تقرير عن جرند i10 بالصور و بعدها تم الحجز

[eng.khater]

مبدايا الموضوع دا في جزء منة منقول من مقال الاستاذ محمود فتحي و جزء اخر من تعليق لي في رد علي السياره و الحمد الله حجزت عربية بعد تفكير كتير

اما الصور فمن موبيلي و بلاش تعليق عنيف عليها لو معكبتكمش

مبدأيا انا اسف جدا مكنش معايا الكاميرا عشان اصور ... انا دخلت المعرض بالصدفة ومكنتش مرتب انى ادخل ... هحاول اروح تاني واصورها وابقى انزل الصور


المكان: معرض غبور اوتو في عمارات العبور صلاح سالم
قعدت مع أ/ أندرو أديب مدير الفرع لان بتوع المبيعات مكنوش عارفين يجابوا على اسئلتي :) :) :)
العربية الموجودة كانت الهاى لاين الاوتوماتيك لونها نبيتي وسعرها الرسمي 106500


الانطباع الاول عن السيارة كشكل جيد جدا جدا ... أفضل بكتير من الاتراج والسويفت والديزاير ... تقدر تقول نسخة مصغرة من الار بي


الصالون: مش هقول واسع جدا لكن الصالون مقبول من ناحية الوسع ... الكرسيين اللى قدام المساحة قدامهم كويسة جدا لكن الكنبة الخلفية ضيقة شوية ... واحد طويل زي حالاتى هيكون قاعد متضايق شوية ... نقدر نقول صالون الفيرنا اوسع منها


خامات تقفيل الصالون: الخامات جيدة جدا والتقفيل كويس اوى ... معرفش باقي الفئات هيكون عامل ازاى ... اماكن الزراير والطارة ولوحة العددات والتكييف شكلهم شيك وافضل من سيارات منافسة كتير... فيه اماكن تخزين كتير في الابواب وبين الكراسي وفي الدرج


شنطة العربية ... مفيهاش زرار تفتحها وانت واقف ... لازم تتفتح من جوه الصالون او تتفتح بالمفتاح ... حجمها كويس بالنسبة لعربية بالحجم ده ... سألتهم هي كام لتر معرفوش لكن بالنظر كده هي مش اقل من 300 ومش اكتر من 350 لتر .. في جميع الاحوال هي اكبر من شنطة الفيرنا


حوض الموتور ... مفيهوش اى اختراع .. لكن حجم الموتور صغير :) :) :) حتى اول ما فتحت الكبوت قلت ياختي كاميلة :) :) :) هم بيأكدولى ان الموتور 1250 سي سي مش 1200 حتى وروني ورق العربية المعروضة مكتوب فيه 1248 لتر ... الحوض منظم وكل حاجة واضحة فيه ومش ضيق لان كل العناصر المحطوطة فيه حجمها صغير ...


ارتفاع السيارة ... العربية واقفة على الارض كويس زي ما بنقول ... وقفتها حلوة ... ارتفاعها كويس اوى عن الارض نفس ارتفاع اللوجان القديمة تقريبا ... واهم حاجة ان الشكمان مش باين من ظهر العربية زي عربيات كتير ... الشكمان مستخبي وزوره متني ونازل على الارض ومش باين من ورا العربية


العربية نزل منها دفعة واحدة 600 عربية خرجوا من الجمرك والتسليم هيبدأ من يوم 10 اكتوبر لحد 15 اكتوبر للدفعة الاولى


العربية نازلة ب 6 الون بس وهم (الاسود - الفضي - الفيراني - البترولي - الابيض - النبيتي) ... والصالون نازل بلون واحد بس وهو الاسود ومش نازل منها بيج


سألت ليه مش بتنزل بabs و airbags كان الرد ... ان فيه عملاء كتير في مصر مش بيحبوا الاير باج عشان تكلفة الاصلاح عاليه ولو كانت نزلت بالحاجات دي كان ثمنها هيقرب من ال 118000 وساعتها كانت الاكسنت الار بي هتتضرب ومفيش اى نية تنزل منها فئات اعلى عشان السعر ميزدش :) :) :) أل يعني كده السعر حلو


سألت عن حكاية XCENT و I10 GRAND دول ... قالولى هما هما نفس العربية لكن الاكس سنت انتاج هيونداي تركيا والاى تن انتاج الهند ... ومنزلوهاش مصر بالاسم الاكس سنت عشان ميحصلش لخبطة بينها وبين الاكسنت


