تقرير بالصور تغيير كاوتش Accent RB لـ Bridgestone Turanza

[Hacker5]

السلام عليكم ورحمة الله وبركاته
النهاردة كنت ماشى فى شارع صلاح سالم و باخد يو تيرن لقيت العربية فيها هزة يمين و شمال
ملحوظة جدا و الدركسيون فيه عضة يمين
و العربية ماشية ترقص زى مايكون العجل مفكوك
وقفت على جمب انزل اشوف فى ايه
و اهز فى كل عجلة يمكن تكون مفكوكة او مهوية
كله تمام مافيش مشكلة
روحت مكلم الميكانيكى بتاعى قالى تعالى نشوف
روحتله و قالى اكسر العجل يمين
كسرته و حد ايده على الكاوتش قالى الكاوتش فيه عالى و واطى و لازم يتغير
قولتله انا كنت شاكك فى الكاوتش برضو
مع العلم ان العربية نازلة بكاوتش هانكوك اوبتيمو
مقاس 14\70\175

المهم قولت اطلع على سمير بيومى بما انه الاقرب و الارخص
روحتله على اساس انى اركب الكومهو اكستا لانى كنت سأل عنده من حوالى اسبوعين و كانت موجودة و كان سعرها 400 جنيه
روحت و للاسف كانت خلصت
و قالى على اسعار فرد كتير
من 350 لـ 590 بس مقاس 14\65\185
من كومهو و هانوكوك و جى تى و ماكسس و نكسن و بردجستون
كان افضلهم طبعا البردجستون تورانزا gr 90 سوبر سايلنت
و سعرها 590 جنيه شامل التركيب و الترصيص و النايتروجين
قولت توكل على الله و ركب اهى احسن من الاكستا بس غالية حبتين
الكاوتش عندى كان رايح فى داهية و فيه فردتين فيهم عالى و واطى
بس كتر خيره مشيت عليه 51000 كيلو

اسيبكم مع الصور
ـــــــــــــــــــــــــــــــــــــــــــــــ


















طبعا فرق السما و الارض بين التورانزا و الهانكوك
صوت الهانكوك كان عالى خصوصا لو على اسفلت خشن و دة اللى ضايقنى منها
و كانت ناشفة بس كويسة فى الفرامل
نيجى بقى للتورانزا انا مش اول مرة اجربها لانى ركبتها قبل كدة فى الالنترا
الاتزان بقى احسن
الفردة صوتها واطى جدا حتى على الاسفلت الخشن و النقر و المطبات
الفرامل بقت تكلبش اقوى
لانى كنت بجرى على كورنيش العجوزة عشان اجرب الفرامل و حظى كان الكورنيش فاضى
فعلا التورانزا تستاهل كل قرش اتدفع فيها و مش غالية من فراغ
و ربنا يستر طريقنا جميعا

[atyam]

مبروك يا باشا

ممكن تنقلنا تجربتك مع المقاس ده فى الكاوتش

مثلا فى السحب والمطبات والفرامل

[S O P H O S]

مبروك يا باشا
هل فيه عنده نفس المقاس بس 70 مش 65
والصناعة ياباني مكتوب عالكاوتش نفسه زي الورقة
حضرتك اتأكدت من كده ؟

[kar!m]

الف مبروك .. كاوتش محترم جداااا

[Ayman-Ahmed]

الف مبروك وربنا يسترها على الجميع بامره.ولاننى من مستخدمى التورانزا وقعدت معايا لحد ال 50 الف.انصحك :

-كل 8000-10000كم تروح تعمل روتيشن وترصص الاربع فرد.

-الكاوتش ده طرى ولكن تماسكه عالى ومنصحكش تمشى بيه كتير فى طريق فيه حصى او زلط.

-تماسكه ممتاز لحد ال 40 الف وبعدين بدأ يتزحلق معايا ومش عارف من ايه ولكننى كنت بمشى بيه كتير فى طرق غير ممهدة.

-لو تقدر كل اسبوع تشيك على ضغط النيتروجين يبقى افضل عشان تاخد منه احسن انتاج.

سوالين ليك لو تسمح :


تاريخ الانتاج كام.؟

مستغرب من السعر شوية لانه من سنة كان بحوالى 680.

مشكور وربنا يوفقك ويوفقنا.

