استشاره عاجله: هوندا 2009 او هيونداي 2015

[soltanfriend]

السلام عليكم.
معروض عليا هوندا 2009 اول فئه ماشيه107الف كيلو نضيفه جدا وفبريكه كلها مطلوب فيها 132الف
اتوكل علي الله فيها ولا اجيب النترا 2015 اول فئه فتحه سقف ب153الف

[sanhory]

الهوندا بالسعر دا غالية جدا , و كمان كيلو متر مش قليل , اخرها بالمواصفات دي 120 الف
و بالنسبة للهيونداي
تفتكر لما نبقا داخلين على 2015 و تركب عربية مفيهاش حتى abs!!! وكمان ب 153 الف!!!

[J A G U A R]

كتير جدا طبعا على الهوندا

والنترا اول فئه مبالغ فى سعرها جدا وفاضيه
شوف كروز

[hesham fawzy h]

نزل مع الراجل بتاع الهوندا لحد 120 الف

الراجل مش هيرضى اصلا ؛) .. مش عارف اقولك اييية الصراحة

[hesham fawzy h]

لو هينزل فى السعر .. اتاكد ان قواعد الموتور والفيتيس سلام و علبة الدركسيون

لازم تكشف عليها فى التوكيل و اكد على الحاجات دى

و بالتوفيق ان شاء الله

[hesham fawzy h]

اية رأي حضرتك فى الميراج بشك عام ؟

قطع غيارها موجودة ولا لأ و غالية ولا رخيصة

بتصلح العربية فين ؟

و تعملها كام لو حالتها نضيفة ؟

هل يوجد اى وجة شبة بينها و بين الكولت

[soltanfriend]

اية رأي حضرتك فى الميراج بشك عام ؟

قطع غيارها موجودة ولا لأ و غالية ولا رخيصة

بتصلح العربية فين ؟

و تعملها كام لو حالتها نضيفة ؟

هل يوجد اى وجة شبة بينها و بين الكولت

الميراج هي هي اللانسر بس باكصدمات عريضه وشنطه مختخلفه في الشكل الخارجي وماكينه 1500انجكشن و2 ايرباج عدا ذلك نفس اللانسر واي ميكانيكي شغال فيها وقطع غيار الماكينه زي بتاعه البومه بس استهلاكها في البنزين عالي شويه

[soltanfriend]

بالنسبه للالنترا في زايده في الاوبشن فتحه السقف ومرايات ضم وفتيس سيبترونيك وكاسيت بusb وبلوتوث وتحكم طاره والعربيه هاتبقي زيرو
مش عارف اعمل ايه والمفروض اني نازل اخلص فيها بعد الصلاه

[adel1212]

طالما مبدأ المستعمل موجود
دور علي النترا كسر زيرو حتلاق فئه عالية بالسعر ده
تحياتي و تمنياتي بحسن الاختيار

[soltanfriend]

يعني الهيونداي وحشه اوي كدا

[devil_storm]

باشا النترا زيرو افضل طبعا و مفيش وجه مقارنه

[2CODE]

هوندا 2009 وبالسعر ده !!!! دا مجنون رسمي !!!!!!

افضل شوفلك النترا كسر زيرو 2013 او 2014 طالما كنت هتشتري مستعمل واشتري الفئة اللي فيها abs

[Mohamedjetta]

هوندا 2009 وبالسعر ده !!!! دا مجنون رسمي !!!!!!

افضل شوفلك النترا كسر زيرو 2013 او 2014 طالما كنت هتشتري مستعمل واشتري الفئة اللي فيها abs

+1
الالنترا احسن في كل حاجه ماعدا الثبات ويمكن الاعتماديه
انا مش عارف الناس ليه بتفكر وتقعد تسأل ع الالنترا كتير ليه .. العربيه دي يا جماعه تحفه فنيه و تاخد منها ثبات كويس لحد 170 كم /س وانا بسوق عربيتي الالنترا hd علي سرعه 200 ..... في الاخر الثبات بيفرق من شخص لشخص
اهم حاجه تجيب الالنترا بجنوط 16 وانشاء الله العربيه تعجبك

[soltanfriend]

ناس كتير بتقول ان الهوندا مشكلتها فى انخفاضها واسعار قطع الغيار

[Mohamedjetta]

ناس كتير بتقول ان الهوندا مشكلتها فى انخفاضها واسعار قطع الغيار

اه فعلا من اوطي العربيات هي والجيتا الشكل القديم وحضرتك هتتعذب في كل مطب تاخده بالسيفك
الالنترا md بتحك لما بتكون اخد معاك تلت افراد بس الالنترا مش بتحك الا في المطبات الصعبه اما السيفك شبه الجيتا في معظم المطبات تلاقيها حكت