ده كل اللى حصل :) :) :) وشكرا

هذا الجزء الخاص بي


بص العربية دي اتفرجت عليها مرتين ﻻئنها عجباني بلد الصنع هندي و الهنود في الصناعة مش وحشين اما اﻻوبشن نفيها اغلب الكمليات زي 4زجاج كهرباء و سنتر و انزار و 2مريا كهرباء و مريات ضم كهرباء و فج ﻻيت و بلوتوث للموبيل في الكست و مالتي فانكشن و مسند في الكنبة الخلفيه بحامل اكواب و مسحات تخزين داخلية في كل حته اما الموتور 1250 سي سي 87 حصان ودا موتور قوي عليها طبعا علي عربيه في الحجم دا اما وسائل اﻻمان فا هي صفر بمعني الكلمة ﻻ اير باج وﻻ abs وﻻ اي حاجة بس انا شايف ان الي ميفرقش معاة وسائل اﻻمان فيتكل علي الله والي بيخاف فبﻻش بس هي عربية خفيفة قي اﻻستخدام و ظريفة و هتبيع عشان شكلها حلو و صلنها حلو ايضا وعلي فكره اتوماتك غدا بردو سبب من الي هيخليها تبيع و موتورها نازل بتكنولوجيا dual vtvt ودا بيدي قوة للموتور و ممكن يوفر في اﻻستهﻻك وهي مختلفة عن 10i الحالية عشان هينزلو وحده جديدة نفسها بس هتش باك دي معلوماتي الي اعرفها واي استفسار انا في الخدمة

واريد التعليق الخاص بكم اكمل الحجز و استلم ولا ارجع فية واتمني يعكبكم التقرير

واليكم الصور






الطبلوه



العدادات



الكست بالبلوتوث


وحدت التحكم في الباب




الشنطة



الموتور



دا انا طبعا الحجم باين و علي فكرة الكرسي الامامي مضبوض علي الواضع الخاص بي و لفيت اجلس خلفي و علي العلم طولي 184 سم


اماكن تخزين في الباب الامامي



اماكن تخزين في الباب الخلفي



اماكن تخزين بين الكرسيين مكان فتحة التكييف الخلفي بس مكنها حلو كان ممكن يسدها بس استخدموها صح

[bassemali]

الف مبرووووووك ياكبير .. ربنا يديك خيرها ويكفيك شرها .. أستئذنك أعرف منك سعرها كام .. والمانيوال منها بيختلف في أيه عن الأوبشن بتاع دي وسعره كام ؟

[Mohamedjetta]

تقرير رائع وعربيه تحفه
الف مبرووووووووك

[Mahmoud.Fathy]

شكرا جزيلا لانك وفرت عليا مشوار التصوير :) :) :) بس ليا سؤال ... هى العربية فيها كمبيوتر رحلات ولا لا ؟؟؟؟

[aymanshebl]

شكلها و كماليتها حلوة و عملية الف مبروك

[eng.khater]

الف مبرووووووك ياكبير .. ربنا يديك خيرها ويكفيك شرها .. أستئذنك أعرف منك سعرها كام .. والمانيوال منها بيختلف في أيه عن الأوبشن بتاع دي وسعره كام ؟

الله يبارك فيك وعقبالك وعقبال كل الاعضاء
السعار كتالي :-
94.500 منوال
12500 اتومتيك
16500 اتوماتيك المفروض الهاي لاين بش مينفعش اقلها عليها مع انها فيها اغلب الكمليات الي الي تخليها هاي لاين بي من غير الاير باج و ال ABS وطبعا الموضوع قتل بحثا في النقطة دي عشان التكلفة
اما الفروق ممكن تعرفها من الصوره دي



ودا البروشور الي المفرود هينزل بالوان العربية بس مش كلة موجود و للعلم احلي لون فيه الابيض بس للاسف التكسي ضرب الون دا

[eng.khater]

شكرا جزيلا لانك وفرت عليا مشوار التصوير :) :) :) بس ليا سؤال ... هى العربية فيها كمبيوتر رحلات ولا لا ؟؟؟؟

الشكر ليك انت انا اخت كلامك علي جزء من عندي زي ماقلت وانت اخت الصور نبقي كده خلضبن ههههههه احنا هنا بنكمل بعض لا شكر علي واجب

اما قصة فيها كمبيوتر رحلات؟؟؟
اه فيها كما يلي
1-عداد رحلات A&B
2- معدل استهلاك البنزين
3- البنزبن الي في التنك يكفي مسافة كام كيلو
4- الوقت المستخد للرحلة
5- معدل السرعة
6- و في eco دا نظام توفير البنزبن دا on &off بس دا معرفش بيشتغل ازاي
اصل انا طلبت المفتاح و قعدة افعص في العربية و هما بيعدو الفلوس

[shedoz]

