الحمد لله بقت من أسرة هيونداي

[felash]

الحمد لله وربنا كرمني واشتريت هيونداي النترا 2007 خليجي تكييف تاتش وabs عاملة 68 الف
والعربية ما شاء الله جميلة جدا
فكنت عاوز اسال على كذا حاجة ؟؟
1- ايه الحاجات المفروض اغيرها من سيور وفلاتر وخلافه ويا ريت لو حد يعرف اسعارها
2- ايه نوع الزيت الكويس للعربية ورقمه كام
3- في صوت بيجي من الفراكل لما باجي ادوس عليها احس زي صوت حاجة متحجرة هل ده عادي ولا عاوزة تغير تيل
4- في لمبه في العداد مكتوب عليها esp بتاعت ايه
5-لما اجي اوقف العربية في الجراج احطها على p ولا احطها على n وارفع الفرامل
6-الزجاج الامامي فيه شرخ ممكن يتعالج ولا لازم يتغير
7- هو دريكسون الالنترا ناعم اوي كده ليه حاسه زي الميه ده طبيعي ولا فيه حاجة علشان انا عندي لما كانت عندي الاوبل كان دريكسون العربية ناشف شويه
معلش طولت عليكم بس ده من عشمي
وشكرا مقدما

[Mr.Lawyer]

مبرووووووك عليك العربيه الجديده ، ربنا يباركلك فيها ويديك خيرها ويبعد عنك شرها

بالنسبه للاسئله فأتركها للاخوه الافاضل ابناء قسم هيونداى فهم ادرى بيها

اما بالنسبه للدريكسون فالباور فى الالنترا يختلف تماماً عن الباور فى الاوبل فيكترا بالنسبه للنعوميه للانترا طبعاً لانك اكيد حسيت انك فى الاوبل مكنش عندك باور :) :)

صحيح بعت الاوبل بكااام ؟؟؟

[adel1212]

1000 مبروك
1 - اعمل صيانة 60 الف كاملة
2 - شيل 10000 كم افضل زيت جربتوا عليها
3 - انت وبتعمل الصيانة حتكشف على الفرامل كاملة تيل وطنابير
4 - ده نظام الثبات الالكتروني
5 - انا بعملها على الp لو مش قافل على حد (افضل)
6 - صعب التقيم كده روح لحد بيصلح الشروخ واسئل
7 - من اجمل ما الالنترا الباور الكهربا بتعها تحفة
تحياتي و ربنا يكفيك شرها ويديك خيرها

[felash]

مبرووووووك عليك العربيه الجديده ، ربنا يباركلك فيها ويديك خيرها ويبعد عنك شرها

بالنسبه للاسئله فأتركها للاخوه الافاضل ابناء قسم هيونداى فهم ادرى بيها

اما بالنسبه للدريكسون فالباور فى الالنترا يختلف تماماً عن الباور فى الاوبل فيكترا بالنسبه للنعوميه للانترا طبعاً لانك اكيد حسيت انك فى الاوبل مكنش عندك باور :) :)

صحيح بعت الاوبل بكااام ؟؟؟

الاوبل بعتها 65 الف

[shiko85]

الحمد لله وربنا كرمني واشتريت هيونداي النترا 2007 خليجي تكييف تاتش وabs عاملة 68 الف والعربية ما شاء الله جميلة جدا
الف مبروك و ربنا يديلك خيرها و يكفيك شرها
هل السعر قريب من السعر اللى اقترحته على حضرتك ؟؟
فكنت عاوز اسال على كذا حاجة ؟؟
1- ايه الحاجات المفروض اغيرها من سيور وفلاتر وخلافه ويا ريت لو حد يعرف اسعارها
جميع الفلاتر - جميع الزيوت - تيل الفرامل - الكاوتش و البطاريه (حسب الحاله) و الأنذار لو تقدر و تركب انذار بوحده فصل ماتور و طلمبه البنزين هيكون افضلا طبعا
2- ايه نوع الزيت الكويس للعربية ورقمه كام
لازم تعرف كان صاحب العربيه بيستخدم زيت ايه معدنى او تخليقى
3- في صوت بيجي من الفراكل لما باجي ادوس عليها احس زي صوت حاجة متحجرة هل ده عادي ولا عاوزة تغير تيل
ده صوت الـ abs
4- في لمبه في العداد مكتوب عليها esp بتاعت ايه
Electronic Stability Program
بس حضرتك متأكد انها esp ولا eps
5-لما اجي اوقف العربية في الجراج احطها على p ولا احطها على n وارفع الفرامل
P + فرامل اليد + قفل الدريكسيون
6-الزجاج الامامي فيه شرخ ممكن يتعالج ولا لازم يتغير
على حسب الشرخ - لو شرخ صغير ممكن يتعالج لو كبير يبقى لازم يتغير (بس الشرخ قديم يبقى التغيير افضل حتى لو ممكن العلاج لان الزجاج خلاص اتأثر بالشرخ ده )
7- هو دريكسون الالنترا ناعم اوي كده ليه حاسه زي الميه ده طبيعي ولا فيه حاجة علشان انا عندي لما كانت عندي الاوبل كان دريكسون العربية ناشف شويه
دريكسيون ناعم و بيتقل مع السرعه
معلش طولت عليكم بس ده من عشمي
لو فيه اى استفسار انا تحت امرك
وشكرا مقدما
الشكر لله وحده

[felash]

انا شاكر لحضرتك جدا تجاوبك
وكنت عاوز اعرف الفرق بين الزيت المعدني والزيت التخليقي وازاي ممكن اعؤفهم ولا لازم اسال صاحب العربية
ثانيا : الفلاتر والسيور والحاجات دي حسبه كام تقريبا
ثالثا : هو مش المفروض لما تعدي سرعة 20 او 40 مش فاكر الموسوكر بيقفل ولا كل عربية على حسب

[S O P H O S]

الف مبروووك يا باشا