سير الدينامو بينسل

[tameem2010]

دييه خشونة في السير طالما فيها صفارة بس مع بداية دوارة العربيه يبقى السير خشن مش محتاجة توكيل خالص وخلي بالك كلها يوم ولا اتنين وهيصفر تاني لان الشحم الابيض الللى بيحطوا الصنايعيه مجرد اجراء مؤقت
عموما سير الباور في التوكيل رخيص مش غالي اخره 60 جنيه لو عاوز تغيره اشتري واحد من التوكيل وركبه بره بدل ما تتلطع اليوم كله في التوكيل اونطة في اونطة

[تامر راغب]

ييه خشونة في السير طالما فيها صفارة بس مع بداية دوارة العربيه

المشكلة مش بس فى أول دوارة العربية
المشكلة بتستمر حتى ونا سايق وتيجى تحود بالدركسيون تلاقيه تقيل وبيزيق كدة وكأنك بتحارب معاه علشان يحود ... ولما المرة اللى فاتت غيرت الطارة بتاعة طرمبة المياه الحكاية إتحلت طبعا بعد ماغيرت لتانى مرة سير الدينامو وسير الباور ...

خلي بالك كلها يوم ولا اتنين وهيصفر تاني لان الشحم الابيض الللى بيحطوا الصنايعيه مجرد اجراء مؤقت

عندك حق فى دى .... ربنا يستر والله - ساعات بقول لنفسى إيه اللى رمانى على هيونداى بقرفها ده
لكن الحمد لله على كل شئ وقدر الله وماشاء فعل ... ولو إن الحقيقة العربية من غير المشاكل الهايفة اللى تخنق دى زى الفل ...

[tameem2010]

بالعكس انا شايف الهيونداي عربيات ممتازة
فيه قاعدة اسمها المنفعه مقابل القيمة
بمعنى على اد فلوسها ممتازة مينفعش اقارنها بعربيه زي الاوبل او الجيتا مثلا
هي على اد فلوسها كويسه
وفيها مزايا كتير من توافر قطع الغيار بفئات كتير من الصيني للتيواني للكوري للوكيل وكل واحد وعلى اد مقدرته في شراء قطع الغيار
حاجة كمان انها سهلة وسلسة الصيانة واي ميكانيكي بيشتغل فيها وحتى لو وقفت معاك في الطريق اي صبي ميكانيكي يقدر يمشيها لحد الورشة بتاعته
اعادة البيع بتاعتها عاليه جدا وقيمتها عاليه حتى لو قعدت معاك فترة بتجيب سعر وتتباع هوا
طبعا فيها عيوب من حيث الثبات والفرامل وعوامل الامان
انما في الاخر في مقابل الفلوس اللى اتدفعت فيها هي ممتازة
واكرر لك ده سير باور غيره واشتري دماغك طالما بيصفر خاصة انه رخيص مش غالي لو استمر الثقل يبقى غير زيت الباور ولو استمر راجع الطلمبة بتاع الباور والاسكترا
اما الصوت مفيش منه مشكلة لانه خامة السير وحشة

[تامر راغب]

واكرر لك ده سير باور غيره واشتري دماغك طالما بيصفر خاصة انه رخيص مش غالي لو استمر الثقل يبقى غير زيت الباور ولو استمر راجع الطلمبة بتاع الباور والاسكترا
اما الصوت مفيش منه مشكلة لانه خامة السير وحشة

تمااااااااااااام جدا

هغيره فى التوكيل وهشوف حكاية زيت الباور دى كمان ....

بس الإسكترا ليه ؟؟؟؟؟ ( ربنا يستر )


متشكر جدا والله لإهتمامك وردك السريع
ربنا يخلليك يارب

[tameem2010]

الاسكترا لو بايظة بتعمل تقل في الدريكسيون وان كان ده احتمال مستبعد عشان كده قلت لك ده اخر حاجة

[تامر راغب]

تمام قوى
ربنا يستر
متشكر جدا والله

[تامر راغب]

أصدقائى الأعزاء
أنا فى التوكيل دلوقتى والمهندس قاللى بعد ماغيرنا السيور كلها تانى
ان الصوت طالع من طرمبة الباور وانه هيشوف لو محتاجة تتغير والا لأ
سألته بكام .... قاللى ب 2200 جنيه قبل الضريبة
وب 2420 بعد الضريبة ..
سألت عليها برة بالتليفون فى محل قطع غيار أصلى
قاللى ب 1050 بتاعة التوكيل ....
كل ده ولسة مش عارف بس بحاول أشوف حل .....
أعمل ايه ؟؟؟

[tameem2010]

اهُرب ياولد
اهرب
هاتها من برا سواء جديدة ولا استيراد

[تامر راغب]

هههههههههههههههههههههههههههههههههههههههههههههههههه ههههههه

حلوة ....


