بفكر اشتري ix35 وخايف

[echo7]

العربيه دي عجباني جدا وبصراحه معيش تمنها كله اخري 180 الف وكلمت غبور قالولي ممكن تقسط الباقي ومش مطلوب منك غير صوره البطاقه بس.المهم كلمت كذا واحد من صحابي قالولي حرام تدفع المبلغ ده كله في عربيه كوري غير ان تمنها بينزل جامد.احسنلك تشتري سكودا كسر زيرو اهو عربيه سوقها ماشي و مش حتخسر فيها كتير. بصراحه انا محتار و مش عارف اخد قرار.مع العلم اني مش حفكر في البيع قبل 5 او 6 سنين علي الاقل.

[max13]

فكر فى الكورولا

[echo7]

فكر فى الكورولا

معجبتنيش من الداخل.غير موضوع انها تركي وفيه صفحه علي الفيس بوك لملاك الكورولا فيه واحد عمل حادثه و الايرباج مفتحتش. انا عاوز اكون في المضمون

[mostafa3000]

فكر في ال a7 اول فئة
او فانتازيا كم قليل

[echo7]

فكر في ال a7 اول فئة
او فانتازيا كم قليل

انا فعلا بفكر في فانتازيا كسر زيرو .بالنسبهa7 الفئه الاولي فاضيه خالص.انا فكرت في الهيونداي لانها فاخمه وعاليه بس مش عارف هل اعاده البيع بتعاها ذي الاسكودا ولا لا

[zangry]

فانتازيا مستعملة اختيار رائع بس يارب تلاقي حالة نضيفة بسعر معقول عشان ناس كتير بتستهبل وفاكرة نفسها بتبيع مرسيدس

[moh'd soliman]

توكل على الله وخليك فى الجديد
انا كنت زى حالاتك كدة محتار وخايف اشترى ال ix35 2015
لكن بعد ما اشترتها اقدر اققولك انها اختيار موفق
العربية ممتازة وسحبها رائع وعاليه على الطريق يعنى تنسى معاها اعلى مطب
بس لازم تتعود عليها فى الاول شويه عشان ابعادها مختلفه كتير عن العربيات ال سيدان

[ashouhdy]

هات العربية اللى انت بتحبها وسيبك من كلام الناس ! انت اللى حتركب مش هما

[echo7]

الفكره كلها في اعاده البيع. احنا بتكلم في عربيات تمنها داخل و معدي علي 200 الف يعتي الواحد عاوز يقلل من الخساير علي قد ما يقدر. لو الواحد فكر في العربيه الي بيحبها من غير حساب الانتشار و اعاده البيع ده انا كنت اشتريت من زمان.

[ashouhdy]

يبقي عمرك ما حتنبسط ووكل ماتشوف اللي كان نفسك فية حتتحسر

كدة او كدة اعادة البيع بعد 3 سنين كلها متساوية

Sent from my SM-C115 using Forum Runner

[ashouhdy]

يعني فرق السعر بعد 5 سنين مش حيزيد عن 5 الاف جنية

وفي المقابل ركبت اللي نفسك فية 5 سنين !!

Sent from my SM-C115 using Forum Runner

[eng wael]

انا بصراحه مش فاهم موضوع اعاده البيع ده يعنى الواحد عايز يشترى عربيه ويستهلكها والمفروض ان قينتها بتقل لان فيه موديلات جديده بتنزل وفى الاخر عايز يبيعها ويكسب فيها رغم انها بتحصل عندنا فى مصر لان مفيش حاجه بترخص بس مش سبب يخليك ماتجبش عربيه انت عايزها
اتكل على الله وماتحطش فى دماغك كلام الناس لان كل شئ نصيب وفى الاول والاخر كلها ارزاق اللى بيتكلم عن عربيه اعاده بيعها كويسه ممكن لا قدر الله يعمل بيها حادثه ويخسر نفسه والعربيه يبقى فين اعاده البيع
ربنا يحفظنا واياكم من كل سوء

[john55]

خلاص اتحلت حضرتك تشوف عربيه ix 35 كسر زيرو وغبور عامل موقع لبيع العربيات المستعمله وضامن العربيه علي اساس انه بيكشف 127 منطقه من العربيه في الداخل والخارج دا مجرد راي لياhttp://www.fabrikaegypt.com/ودا اسم الموقع ممكن تشوف مواصفات اي عربيه انت عايزها وشكرا

[Hamada hozein]

يعني انت خايف من التويوتا وبتقول عايز تبقي في المضمون
هو فيه ايه مضمون اكتر من التويوتا يا عمنا

[echo7]

يعني انت خايف من التويوتا وبتقول عايز تبقي في المضمون
هو فيه ايه مضمون اكتر من التويوتا يا عمنا

التويوتا لو ياباني تبقي في المضمون غير كده لا"وجه نظر"