محتار اوى .. وعايز اشترى .. ساعدونى من فضلكم ؟؟!!!

[elfnanaiwa]

[overline]

السلام عليكم ورحمة الله وبركاتة


اولا انا عضو جديد هنا ..

ثانيا : انا مقبل على شراء سيارة .. وكان فى دماغى بيجو 301 ولكن لاقيت كتير بيتكولى منها وبيقولولى لا .. ده غير ناس اعرفها شغاله فى معارض قالولى الفئات اللى ناولة دلوقتى فئات فيها مشاكل فى فراملها ..

فبعد عنها .. وبدات اتجة للاكسنت rb .. سالت فى توكيل غبو قالولى متوفر الفئة اللى فيها abs و 1 ايرباج ..

وعند سمير ريان قالى متوفر الفئة اللى فيها فتحة سقف .. وقالى الفئة اللى فيها 2 ايرباج مفيهاش abs ..

انا تعبت من كتر ما سالت فى كل المعارض .. لحد ما شوفت ناس هنا فى المنتدى بداوا يخوفونى منها .. وهل المعرض ممكن يضحك عليا ويبعلى اصدار قديم .. ويفهمنى انه 2015

واعرف منين اذا كانت العربية دى فعلا اصدار 2015 مش اصدار قديم وراكنه عنده

وهل فعلا العربية فى مجملها .. كويسة ..
وايه اهم عيوبها .. وكمان هل فعلا مساعدينها اترفعت شوية .. يعنى العربية عليت شوية وايه حلها .. لو مش عالية

ورجاء من السادة الاعضاء اللى عندهم العربية دى يتواصلوا معايا على الخاص للاهمية ..

[/overline]

[ENG.MaRk]

الrb جميلة و كمالياتها ممتازة و لكن أنا لو مكانك هجيب ريو

[hesham fawzy h]

شوف ريو .. اتراج

[S O P H O S]

الار بي او الريو او اوبترا شكل القديم
الثلاثة كويسين كبديل للبيجو
بس الاهم متشتريش فئة بدون وسائل امان
والله اعلم

[raedegypt]

الهيونداى افضل عربيات كفايه انها بتشتغل على البنزين العادى .. البيجو والاليزيه والاروبى كله بنزين 95 وسعره مولع ..راجع نفسك

[J A G U A R]

فى فئه للريو فى حدود 140 الف فيها abs +ebd و 2 ايرباج