هما غيرولى سير الباور والدينامو والتكييف مع إنى قلتلهم مش عايز التكييف لسة مغيروا عندكم ياولاد الذين

المهم غيروه وغيروا فلتر البنزين ( ده أنا قلتلهم عليه - نظافة ههههههههههههه ) وقاللى إمشى بيها ولو فيه صوت ... !!!! هاتها نغيرلك طرمبة الباور !!!!!! ( أحييييييييييييييه ياأبوسوسو !! ))

لأه ه ه ه ه ه حرام عليكم والله ....

المهم سألت عليها برة زى ماقلت لقيتها ب 1050 جنيه ... هسأل عليها فى بورسعيد بكام أو إستيراد بكام ده لو حصل منها مشكلة لاقدر الله .....


شكرا أ/ تميم

[تامر راغب]

على فكرة سعر سير الباور اللى جبته من برة كان ب 40 جنيه وجبته من التوكيل ب 33 جنيه + 3.30 ضريبة مبيعات مبيعات وسير الدينامو جبته من برة ب 45 جنيه ومن التوكيل ب 55 جنيه + 5.5 ضريبة يعنى الفرق مش كبير بجد - وسير التكييف ركبوه للمرة التانية لوحدهم هههههههههههه ب 100 جنيه + 10 جنيه ضريبة مبيعات


الجمييييييييييييييل بقى إن تركيب سير الباور 90 جنيه
تركيب سير الدينامو 55 جنيه
تركيب سير التكييف 45 جنيه

لييييييييييييييييييييييييييييييييييييييييييييييييي ييييييييييييييييييييييييييييييييييييييييييييييه ؟؟؟؟؟

ده الولد ركبهم كلهم وخد 30 جنيه برة التوكيل ...... !!!


حرام والله لازم يشوفوا حل فى الإستغلال ده كله - علشان الناس تروح لهم وهى متطمنة مش قلقانة أحسن تتسجن ههههههههههههههههههههه

[tameem2010]

انا بشتري الحاجات من غبور بس بركبها بره لانى عارف انهم حراميه في المصنعيات
زي فرخه لينا في المتزوجون الفرخة بنص جنيه والقفص ب15 جنيه

[tameem2010]

المشكلة بقى ان سير التكييف في غبور ب100 جنيه والموزعين عندهم سير التكييف بس مش صلي طبعا بيتباع ب25 جنيه
وسير الكتييف ده اتفه سير في العربيه كلها لانه مالوش مشاكل خالص
يعنى حتى لو اتقطع كل اللى هيحصل ان التكييف هيفصل !!
يعني طظ ولا حاجة نجيب سير من العادي ب25 جنيه ونركبه لو اشتغل اهوه شغال ولو اتقطع مش هيزعل مش زي سير الدينامو مشكلة لو اتقطع لانه بيعدم البطارية لعدم الشحن وبرده طلمبه المياه راكبه عليه فالعربيه بتسخن
وسير الباور وان كان صعب جدا جدا جدا انه يتقطع الا انه لو اتقطع الدركسيون هيكلبش في ايدك
انما سير التكييف ده ولا له اي تلاتين لازمة والله

[تامر راغب]

ههههههههه عجبتنى زى حكاية لينا
فعلا والله حاجة تجن ... ده الواد ركبه فى دقيقتين يقوم ياخد كل ده ؟؟؟
يلا هيروحوا من ربنا فييين ؟؟؟

هى فكرة حكاية ان الواحد يشترى من عندهم ويركب برة والله بس أنا قلت
أنهى الحكاية ويبقى كلامهم بقى ...
يلا منهم لله ..