الله يبارك فيك وعقبالك وعقبال كل الاعضاء
السعار كتالي :-
94.500 منوال
12500 اتومتيك
16500 اتوماتيك المفروض الهاي لاين بش مينفعش اقلها عليها مع انها فيها اغلب الكمليات الي الي تخليها هاي لاين بي من غير الاير باج و ال abs وطبعا الموضوع قتل بحثا في النقطة دي عشان التكلفة
اما الفروق ممكن تعرفها من الصوره دي



ودا البروشور الي المفرود هينزل بالوان العربية بس مش كلة موجود و للعلم احلي لون فيه الابيض بس للاسف التكسي ضرب الون دا

اولا تقرير رائع بس انت كتبت الاسعار غلط اول فئه 102500 اتوماتيك والهاى لاين 106500 تسلم ايد على التقرير والف مبروك يافندم

[eng.khater]

اولا تقرير رائع بس انت كتبت الاسعار غلط اول فئه 102500 اتوماتيك والهاى لاين 106500 تسلم ايد على التقرير والف مبروك يافندم

شكرا علي التصحيح وانتمني تكون شفت الصور و شكرا علي الطريقة الي بعتهالي

[eng.khater]

الله يبارك فيك وعقبالك وعقبال كل الاعضاء
السعار كتالي :-
94.500 منوال
102500 اتومتيك
106500 اتوماتيك المفروض الهاي لاين بش مينفعش اقلها عليها مع انها فيها اغلب الكمليات الي الي تخليها هاي لاين بي من غير الاير باج و ال ABS وطبعا الموضوع قتل بحثا في النقطة دي عشان التكلفة
اما الفروق ممكن تعرفها من الصوره دي



ودا البروشور الي المفرود هينزل بالوان العربية بس مش كلة موجود و للعلم احلي لون فيه الابيض بس للاسف التكسي ضرب الون دا

[/QUOTE]

[J A G U A R]

تسلم على الموضوع

اعتقد ممكن تركن الاتراج على جنب

[the lawyer]

معلش في الكلمة ... الوجان برقبتها انا أروح اجيب لوجان اعلى فئة ايرباج وايه بي اس ، وجي بي اس وجنوط سبور وشكل افضل ووافر 6000 جنيه عن الهاي لين

[eng.khater]

تسلم على الموضوع

اعتقد ممكن تركن الاتراج على جنب

بص انا عملت تست دريف للاتراج سحبها كويس بس صوت الموتور عالي و فقيره من الداخل اوي يعني اتفرج علي الدركسيون في الاتنين و انت هتعرف الفرق ولا الطبلوه هي فعلا هتسمع مع الاتراج علي جنب

[eng.khater]

معلش في الكلمة ... الوجان برقبتها انا أروح اجيب لوجان اعلى فئة ايرباج وايه بي اس ، وجي بي اس وجنوط سبور وشكل افضل ووافر 6000 جنيه عن الهاي لين

طيب ما تيجي نعمل مقارنة سريعة بين الاتنين لائنها نفس المقارنة الي عملتها مميزان الوجان اية في الاول موتور 1600CC 90 hp 8 velv استهلاك بنزين عالي الـ I10 الموتور 87hp 16 velv1250cc dual vtvt استهلاك بنزين موفر وده تكنولجيا جديدة غير الوجان يعني فرق 3 حصان بس ال i10 تسحب اكتر و تجمع اكتر عشان الصبابات اما الوسع فالوجان اوسع بمراحل بلا شك و نقطة الامان هنقول الوجان احسن بس مع العلم الوجان بيقولو ان مفيهاش استبليزر وناس تقول فيها ولو شفت كميت العربيات المقلوبة في ابو رواش تقلق فعلا انا رحت 3 مرات ابو رواش غير المعارض لاقيت 3 عربيات مقلوبة هناك تلاقي العجل الامامي كاسر للداخل ربنا يسر طرقنا جميعا تعالي بقي الكماليات كمليات ال i10 حلوة جدا و جرب تركبها و انت هتحس بيها و بالمساحة الداخلية ومش هنعددها اما الفرق 6 الاف جنيه الي الوجان موفراها هتلقيهم في الاوتومتيك وعلي فكره انا فوجئت انة استب ترونيك مش اتوماتيك عادي وربنا يوفقنا لما فية الخير ويبعد عنا شر الطريق جميعا ونطلع من موضوع برقبتها و بركبتها دي عشان نعرف نركب عربية كويسة و حسب استخدام كل واحد

[atef_5005]

معلش في الكلمة ... الوجان برقبتها انا أروح اجيب لوجان اعلى فئة ايرباج وايه بي اس ، وجي بي اس وجنوط سبور وشكل افضل ووافر 6000 جنيه عن الهاي لين

و رجيلك تقف من كتر الدوس علي الدبرياج في الزحمه اللي احنا فيها

من تجربه الماتريكس مانوال بعديها قولت اركب اي عربيه بس اوتوماتيك حتي لو 128 اوتو