استفسار بخصوص النترا 2010 خليجي

[Maghany]

الحمد لله لسه شاري النترا 2010 اتوماتيك خليجي من يومين و كنت عايز كام حاجه كده و هي العربيه ماشيه 48 الف كيلو


1- عايز اعرف مركز محترم اروح اعمل صيانه فيه و لا اروح توكيل ابو رواش احسن ؟؟
2- عايز اركب حهاز الانذار و فصل المارش .. الجهاز ده بكام ؟ و ايه احسن وسيله امان للعربيه ؟
3- ال دي في دي الاصلي بتعها بكام ؟ ... عشان الكاسيت العادي اللي فيها بايظ.

[shiko85]

الحمد لله لسه شاري النترا 2010 اتوماتيك خليجي من يومين
الف مبروك و ربنا يديلك خيرها و يكفيك شرها و يحفظهالك من كل سوء
و كنت عايز كام حاجه كده و هي العربيه ماشيه 48 الف كيلو

1- عايز اعرف مركز محترم اروح اعمل صيانه فيه و لا اروح توكيل ابو رواش احسن ؟؟
العربيه طلعت من الضمان فا مش لازم تروح التوكيل (هو اصلا اى كلام)
لو تحدد حضرتك ساكن فين او اقرب مكان لك ايه ممكن الأعضاء تفيديك اكتر
عموما فيه مركز بتاع م/هانى معانا هنا فالمنتدى اعتقد اسمه speed service الأعضاء بتشكر فيه جدا او لو عندك ميكانيكى كويس خليه يعملك الصيانه المطلوبه
2- عايز اركب جهاز الانذار و فصل المارش .. الجهاز ده بكام ؟ و ايه احسن وسيله امان للعربيه ؟
ممكن تركب انذار ولف بفصل أداره المحرك و فصل طلمبه البنزين التكلفه حوالى 300 جنيه
3- ال دي في دي الاصلي بتعها بكام ؟ ... عشان الكاسيت العادي اللي فيها بايظ.
الـdvd من 2500 لــ 3200

[Maghany]

شكرا علي الرد و الله يبارك فيك

انا من الهرم .. بس مش هيفرق المركز بعيد او قريب المهم يكون كويس و اللي فيه ميفتيش "لاني مش بفهم في العربيات اصلا " :d

[shiko85]

شكرا علي الرد و الله يبارك فيك
الشكر لله - جزاك الله خير
انا من الهرم .. بس مش هيفرق المركز بعيد او قريب المهم يكون كويس و اللي فيه ميفتيش "لاني مش بفهم في العربيات اصلا " :d
اللى اعرفه فالهرم - فشارع العريش كان البرقان بس المركز اتنقل لـ ابو رواش بعد غبور بشويه و فيه الكويت و البلاد العربيه (اعتقد الأسم كده صح) فمقار اخويا كان عمل صيانه للعربيه عندهم مره او 2 او تروح عند م/هانى
ده اللى اعرفه و ان شاء الله الأعضاء اللى ساكنين فالهرم او فيصل او الجيزه عموما يفيدوك اكتر
لكن لو مش مهم مركز خدمه انا اعرف ميكانيكى امين و ممتاز بتعامل معاه من سنين و كان شغال فمركز خدمه معتمد هيونداى و نفس الكلام الكهربائى علشان الأنذار و وحده الفصل و الـ 2 فشارع فيصل قريب من العشرين

[waello9]

الف مبروك يا باشا وربنا يبارك يا رب اتعامل مع ميكانيكى نظيف افضل من مركز خدمة علشان هيعمل شغل عليك المهم انك انت تشترى قطع غيار اصلية وبالتوفيق ان شاء الله

[roland_yamaha]

جهاز انذار متجبش غير سباي 2 واي معاه ريموت بشاشة وفصل ماتور متجرب كتير وامان

[Maghany]

شكرا علي المساعده يا رجاله .

بس اجيب منين سباي 2 واي و اتاكد انه اصلي...

و ممكن يا shiko85 اسم الميكانيكي و الكهربائي اللي في فيصل

[shiko85]

ممكن يا shiko85 اسم الميكانيكي و الكهربائي اللي في فيصل

بعتلك رساله على الخاص

[roland_yamaha]

سباي 2واي هتلاقيه في التوفيقية في أوله ع اليمين شركة تبارك لو ملفتش عنده إطلع المول وشوف عند السجان