صوت تكتكة الصبح

[bebo_mody_244]

يا جماعة بسمع صوت تكتكة لما بدور العربية الصبح بس مش يوميا و بتروح بعد لما العربية تسخن يعنى حوالى دقيقتين او تلاتة مش اكتر و كمان بشم ريحة بنزين و بتروح لما العربية تسخن برضو
ممكن اعرف بس المشاكل دى من ايه

[Lifz_Good]

متابع

[bebo_mody_244]

يعنى 44 مشاهده ومفيش ولا رد

[aymanshebl]

الصوت ده صوت التاكيهات و لو عالى يبقى فيها حاجة و ريحة البنزين فى بداية تدوير العربية يعتبر عادى برده لعدم اكتمال الاحتراق

[bebo_mody_244]

الصوت ده صوت التاكيهات و لو عالى يبقى فيها حاجة و ريحة البنزين فى بداية تدوير العربية يعتبر عادى برده لعدم اكتمال الاحتراق

لا يا باشا الصوت مش عالى الصوت بيحصل بس مش كل يوم و بيروح بعد لما العربية تسخن بس انا عاوز اعرف هل الصوت ده ممكن يأثر على الماتور فى حاجة

[aymanshebl]

لا يؤثر ان شاء الله

[bebo_mody_244]

لا يؤثر ان شاء الله

الحمد لله طمنتني ,الف شكر

[aymanshebl]

راجع على نوع الزيت و ملائمته لحالة العربية لو العربية جديدة هاتلها تخليقى و شوف الانواع الكويسة اللى الناس بتشكر فيها ممكن تكون السبب فى تكتة العربية قبل التسخين

[eng.khater]

صوت التكتكة دي صوت التكيهات زي ما الاخوة قالولك عشان التكيهات في الجديد بتشتغل بضغط الزيت فلما العربية بدور الصبح بيكون لسة الزرت مخدش دورة كاملة في الموتور فبتسمع الصوت ده لحد لما الزيت ياخد دوره كاملة و الموتور يسخن اما ريحت البنزين دي ممكن انت بتوس بنزين عند الدواره فبتالي بتشم رائحة البنزين دي جرب تدور من غير ما تدوس بنزين ان كنت بدوس

[bebo_mody_244]

راجع على نوع الزيت و ملائمته لحالة العربية لو العربية جديدة هاتلها تخليقى و شوف الانواع الكويسة اللى الناس بتشكر فيها ممكن تكون السبب فى تكتة العربية قبل التسخين

انا بحط للعربية زيت موبيل علطول بس مرة واحدة حطيت توتال
بس يعنى ايه زيت تخليقى وايه احسن زيت احطه

[bebo_mody_244]

صوت التكتكة دي صوت التكيهات زي ما الاخوة قالولك عشان التكيهات في الجديد بتشتغل بضغط الزيت فلما العربية بدور الصبح بيكون لسة الزرت مخدش دورة كاملة في الموتور فبتسمع الصوت ده لحد لما الزيت ياخد دوره كاملة و الموتور يسخن اما ريحت البنزين دي ممكن انت بتوس بنزين عند الدواره فبتالي بتشم رائحة البنزين دي جرب تدور من غير ما تدوس بنزين ان كنت بدوس

انا مش بدوس على دواسة البنزين خالص قبل ما ادور العربية