اشتريت فيرنا اوتوماتيك تعمل بالغاز

[د.محمود صلاح]

الحمد لله بعد طول بحث وتردد . كنت محتاج سيارة تصلح للمنيا وشوارعها ويفهم في صيانتها الميكانيكية اللي هنا .. ويكون مكيفها قوي وقطع غياره متوفرة في المنيا .. وكنت هركبلها غاز عشان البنزين عندنا شحيح وفي ازمة بعكس الغاز المتوفر ومافيش اي تكدس عليه


والحمد لله لقيت في النت طلبي واشتريت فيرنا اوتوماتيك مستعملة موديل 2008 تعمل بالغاز فابريقة برة وجوة ماشية 90 الف كم

اجمل ما في السيارة هو الغاز .. راكب من سنة 2008 بتكلفة 6 الاف جنيه .. ومعمول له صيانة دورية من وصلات وخراطيم . وله زرار التحويل مخفي في درج العملات ..

التفويلة تكلف 16 جنيه ووصلتني من القاهرة للمنيا مسافة 300 كم تقريبا .. نفس المسافة دي كانت تكلفني حوالي 75 جنيه بنزين .. ولكن وزن الاسطوانة وهي مليانة يتعدى ال 50 كيلو بالراحة وكان مأثر على سرعة العربية وقوة السحب .

الغاز يعمل بنظام الحقن التزامني .. ضخ الغاز لا يتم الا بعد تسخين المحرك بالبنزين اوتوماتيكيا ويبدأ الضخ عند وصول عداد لفات المحرك الى 2000 .. ثم يستمر الضخ حتى ولو نزل عداد لفات المحرك تحت ال 2000


المكيف قوي جدا .. الفرامل ممتازة وليس كما هو مشهور عن الفيرنا ..صوت الموتور عالي .. عزل جيد ..





انبوب الغاز مخفي بطريقة ممتازة وواكل ثلث الشنطة تقريبا



مكان مفتاح التحويل



جهاز الغاز

[د.محمود صلاح]

اجراءات نقل الملكية هي اللي قرف في قرف :-

الشهر العقاري رسوم العقد المسجل هي 1120 جنيه

توجهت لمرور مديرنة نصر لعمل شهادة بيانات اخذت ساعتين فيها

ثم توجهت ثاني يوم للمنيا وبدات معاناة الترخيص ولابد من الاستعلام الامني عن السيارة بواسطة جهاز في المرور يكشف عن رقم السيارة ورقم الموتور والشاسيه مع ان جايب لهم شهادة البيانات معتمدة ومختومة فيها الكلام ده ..

مطابقة البصمة انتهت والحمد لله بعد اقرار هذا الاجراء ( الاستعلام الامني من الادارة العامة للموور بواسطة الجهاز )

[maged]

الف مبروك وربنا يباركلك فيها انا بفكر بطريقة حضرتك تماما لان الغازهوالامل الوحيد بعد ارتفاع اسعار البنزين
لكن انا عارف ان الفيرنا واطية ومع وزن الانبوبة هتبقى واطية قوى تخيل لو حبيت تحمل ٤ افراد بالخلف هيحصل ايه عشان كده صرفت نظر عن الفيرنا الاتوماتيك وبفكر فى البى واى دى الاتوماتيك وهعملها غاز لانها علية عن الارض وشنطتها واسعة ومحدش اشتكى منها

[د.محمود صلاح]

موتور الفيرنا لو تآكل بسبب الغاز كما يدعون ثمنه استيراد في حدود 5 الاف جنيه ومتوفر .

مشكلة الوطيان عند تحميل العربية هو مشكلة كل العربييات .. ركب علايات بلاستيك في الاربع عجلات اللي ارتفاعها 3 سم وتركب تحت الياياات

[drcobra]

مبروك
ناقصك علايات علشان تعادل وزن الاسطوانة

[DEVIL333]

الف مبرووك

[د.محمود صلاح]

الله يبارك فيكم .. شكرا جزيلا

هشوف هل فعلا راكب علايات ولا لا

[د.محمود صلاح]

مثلث وشنطة وطفاية ومحفظة جلد ب 220 جنيه

بوليصة سنتين شركة مصر للتأمين 220 جنيه

ضريبة سنتين ب 480

لايوجد لوحات مرور ويتم دق لوحات يدوية على صفيحة بارقام بدون حروف

[pioneerahmed]

الف مبروك بس قلنا خلصت فيها بكام

[د.محمود صلاح]

سعر المانيوال نفس الحالة والموديل حوالي 55 الف

وبما ان سعر الاوتوماتيك الزيرو يزيد عن المانيوال حوالي 12 الف جنيه فبالتالي رينج سعر سيارتي حوالي 65 تقريبا بالاضافة للغاز

فانا اشتريتها ب 68 وفي النهاية موضوع البيع والشراء ده بالتراضي بين الطرفين مهماك ان السعر

[د.محمود صلاح]

مبروك
ناقصك علايات علشان تعادل وزن الاسطوانة

لقيت فيها كاوتش علاية اسفل السوست الخلفي يبلغ علوه 3 سم تقريبا

[S O P H O S]

الف مبروك يا فندم
ربنا يملهالك بركة وتاخد خيرها

[د.محمود صلاح]

الله يبارك فيك جزاكم الله خيرا ..

ركبت فيها شاشة وكاميرا رجوع خلفي مثبتة اعلى لوحة الارقام الخلفية



الكاميرا ثمنها 160 جنيه والشاشة تركب فوق مراية الصالون ثمنها 550 جنيه

--------------------

واشتريت كاسيت بايونير بلوتوث بينقل الاغاني مباشرة من الموبايل وبالطبع استقبال وارسال التليفون وعرض الاسماء ع الشاشة بتاعته ويقوم بعمل الامبليفاير ايضا ثمنه 1050 جنيه

DEH-X4650BT Car stereo with MIXTRAX™, Bluetooth®, USB Control for iPod®/iPhone®, Android™ Media Access and Pandora® - Pioneer Car Stereo, Radio

وركبت 4 سماعات بيونير مكان السماعات القديمة .. كل زوج ب 220 جنيه

وناقص اركب بازوكا بس مش لاقيها حاليا .

[د.محمود صلاح]

تحديث .. الفرامل ضايعة خالص .. مسافة التوقف طويلة جدا وفين وفين لما تقف --

نقلت عقد الغاز باسمي بتكلفة 25 جنيه
وعملت صيانة لجهاز الغاز ومراجعة على البوجيهات والاسلاك

[Delta Force]

مش كانت من شوية ممتازة مش زى ما هو مشهور عن الفيرنا
شكلك أتحسدت يا أبو صلاح