[Hacker5]

مبروك يا باشا

ممكن تنقلنا تجربتك مع المقاس ده فى الكاوتش

مثلا فى السحب والمطبات والفرامل

الله يبارك فى حضرتك
السحب تقريبا هو هو و الفرامل بقت احسن كتير و العربية نعمت اكتر فى النقر و المطبات

مبروك يا باشا
هل فيه عنده نفس المقاس بس 70 مش 65
والصناعة ياباني مكتوب عالكاوتش نفسه زي الورقة
حضرتك اتأكدت من كده ؟

الله يبارك فى حضرتك
مش عارف والله عنده المقاس دة والله لانى كنت رايح لمقاس معين و هو احسن من المقاس التانى
و طبعا اتاكد الصناعة و التاريخ على الكاوتش قبل مايركب
ميزة سمير بيومى انه متلاقيش عنده كاوتش قديم
كله بيكون صناعة السنة

الف مبروك .. كاوتش محترم جداااا

الله يبارك فى حضرتك
فعلا كاوتش محترم لكن سعره مش محترم

الف مبروك وربنا يسترها على الجميع بامره.ولاننى من مستخدمى التورانزا وقعدت معايا لحد ال 50 الف.انصحك :

-كل 8000-10000كم تروح تعمل روتيشن وترصص الاربع فرد.

-الكاوتش ده طرى ولكن تماسكه عالى ومنصحكش تمشى بيه كتير فى طريق فيه حصى او زلط.

-تماسكه ممتاز لحد ال 40 الف وبعدين بدأ يتزحلق معايا ومش عارف من ايه ولكننى كنت بمشى بيه كتير فى طرق غير ممهدة.

-لو تقدر كل اسبوع تشيك على ضغط النيتروجين يبقى افضل عشان تاخد منه احسن انتاج.

سوالين ليك لو تسمح :


تاريخ الانتاج كام.؟

مستغرب من السعر شوية لانه من سنة كان بحوالى 680.

مشكور وربنا يوفقك ويوفقنا.

الله يبارك فيك يا باشا
الكاوتش دة قعد معايا فى الالنترا اكتر من 70 الف كيلو و كان مستحمل الصراحة و غيرته قولت كفاية عليه كدة

تاريخ الانتاج على ما افتكر كان الاسبوع الـ 16 سنة 2014
و سعرها فى fit and fix بـ 660 جنيه تقريبا
دايما سمير بيومى هتلاقى عنده زحمة عشان اسعاره منافسة جدا

[Ayman-Ahmed]

مشكور للتوضيح وربنا يباركلك ويسترها على الجميع.

[S O P H O S]

تسلم يا باشا عالرد
طالما ياباني ممكن تقولي
عنوان الفرع ده فين

[semsem7222]

هو الفرع دة اللى فى شارع التحرير اللى فى الدقى جنب جاد

[Hacker5]

شركة الايمان سمير بيومى
شارع التحرير الدقى ناصية جاد

[S O P H O S]

روحت عديت عليه انهاردة ولسه فاكرك
وكلمته قالي نفس الموضوع من 350 الي 520
قالي مقاسك في ميشلان 520 انجليزي وتويو ياباني 500
والمقاس الي حضرتك اشترتيه هو 185 / 65 وانا مقاسي 185 / 70
وقولته قالي العربية هتوطي سنة بدون تأثير فحاجة

وقالي بردوا علي بيرد بس اندونيسي وتايلاندي بس انا عاوز الياباني فالبيرد
بس لسه بفكر فنفس مقاس حضرتك مش عارف ال 5 الفرق بين ال70 وال 65 ولا عادي
تخليني افكر ولا اشتري ومفيش مشاكل ,,
قولت اطمنك وصلت لايه

[aymanshebl]

مبروك

[drcobra]

مبروك الكاوتش
انا غيرت كاوتش الاستوك على 30000 كيلو كان طرى بس اتمسح
ركبت بعدة طقم ستار ماكس تركى قعد معايا 50000 وبعتة لسة فية
واخيرا غيرت جى تى من سمير بيومى فردة ناشفة

للعلم انا دلوقتى عامل 94000 كيلو

[BUNSH]

بسم الله ماشاء الله ولاحول ولاقوة الا بالله .. الف مبرووك وربنا يباركلك فيها .
أنتم اللاحقــــون :)
أنا لسة من اقل من شهر مغير الفرد اللى عندى بعد 58000 كم وكانوا جابوا جاز
بس الحمدلله غيرتهم وجبت كونتيننتال من * الغطاطى *

[haysam2000]

مبروك يا باشا , انا مركبهم و الحمد لله تمام جدا و بالذات فى الفرامل و ما ادراك الفيرنا والفرامل بس مع ده حسسنى انى غيرت الفرامل كلها