حد بتاع عفشة يكون كويس

[welly2000]

السلام عليكم
يا ريت رجالة المنتدى اللى معاها النترا ينصحونى بحد بتاع عفشة يكون كويس ويا ريت لو فيه حد فى فيصل يبقى 100/100 .
عربيتى النترا 2008 وبقالى فترة سامع خبط فى الجنب اليمين قدام فى المشى لو فيه مطبات خفيفة اوى او حتى شوية طوب خفيف فى الارض ولو عندة ظبط زوايا يبقى كويس والدركسيون حاسس انه تقل عن الاول مش عارف دى ممكن تكون مشكلة ايه
وشكرا مقدما

[memo_p910]

ممكن تكون بارات الدركسيون

[alpoka779]

لو البارات امسك العجله وهزها بره وجوه لو سمعت صوت يبقي منها --وممكن المساعد ناشف برده اضغط عليه وشوف العربيه بتطلع بهدوء ولا مره واحده وجرب قبل متروح لحد عشان الاشتغالات

[تامر راغب]

فعلا خللى بالك من الإشتغالات
لأن أى عفشجى هيبقى أسهل حاجة
يقولك غير مساعدين وكاوتشات المقصات
ونظبط بارات الدركسيون وهيعمل فيها فيلم
ربنا يوفقك

[welly2000]

الف شكر يا رجالةعلى الردود
انا برضو شاكك فى موضوع بارات الدركسيون عشان كدة كنت بسأل على واحد بتاع عفشة كويس ومش بتاع اشتغالات

[welly2000]

بعد معاناة قررت اروح لواحد بتاع عفشة فى شارع العشرين فى فيصل اسمة ميزو والورشة اسمها صلاح وعندة كمان ظبط زوايا خليتة يكشف على العربية وهنا كانت الصدمة.
قاللى عايزة جوز مساعدين وقالى هاتهم (kyb) يابانى ما تجبش الاصلى ولا ماندو عشان دول افضل !!!!!!! الكلام دة مظبوط ولا اشتغالة؟؟؟؟؟
وكمان طلب اغير جلب مقصات وحاجة تالتة كدة مش فاكرها
كنت عايز اعرف الحاجات دى اسعارها ايه والكلام دة مظبوط ولا اشتغالة

[alpoka779]

خلي بالك في حاجه تاني تعمل مشاكل اكتر من كده ----فرده كاوتش فيها عالي وواطي ---جننتني والحمد لله اكتشفتها بعد عزاب مع العفشجيه

[attaa11]

العيب ده كان عندي .. وجنني .. وخلاني اشد شعري .. ورحت غيرت مساعدين وكبالن .. وطلع عيني مع العفشجيه وبرضه الصوت مرحش .. وصرفت كتير اوي .. وفي الاخر طلع العيب في برشام المقصات .. قوله يشوف البرشام هتلاقيه سايب .. وده بيعمل صوت فوق الحصي .. لكن في الطوالي مش هتسمع صوت .. هتفك المقص وتفك البرشام وبيركب مكانهم مسمار صاموله .. وده رقمي لو تحب اشرح لك اكتر .. لاني تعبت جدا وملقتش حد ينصحني 01000666271

[attaa11]

وجلب المقصات هتلاقيها في قلب المقص بعد اما يفكه .. وبيتغير في المخرطه ب 20 بلبل بس :)

[welly2000]

انا متشكر اوي لزوقك كنت ناوي اروح انهاردة بس اتشغلت هروح السبت اللي جي ان شاء الله واخليه يبص علي برشام المقصات