صوت غريب جدا فى النترا 2012 - ارجو الاهتمام

[mhkash]

السلام عليكم

انا عندي صوت غريب جدا فى العربيه


لما بكون كاسر الدركسيون على الاخر سواء وانا بركن او لما بكون داخل يمين او شمال و يتصادف يكون فيه مطب صناعي او باركن فى ارض غير مستويه - طبعا بكون ماش ببطئ شديد جدا جدا و بحرص عالى جدا - باسمع صوت زعقه عنيفه او صوت احتكاك عنيف و بحس بزنه خفيفه فى الدركسيون - الصوت ده مش بيحصل لما بكون ماشي على خط مستقيم - يعني لو فيه مطب او ارض غير مستويه وانا ماشي للامام من غير كسر الدركسيون على الاخر - مش بيحصل الصوت ده


فقط فقط اثناء كسر الدركسيون على اخره

مع العلم ان محدش غيري بيسوق العربيه و باسوق سواقه هاديه جدا و رزينه على الاخر و عمري ما لبست فى مطب او اي حاجه غير عاديه - ومليش فى الجري و الشد و الكلام ده - باختصار انا باحافظ على العربيه جدا جدا جدا و هي عامله دلوقتي 48000 كم

لو حد عنده فكره عن ده يريت يقوللي الله يكرمكم

شكرا جزيلا وياريت حد يطمني

[shoshasam]

عامة هوه ماينفعشي تجيب الدريكسيون علي أخره
لانك كده بتجيب أقصي عزم لطلمبة الباور وبتحط عزم كبير جدا علي الموتور
بالعامية كده انت بتخنق الموتور قوي ومع الاستمرار علي كده ممكن تبوظ طلمبة الباور
يفضل انك تاخد الملف علي واسع حاجه بسيطه وبكده مش هاتلاقي نفسك عايز تجيب الدركسيون علي اخره

والمبدأ ده بيسري علي العربيات الجديده أو القديمة

[mhkash]

عامة هوه ماينفعشي تجيب الدريكسيون علي أخره
لانك كده بتجيب أقصي عزم لطلمبة الباور وبتحط عزم كبير جدا علي الموتور
بالعامية كده انت بتخنق الموتور قوي ومع الاستمرار علي كده ممكن تبوظ طلمبة الباور
يفضل انك تاخد الملف علي واسع حاجه بسيطه وبكده مش هاتلاقي نفسك عايز تجيب الدركسيون علي اخره

والمبدأ ده بيسري علي العربيات الجديده أو القديمة

شكرا جزيلا لردك و اهتمامك

كلام حضرتك مضبوط بس احيانا بتكون مضطر تعمل كده لما بتكون بتركن و طبعا حضرتك عارف ان الركن فى مصر محتاج مهارات عاليه لانك فى معظم الوقت بتركن فى حته يدوب قد العربيه - ضيقه جدا

بس انا كان معايه عربيات تانيه وكنت بمر بنفس الموقف ده بس الحقيقه مكنش فيه الزعقه دي او الزنه دي
هل كده فيه حاجه باظت فى العربيه اومثلا فيه حاجه غلط فى العربيه دي مكنتش موجوده فى العربيات التانيه
واسف للاطاله و شكرا لحضرتك مره تانيه

[shoshasam]

الشكر لله وحده أخي الفاضل واحنا تحت امرك في اي وقت
حاول تكشف علي سير طلمبة الباور وزيت القربة بتاع الطلمبة
انت بتقول انك عامل بيها 48000 كم , ولو مكنتش غيرت السير لسه يبقي جه وقته

وانت ممكن تكشف عليه بنفسك ببساطه افتح الكبوت والعربية مبطلة وحاول تثني السير لفوق او تحت بايديك
لو لقيته مشقق أو اطرافه متاكلة او مشرره يبقي فعلا جه وقته ولازم يتيغير في التوكيل عشان تجيبه اصلي
وكذلك الزيت شوف مستواه في القربة لازم لايقل عن الحد الادني ولا يزيد عن الاقصي Min and Max
بس لو سألت أي حد سواء في التوكيل او ميكانيكي أو زميل ليك معاه النترا هايقولك برضه لازم ماتجيبشي السير الدركسيون علي أخره

أخويا معاه ألنترا 2005 وكان عنده صرخة عاليه لما يجيب الدركسيون علي اخره
راح غير مجموعة السير كلها كنوع من الصيانة العامة مش اكتر لان كل السيور كانت شققت وباظت
وفعلا الصوت راح بنسبة كبيره لكن الميكانيكي زعقله جامد علي حكاية الدركسيون دي

وبخصوص حكاية ان احنا في بلد المطبات والكسور والاماكن الضيقه للركن
دكتوري في الكلية حل الموضوع ده ببساطه (لاني كنت بشتكي زيك كده)
قالي هات الدركسيون علي اخره الا حاجه بسيطه جدا عشان ماتخونقشي طلمبة الباور وتكتف الموتور

وربنا يكفيك شر الطريق

[mhkash]

الشكر لله وحده أخي الفاضل واحنا تحت امرك في اي وقت
حاول تكشف علي سير طلمبة الباور وزيت القربة بتاع الطلمبة
انت بتقول انك عامل بيها 48000 كم , ولو مكنتش غيرت السير لسه يبقي جه وقته

