داير العجل ),,, هسيبها شوية و هلزق عليها chrome wheel arch fender cover انا كدة كدة كنت هركبة كشكل حلو للعربية ... بس بقيت مجبر اركبة عشان منظر الحكة ... فيه اقتراح تاني ممكن تركب استيكر الكاربون فيبر بيدي شكل و هيداري الحكة

[moh'd soliman]

شكرا جدا على رد حضرتك
مش عارف اوصفلك اد ايه انا كنت زعلان لما العربيه اتحكت بس حمد ربنا على كل شئ
يا ريت تقولى منين وفين اقدر اركب الحاجات ال بتقول عليها وسعرها كام
وهل هتدارى الحكة وتعطلى شكل حلو للعربيه

[samehafez]

النواكل دي من برة ..ملقيتهاش عند حد في مصر . و للاسف غالية ممكن تدور عليها في جوجل هيطلعلك صورتها (ix35 wheel arch fender cover)
بس الاستيكر الكاربون فيبر ...موجود عند كل بتوع الاكسسوارات و مش مكلف ... الناس بتحط نفس لون العربية بس انا شايف انك ممكن تحط الاسود و تلزقة علي داير العجل ... هيعمل شغل احلي من النواكل.