إعـــــــلان

Collapse

.

,
See more
See less

ابسط الحلول للحفاظ علي ارتفاع اكسنت اربي اثناء الحموله

Collapse
X
 
  • Filter
  • الوقت
  • Show
Clear All
new posts

  • ابسط الحلول للحفاظ علي ارتفاع اكسنت اربي اثناء الحموله

    الموضوع ده يخص أي عربيه تعليقها بالشكل ده وبتوطي مع الحموله


    تعبت قوي ودوخت ناس كتيير قوي في المنتدي بخصوص الاكسنت وخدت اراء كتيير لغايه ما ربنا وفق ووصلت لعفشجي جاب الحل من الأخر

    الموضوع ببساطة للي مش متابع ان العربيه لما بيركب فيها اثنين ورا او واحد مليان ..العربيه بتوطي فما بالك بقي ب3 افراد وشنط كمان

    المهم رحت للعفشجي وتم عمل الاتي:-0
    اولا دي العربيه من تحت

    1:الاكس 2المساعد 3:السوست وراكب ليها جلب من فوق ومن تحت



    وده المساعد

    وطبعا زي ما انتوا شايفين ان مينفعش يتحط له صدادة لانه لازم يتقطع ويتلحم تاني
    وللي مش عارف الصدادة دي عبارة عن حاجه عمله زي الدبله بس كاوتش بتخش في عمود المساعد عشان ميضغطش للأخر فتخلي العربيه عليه في الحمولة

    اما دي فهي السوسته

    زي ماانتو شايفين 1:جلبه عليا ومعاها صدادة كاوتش
    2 الياي 3 جلبه سفليه

    طب ماهو في صدادة اهي ايه المشكلة بقي؟؟؟

    المشكلة ان الصدادة دي قصيرة

    طب نعمل ايه؟؟ نطولها شويه وكل لم تطول الانخفاض هيقل لكن علي حساب نشوفيه العربيه

    وده اللي اتعمل

    راح العفشجي مركب صدادة سفليه قصدها في المكان اللي في النص ده من تحت وبكده العربيه معدتش بتوطي في الحمولة

    طب الفتحه دي معملوه عشان صداده سفليه تركب فيها ولا ليه؟؟؟

    معموله عشان تصافي المياة لو دخلت هنا ومع ذلك هو طمني وقال لي ان في فتحات كتيير غير دي عشان المياة تتصفي برده

    شكرا ليكم جميعا

    وجاري التجربه ومتابعه هذا التغيير
    الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

  • #2
    متابع باهتمام

    Comment


    • #3
      العربيه عليت يا ساده والحمد لله
      طبعا مقدرش اعدي مطب عادي كده لازم اهدي جدا زي ما كنت متعود لكن مفيش خبط والحمد لله
      التكلفة بسيطة جدا

      العيوب
      كان نفسي لو فرملت في المعقول وكان معايا حموله وكلت مطب الناعم كده يعني ميخبطش

      اللي ورا في أي مطب هوائي(جزء منخفض في الطريق يخلي العربيه تنط من مكانها) بيتشال وينزل
      كأني نشفت العفشه شويه بس ارحم بكتير من الاول

      التقييم النهائي :
      نسبه التحسن 55 % عن الاول
      الثقه في العربيه اثناء الحموله 70 % بدلا من 25%
      الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

      Comment


      • #4
        هل الموضوع ده ينفع للألنترا md برضه ولا لأ ؟

        Comment


        • #5
          المشاركة الأصلية كتبت بواسطة mr a7med مشاهدة المشاركة
          هل الموضوع ده ينفع للألنترا md برضه ولا لأ ؟
          العفشجي قال لي انا زي عربيتك بالظبط

          قولت له اكنست ولا النترا

          فكر شويه وقال لي النترا

          معني كده انها تنفع:018a1d~146:
          الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

          Comment


          • #6
            أنا عاملها في الانترا 2009 نسبة الأحتكاك في المطبات وأنا معايا حمولة قلت بنسبة 80% عن الأول بس علي حساب نشوفية العربية حاجة بسيطة بس أرحم من الاول بكتير والعلاية اللي ركبتها بتاعة سوزوكي حديد لكن ممكن نجيب العلاية الكاوتش بدلا من الحديد عشان النشوفية تقل

            Comment


            • #7
              المشاركة الأصلية كتبت بواسطة roland_yamaha مشاهدة المشاركة
              أنا عاملها في الانترا 2009 نسبة الأحتكاك في المطبات وأنا معايا حمولة قلت بنسبة 80% عن الأول بس علي حساب نشوفية العربية حاجة بسيطة بس أرحم من الاول بكتير والعلاية اللي ركبتها بتاعة سوزوكي حديد لكن ممكن نجيب العلاية الكاوتش بدلا من الحديد عشان النشوفية تقل
              حضرتك عملت علايات ...ودي مش اللي معمول في الموضوع هنا اللي راكب صداده مش علايه

              يعني العربيه متعلاش ....ولا توطي
              الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

              Comment


              • #8
                الفرق بيني وبينك إن عندي في الالنترا ركبت علاية علي الجلبة الكاوتش في أعلي السوست لكن انت من اللي فهمته انك مركب جلبة كاوتش من أسفل السوست بس أتخن من الأستوك صح كده؟

