الفيرنا والأفر برايس

[mse920]

ياجماعة إمبارح كنت بلف علشان اشتري فيرنا كاش
وكنت نازل متخيل اني في ثواني هاجيب العربيه
وصدمت انها مش موجودة
1- سمير ريان ( تحجز بدون اختيار اللون ) معندوش اصلا
2- المصرية ( تحجز وبعد اسبوع يرد عليك ) بدون أولويه فى اللون
3- الليثي ( بكره ياباشا ان شاء الله ) بس المهم مقدم الحجز
4- الشناوي ( سيب رقم تليفونك ولما توصل هانكلمك
5- ستوب كار ( بيقولي ان عاوز فيرنا وكمان عاوز تختار اللون )

دول طبعا غير التوكيل والمعارض المغمورة اللي في النص

أخيرا وبعد عناء ( فور برازر ) موجوده ياباشا عربيه واحدة ( أوفر برايس 1500 جنيه ) فيرنا ياجدعان
طبعا دفعت زي الباشا ولحقت العربيه والحمد لله كانت اللون اللي انا عاوزه شامبي ستار فاميه 85600 جنيه غير الاكراميات

[mrghost]

انا حاجز كامله مانيوال فاميه ب83500 جنيه من شيرين كار
بس لسه مستلمتش

[ah-elgendy]

ليه هو غبور هيوقف انتاجها ويركز مع الجيلى ولا ده العادى بتاع الفيرنا

[Tamer Gamal]

الف مبروك ,, كنت زيك من شهر بظبط و نفس الكلام الـ انت قولته حصل معايا مع الاختلاف فى حاجة ان كان موجود فى كل المعارض دى المانويل وانا كنت عايزها اوتوماتيك بس اتصلت بمعرض القرش ومكنتش موجودة وبعد اربع ساعات اتصله بيا وقالولى العربية تقدر تستلمها روحت الساعة 9 بليل و استلمتها .
الف مبروك

[mrghost]

الواضح كده ان المعارض ممكن تكون بتتصنع الازمه دى علشان يبقى فى اوفر برايس
حسبى الله ونعم الوكيل

[mse920]

الف مبروك ,, كنت زيك من شهر بظبط و نفس الكلام الـ انت قولته حصل معايا مع الاختلاف فى حاجة ان كان موجود فى كل المعارض دى المانويل وانا كنت عايزها اوتوماتيك بس اتصلت بمعرض القرش ومكنتش موجودة وبعد اربع ساعات اتصله بيا وقالولى العربية تقدر تستلمها روحت الساعة 9 بليل و استلمتها .
الف مبروك

أنا بقي عكسك أنا لقيت الأتوماتيك فى أول معرض دخلته كان الشناوي اللي عند النادي الأهلي
وكانت كمان اللون اللي انا عاوزه ( بس أنا كنت بدور علي مانيوال )

[mrghost]

أنا بقي عكسك أنا لقيت الأتوماتيك فى أول معرض دخلته كان الشناوي اللي عند النادي الأهلي
وكانت كمان اللون اللي انا عاوزه ( بس أنا كنت بدور علي مانيوال )

لو سمحت ياباشا كنت عاوز رقم موبايلك ع الخاص علشان عايز اسألك على شوية حاجات بعد اذنك

[د.محمود صلاح]

الفيرنا بتتشفط شفط من السوق

[mostafa3000]

لله الامر من قبل ومن بعد