وانت ممكن تكشف عليه بنفسك ببساطه افتح الكبوت والعربية مبطلة وحاول تثني السير لفوق او تحت بايديك
لو لقيته مشقق أو اطرافه متاكلة او مشرره يبقي فعلا جه وقته ولازم يتيغير في التوكيل عشان تجيبه اصلي
وكذلك الزيت شوف مستواه في القربة لازم لايقل عن الحد الادني ولا يزيد عن الاقصي min and max
بس لو سألت أي حد سواء في التوكيل او ميكانيكي أو زميل ليك معاه النترا هايقولك برضه لازم ماتجيبشي السير الدركسيون علي أخره

أخويا معاه ألنترا 2005 وكان عنده صرخة عاليه لما يجيب الدركسيون علي اخره
راح غير مجموعة السير كلها كنوع من الصيانة العامة مش اكتر لان كل السيور كانت شققت وباظت
وفعلا الصوت راح بنسبة كبيره لكن الميكانيكي زعقله جامد علي حكاية الدركسيون دي

وبخصوص حكاية ان احنا في بلد المطبات والكسور والاماكن الضيقه للركن
دكتوري في الكلية حل الموضوع ده ببساطه (لاني كنت بشتكي زيك كده)
قالي هات الدركسيون علي اخره الا حاجه بسيطه جدا عشان ماتخونقشي طلمبة الباور وتكتف الموتور

وربنا يكفيك شر الطريق

الف شكر - الله يحفظك ويبارك فيك

[Mecha]

steering belt

[crazy car]

طلمبة باور ايه ؟؟
البور كهربا موش النترا md
افحص علبة الدريكسيون ومعتقدتش كمان
الوضع طبيعى

[mhkash]

طلمبة باور ايه ؟؟
البور كهربا موش النترا md
افحص علبة الدريكسيون ومعتقدتش كمان
الوضع طبيعى

يعني حضرتك شاكك انها مشكله فى علبة الدركسيون وبالتالي لازم تتغير ؟

[mhkash]

steering belt

معلش ممكن شرح اكتر شويه
يعني ده سير الباور ولا ايه ؟
انا مش خبير ميكانيكا بصراحه

[crazy car]

يعني حضرتك شاكك انها مشكله فى علبة الدركسيون وبالتالي لازم تتغير ؟

حضرتك مفيش عندك طلمبة باور وبالتالى سير الباور
وبالفعل لان من المشاكل الشائعة جدا فى الالنترا md وانتقلت العدوى للاكسنت rb فى علبة الدريكسيون
بس معتقدش لان حضرتك قولت سواقتك متزنة وكويسة
يبقى متشغلش دماغك واعتقد الوضع طبيعى

ونشوف برده راى باقي الاعضاء ممكن اكون غلط

[mhkash]

حضرتك مفيش عندك طلمبة باور وبالتالى سير الباور
وبالفعل لان من المشاكل الشائعة جدا فى الالنترا md وانتقلت العدوى للاكسنت rb فى علبة الدريكسيون
بس معتقدش لان حضرتك قولت سواقتك متزنة وكويسة
يبقى متشغلش دماغك واعتقد الوضع طبيعى

ونشوف برده راى باقي الاعضاء ممكن اكون غلط

جزاك الله خير وياريت باقي الاعضاء يفيدونا يعني لو حد تعرض لنفس الموقف ياريت يقول مشكورا

الف شكر يا حضرات

[محمد فوزى]

لو السيارة النترا md 2012 فا الباور كهربا مش هيدرولك يعنى مفيش طلمبة ولا زيت ولا سير... فى الغالب دى مشكلة فعلا فى الباور واعتقد ممكن يتغير فى الضمان او ممكن تكون ورد الكوبلن فى كل الاحوال انصحك تروح التوكيل وان شاء الله خير

[mhkash]

لو السيارة النترا md 2012 فا الباور كهربا مش هيدرولك يعنى مفيش طلمبة ولا زيت ولا سير... فى الغالب دى مشكلة فعلا فى الباور واعتقد ممكن يتغير فى الضمان او ممكن تكون ورد الكوبلن فى كل الاحوال انصحك تروح التوكيل وان شاء الله خير

ربنا يستر - جزاك الله خير

[Mecha]

mkhash
ايوه سير الباور ستيرنج عوز شد او تغيير و شد
العربيه جديده علي اي حال
لما تكسر دركسيون هات اخر ورد سنه غيره عكس
يهبط الزنه ويخف ع الطرمبه.
انزل شوفو

[toty_305]

عامة هوه ماينفعشي تجيب الدريكسيون علي أخره
لانك كده بتجيب أقصي عزم لطلمبة الباور وبتحط عزم كبير جدا علي الموتور
بالعامية كده انت بتخنق الموتور قوي ومع الاستمرار علي كده ممكن تبوظ طلمبة الباور
يفضل انك تاخد الملف علي واسع حاجه بسيطه وبكده مش هاتلاقي نفسك عايز تجيب الدركسيون علي اخره

والمبدأ ده بيسري علي العربيات الجديده أو القديمة

-الباور الكهرباء مفيش طلمبة أساسا.