                Comment


                • #9
                  معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)

                  Comment


                  • #10
                    المشاركة الأصلية كتبت بواسطة michohat مشاهدة المشاركة
                    معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)
                    مطبات الهوا مرتبطة بنفس مشكلة الحكة فى المطبات
                    الفكرة كلها فى سوست ومساعدين ضعاف على وزن العربية
                    بمجرد ما تحمل على الكنبة بتحك ومع السرعات العالية ومطبات الهوا العربية بتطلع وتنزل على مساعد وسوست ضعيفة فتظهر المشكلة
                    وبالخص السوست
                    ارخص حل هو العلايات بتصغر مدى السوست
                    افضل حل تغير السوست بواحدة اقوى زى السيراتو الشكل القديم او اى سوست اقوى وتظبطها على نفس المقاس

                    Comment


                    • #11
                      [QUOTE=michohat;3875751690]معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)[


                      انا عارف كويس انت بتتكلم عن ايه لان الموضوع ده كان عندي واختفي بمجرد ما غيرت االمساعدين تبع الضمان لان قالوا لي ان ده عيب العربيه نزله بيه وعشان ككده غيروا المساعدين لزيت بدل من غاز والغاز هو اللي كان عامل المشكلة دي مع السوست الضعيفه

                      انت محتاجد تروح لعفشجي كويس عشان متتفعش فلوس علي الفاضي او تكلف نفسك اكثر بدون داعي لان المشكلة اللي عندك ممكن يكون خح حلها في السوست انها تتغير افضل من المساعد عشان لو السوست ضعيفه بتخلي المساعد يستجيب اكتر ويعمل الحركه دي اما لو غيرت المساعد زي ما انا عملت فممكن تلاقي مشكلة انخفاض العربيه

                      ولو ان من كلامك بتقول ان العربيه مبتوطاش في الحموله يعني معني كده ان المساعد بتهيألي تمام وسلم
                      الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

                      Comment


                      • #12
                        المشاركة الأصلية كتبت بواسطة roland_yamaha مشاهدة المشاركة
                        الفرق بيني وبينك إن عندي في الالنترا ركبت علاية علي الجلبة الكاوتش في أعلي السوست لكن انت من اللي فهمته انك مركب جلبة كاوتش من أسفل السوست بس أتخن من الأستوك صح كده؟



                        بص علي رابع صورة كده هتلاقي عفشه الاكسنت فيها ان السوسته فاضيه من جوه مش جواه المساعد لكن جواها كاوتشه بيسموها صداداة سوست
                        في بقي طبق تحت بيقابل الصداده دي
                        انا بقي ركبت واحده زيها تقريبا في الطبق ده عشان الصدادتين يقبلوا بعض

                        اظن كده وضحت اكتر
                        الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

                        Comment


                        • #13
                          المشاركة الأصلية كتبت بواسطة amagroup مشاهدة المشاركة
                          العفشجي قال لي انا زي عربيتك بالظبط

                          قولت له اكنست ولا النترا

                          فكر شويه وقال لي النترا

                          معني كده انها تنفع:018a1d~146:
                          تمت التجربه وعملتها عندى فعلا
                          رحت امبارح لعفشجى معرفه وعرفته اللى هيتم وجبت 2 صداده كاوتش ودى اتركبت جوه السوسته من تحت بحيث تقلل مشوار السوسته من الأنضغاط لاخر يعنى العربيه ارتفاعها زى ما هو بدون اى تغيير فيه كل الحكايه انى خليت العربيه تبقى بنفس الأرتفاع مع التحميل
                          وتم التركيب بس قعدت فتره لغاية اما اتظبطت لأن كان فى صوت رزع جامد اوى مع اى حفره او مطب وانت نازل منه
                          كذا مره اطلع اجرب العربيه انا وهو لغاية اما ظبطها خالص والرزع اختفى بشكل شبه كامل
                          احيانا بسمع تزييقه خفيفه اوى دلوقتى
                          وتمت التجربه النهارده من السفر من الأسماعيليه الى القاهره ولسه واصل من شويه والعربيه فيها 5 اشخاص بالغين وطفل صغير والشنطه كمان محمله والصراحه كنت مقلق جامد وخايف يحصل حاجه والحمدلله العربيه تمام والحك اختفى تمااااماااااا مع التحميل الجامد ده مع مطبات كنت متعود منها دايما تحك مع التحميل فردين بس كمان
                          وكنت طول الطريق ماشى على سرعه 120 تقريبا وعملتلى بتاع 6 غرز كده اجرب العربيه وزى الفل ولا تعويم او اى حاجه مختلفه عن العادى قبل ما اركب الصدادات

                          العربيه على فكره النعومه بتاعتها زى ما هى مش حاسس بأختلاف كبير اوى يعنى

                          التكلفه دخلت معايا فى 120 جنيه شامله المصنعيه وتمن الصددات

                          تحياتى ليك

                          Comment


                          • #14
                            طب يا جماعه الصدادات دي ايه عيوبها وعادي اركبها في الالنترا hd ؟ لان الالنترا hd برضو مع التحميل برضو بتوطي جدا وبتحك
                            Jetta :D

                            Comment


                            • #15
                              من غير زعل انا شايف تغيير السوست هو الحل

                              Comment

                              Working...
                              X