ساعدونى قنطره اصلى ولا صينى

[youssef samir]

السلام عليكم
انا معايا فيرنا 2010 من كام شهر كدا كنت ماشى فى صلاح سالم و اتحطيت امام اسوء اختيارين فى حياتى و لازم اختار بينهم فى مده زمنيه لا تقل عن فيمتو ثانيه بتاعت الباشمهندز احمد زويل و هيا يا هشيل واحد يا اطلع فوق الرصيف.... المهم طلعت فوق الرصيف و ربنا ستر ... القنطره اليمين عندى اتعجنت بس شغال بيها 6 شهور الحمد لله بس فى زنه كدا كل ما اجى انقل فى التالت مش عجبانى المهم قولت هغيرها... نزلت التوفيقيه اسأل عليها قالولى فى الاصلى 1250 و الصينى و فى ناس بتجود و تقول تايوانى ب 750 فا انا مش عارف اجيب انهى واحده؟ و هل هتفرق اوى؟ اصل فى فرق 500 جنيه انا اولا بيهم بصراحه :D لو مش فارقه يعنى.. انصحونى بارك الله فيكم

[Hacker5]

ماتشوف الاصلى استيراد

[ahmed_moeaz]

هات الجديدة الاصلى والغالى رخيص والله

[ايمن فهمى]

طب متجيب الاصلى استيراد واهى كده تبقا ارخص من الاتنين

[hesham fawzy h]

القنطرة دى مهمة جدا و انا بصراحة ما بثقش فى اى حاجة صينى

[blazer]

جيبها استيراد افضل

[mrghost]

هاتها اصلى استيراد

[youssef samir]

اولا متشكر اوى على النصايح... بس عايز اعرف منين موضوع الاستيراد دا؟ و لو حد عندو فكرا عن السعر يقولى جزاه الله خيرا و متشكر

[ايمن فهمى]

اولا متشكر اوى على النصايح... بس عايز اعرف منين موضوع الاستيراد دا؟ و لو حد عندو فكرا عن السعر يقولى جزاه الله خيرا و متشكر

انت ساكن فين ؟

[youssef samir]

مدينه نصر

[Abo_Mazen]

جيبها استيراد افضل

[ايمن فهمى]

مدينه نصر

وحضرتك جاى من عند المنصه فى اتجاة رمسيس تدخل يمين بعد المنصه بجوار الاستاد مباشرة تطلع كوبرى الفنجرى ثم كوبرى الحدائق وتنزل نزله الزاويه الحمرا مع شارع بورسعيد تدخل يمين حتى كوبرى مسطرد ومن جنب الكوبرى للاخر
وتقول فين ( عزبه شلبى ) هتلاقيها يمينك

[S O P H O S]

خليك فالاصلي حتي لو غالية