عملت صيانه 1000فيرنا 2015 اوتو

[Tamer Gamal]

الحمدالله عملت صيانه 1000 فيرنا 2015 اوتو يوم اﻻربعاء الفات فى مركز معتمد اسمه اﻻقصى فى المعادى زميلى فى الشغل رشحلى المركز ده وقالى ان كان عمل صيانه 1000 لفيرنا 2014 مانويل وراح للمركز ده وغيرولو مساعد اليمين الخلفى ﻻن اكتشفه انه بيجيب زيت مع ان هو مكنش حاسس بمشكلة فى المساعدين وصوره السماعد وغيرو مجانا ﻻنه فى اللضمان طبعا بعد 3 ايام وشكرلى فى التزامهم وحسن استقابلهم قولت اوكى اروح عربيتى كانت عامله 849 كيلو وكنت مسافر ففكرت ان اﻻضمن اعمل الصيانه دلوقتى وصلت للمركز اصبح الساعه 11 اﻻستقبال كان فى غاية اﻻحترام و موظف اﻻستقبال كان زوق جدا وقالى تغير الزيت والفلتر بالضريبه 363 جنيه قولتله يشيكلى على الفرامل ﻻنها كانت عاليه ودى كانت مﻻحظاتى فى العربية من اول ما استلمها قالى هنشيك على العربية كلها ولو لقدر الله فيها حاجة هنتصل بيك ولو العربية مغيهاش ان شاء الله اى حاجة تقدر تستلمه الساعة واحده اضهر وهنتصل بيك برضه نقولك اتفضل استلم لو مش حابب تنتظر لما تخلص قولتلة جميل انا هطلع على شغلى و انا مروح هستلمها ومشيت الساعة واحده ونص اتصل بيا وقالى تقدر تستلم العربية وهى مفيهاش حاجة وغيرنا الزيت والفلتر ورجلشنا الفامل قولتة شكرا هسلمها الساعة 6 لما اخلص شغلى ورحت الساعه 6 كانت العربيه فى اﻻنتظار وجربتها والفرامل افضل كتيررررر وفرامل اليد لما كنت بشدها كانت عاليه اوى شكلها مستفز وطوهالى وبقا شكلها مناسب دخلت الخزنة ودفعت لما خرجت فتحت شنطه العربيه حطين جركن الزيت بس فى الباقى حوالى اقل من ربع الجركن مش عارف فى صيانه 10000اقولهم عليه يكمله به وﻻ اعمل ايه . ولحد انهاردة العربية عامله 1200 كيلو والحمدالله اﻻمور مستقرة ومش مﻻحظ اى مشاكل

[MEMODINA1]

العربية حلوة معاك الاوتو .. انا معايا الفيرنا المانيوال من 2007 الى الان مانيوال ... هل لو غيرتها لاوتو هندم لان سعرها غالى شوية وسؤالى هل فى رعشة فى الدريكسون يعد 120 ولا مفيش اى حاجة او مشاكل فى الدريكسيون

[Tamer Gamal]

الحمدالله لحد دلوقتى مفيش اى مشكلة ظهرت معايا و كنت ماشى وانا مسافر 100 , 120 , 140 الحمدالله ثبات على الطريق مفيش اى اهتزازت فى الدركسيون او فى العربية مع العلم ان الاتوماتيك بتنزل بكاوتش 14 وده بيدى ثبات اكبر للعربية مش زى المانيول بتنزل بكاوتش 13

شكراً وتحت امرك

[mrghost]

يعنى ده مركز خدمه معتمد من غبور؟ ياريت عنوانه بالظبط لو سمحت

[Tamer Gamal]

ايوة يا استازى معتمد من هيونداى ومعتمد من سكودا وفيات وتقدر تدخل على ويب سايت هيونداى و تتاكد ده حق حضرتك طبعا او ممكن تتصل بالهوت ﻻين العنوان زهراء المعادى المنطقة الصناعية الشطر الخامس القطعة 62/ع
تحت امرك