محتار بين اكسنت 2006 (الشكل القديم) وبين فيرنا 2007

[Eltenahy]

معروض عليا الاتنين وبسعر متقارب اكسنت ب 49 والفيرنا ب 52
الحاله للاتنين كويسه
معيارى فى الاختيار
1- عربيه اقتصاديه ( بنزين - مش كل شويه اروح لميكانيكى وعفشجى )
2- قوه ومتانه وتحمل
3- اصيله وتعيش لو حافظت عليها
4- الامااااان


يا ريت تساعدونى يا اهل الخبره لانى هشترى قريب اوى ومحتار ومش عايز اندم بعد كده
كان معايا لادا موديل 94 وهبيعها باذن الله


يا ريت يكون من ملاك الاكسنت والفيرنا عشان اقدر افرق بينهم لو سمحتم

[jos]

انا كان معايا اكسنت 99 كورى وبعدها جبت فيرنا
الاكسنت لو كورى 1500 سى سى افضل من الفيرنا كاستهلاك بنزين واعتمادية و عفشه وثبات وقطع غيار ارخص
بس الفيصل للحالة اللى حالتها احسن تبقى هيا الافضل

[J A G U A R]

49 الف بستكترهم على اكسنت القديمه
وارشحلك الفيرنا

[atef_5005]

اكيد الفيرنا افضل
و الحاله تحكم

[Eltenahy]

انا كان معايا اكسنت 99 كورى وبعدها جبت فيرنا
الاكسنت لو كورى 1500 سى سى افضل من الفيرنا كاستهلاك بنزين واعتمادية و عفشه وثبات وقطع غيار ارخص
بس الفيصل للحالة اللى حالتها احسن تبقى هيا الافضل

شكرا على الاهتمام
لكن اكسنت موديل 2006 كلها كورى ولا ايه وللعلم هيا 1300cc

[Eltenahy]

49 الف بستكترهم على اكسنت القديمه
وارشحلك الفيرنا

فكرت فى الكلام ده زى حضرتك كذا مره
بس بخاف من عدم ثباتها وكمان صاج الفيرنا ورق وخفيفه ع الطريق
اللى عرفته عن الفيرنا موتور قوى وفرامل ضعيفه غير متناسبه مع قوه دفعها

[Eltenahy]

فيه حد له ارااء تانيه من فضلكم ؟؟

[msobhy]

فيرنا احسن علشان موديل اجدد
اكسنت قديمه وكتير عليها المبلغ ده

[J A G U A R]

فيه حد له ارااء تانيه من فضلكم ؟؟

ممكن تشوف نوبيرا 2004 2005

[S O P H O S]

راي الفيرنا طالما حالة

[crazy car]

يا باشا الفيرنا جبااااااااارة توكل على الله

[Eltenahy]

ممكن تشوف نوبيرا 2004 2005

شكرا لحضرتك
فعلا النوبيرا افضل لكن مش موجوده فى السوق كتير على الاغلب عندنا هنا فى دمياط

[الاسد المهاجر]

الاكسنت سعرها غالي وقديمة
الافضل
فيرنا ..لانوس

[Eltenahy]

الاكسنت سعرها غالي وقديمة
الافضل
فيرنا ..لانوس

ايه اللى بيستحمل ويعيش معاك فتره اطول لو حافظت عليها
اكسنت ولا لانوس ولا فيرنا
انا داخل فى مشروع جواز ومش عايز اغير بعد سنه او سنتين مثلا