اكسنت rb ولا هيونداى النترا

[wael30003]

السلام عليكم ورحمة الله وبركاته
انا كنت املك رينو لوجان وكان افضل ميزه فيها بالنسبه لى وسع الصالون
وحاليا انا سافرت السعودية وبعتها قبل السفر
غكنت حابب اشترى حاجة افضل منها بس تكون فى نفس سعة الصالون او قريبه منها
دورت على النيسان صنى
قرأت بعض المواضيع لقيت الشاسيه بتاعها ضعيف ...طبعا ده بعض ما دخلت فى اكتر من مناقشه وموضوع
بالضافة ان ثباتها مش كويس
والصناعة هندى مش يابانى
دى برده حاجه مهمة
غكنت حاطط فى المقارنة او الاختيار الاكسنت ....والاكسنت بالنسبه لى عيبها الوحيد صالونها الضيق ....مقارنة باللوجان او الصنى
على فكرة اللوجان اوسع من الصنى عن تجربة ...اوسع من الصنى الجديدة ...ﻷن القديمة معروفه بضيق الصالون
ففضلت محتار وبعدين حطيت اختيتر تانى بعد ما لغيت الاول اللى هو الصنى الجديدة ...نفسى قفلت منها بعد اللى قرايته
....
السؤال داوقتى اللى حضراتكم ممكن تفيدونى فيه
انا محتار بين الاكسنت والالنترا ..
مع وضع اعتبار فارق السعر
ﻷن اكيد كل الناس هتقول النترا ...بس الكلام فى الحالة دى بفلوس ....والكالماليا بالنسبة مهمة بس انا مش طماع الاساسيات تكفينى
زجاج كهرباءسنتر
تكييف جامد ..
باور
الفرق بينهم تقريبا 5او 6الاف ريال
طبعا تنا هشترى تقسيط

كاسيت يو اس بى
ولو مثبت سرعة يبقى عنب
بس مش دى المشكله
انا الان محتار اركب اكسنت ولا النترا
طبعا الاحيرة سببها فارق المبلغ المدفوع مش سببها ايهما افضل
يعنى الاكسنت صالونها كويس ما يضايقش اللى قاعد فيها وخاصة الكنبه الخلفيه
برده اللى مجرب دى ودى اكيد هفيدنى اكتر وهيفيد اى مشارك بالموضوع

[Hacker5]

دى فئة و دى فئة تانية خالص
مافيش مقارنة بين الاتنين لان مليون فى المية الالنترا تكسب

[J A G U A R]

النترا فئه اعلى

[aymn6666]

الاكسنت قاعده العجلات 257 سم
الالنترا والسيراتو والتويوتا قاعده العجلات 270سم
وده المقياس الوحيد لوسع الصالون
طبعا 13سم ده فرق كبير

[S O P H O S]

الالنترا فراي ليها الافضلية

[svneleven]

انت بتقول فرق 6000 ريال يعني مش هيبان في القسط أساسا لأن عندك في السعودية معظم تمن العربية بيكون قسط أقصد المقدم مش عالي.

[mora_farahat]

النترا موتور اقوى بس مش فرق كبير وعفشه افضل عشان نظام التعليق الخلفي ماكفيرسون وصالون اوسع واشيك وثبات افضل