تقييمى لفيرنا بعد 1300 كيلو

[mrghost]

السلام عليكم ورحمة الله وبركاته
ده تقييمى للفيرنا بعد 1300 كم
اولا الوسع الداخلى
الكنبه اللى ورا معقوله عن كنبة الشاهين بس كراسي الشاهين الامامية كانت اوسع بمعنى كان ممكن 2 يركبوا بجوار السائق مرتاح عن الفيرنا
ثانيا الصاج
طبعا خفيف بس معقول
ثالثا السحب
بصراحه تحفه بس بدون التكييف
رابعا التكييف
نقول جيد لان تكييف الالتو افضل منه بمراحل
رابعا الارتفاع عن الارض
طبعا زفت
خامسا الثبات
معقول جدل لحد 120 كم/ساعه
سادسا الفرامل
تقريبا مفيهاش فرامل اصلا
الفرامل زفت الزفت العربية بتزحف بطريقه غبية هتقولولى الكاوتش وحش هقول ان العجل الخلفى مش بيمسك مع الفرامل اصلا
سابعا الكاسيت امكانياته هايله بس صوته سيئ جدا
ولو افتكرت حاجه هقولها

[رامي مصطفى]

والله انت راجل محترم
اول مره اشوف واحد بيقول على عربيتو عيوب اكثر من المميزات!
ربنا يملهالك بركه ويعطيك خيرها ويكفيك شرها

[active]

طيب وأيه رأيك فى الألتو بمناسبة انك جربتها ؟

[mrghost]

تقييمى للالتو
اولا العفشة ناشفة جدا جدا
التكييف اكتر من ممتاز
ارتفاعها ممتاز عن الارض فى المطبات
السحب معقول بالنسبة لموتورها
العربية خشنة مش ناعمه بس تحس انها ماسكة نفسها عن الفيرنا
السحب بيقل طبعا مع التكييف
الرؤية وانت سايق مش قد كدة تحس انك ساقط جواها
التقفيل بتاعها افضل من تقفيل الفيرنا
موفرة فى البنزين طبعا

[ashourashour]

انت بتفهم و محترم

[dr ahmed saleh]

كلام محترم بس اللى مش مفهوم ازاى التكييف بتاعها وحش ده تكييف الفيرنا ده أسقع تكييف فى التاريخ يا راجل ده تكييف الفيرنا أحسن من تكييف العربيات الخليجى

[mrghost]

شكرا ياجماعه
بس فعلا التكييف مش ممتاز ولا حاجه
تكييف الالتو برقبته

[Hamada hozein]

السلام عليكم ورحمة الله وبركاته
ده تقييمى للفيرنا بعد 1300 كم
اولا الوسع الداخلى
الكنبه اللى ورا معقوله عن كنبة الشاهين بس كراسي الشاهين الامامية كانت اوسع بمعنى كان ممكن 2 يركبوا بجوار السائق مرتاح عن الفيرنا
ثانيا الصاج
طبعا خفيف بس معقول
ثالثا السحب
بصراحه تحفه بس بدون التكييف
رابعا التكييف
نقول جيد لان تكييف الالتو افضل منه بمراحل
رابعا الارتفاع عن الارض
طبعا زفت
خامسا الثبات
معقول جدل لحد 120 كم/ساعه
سادسا الفرامل
تقريبا مفيهاش فرامل اصلا
الفرامل زفت الزفت العربية بتزحف بطريقه غبية هتقولولى الكاوتش وحش هقول ان العجل الخلفى مش بيمسك مع الفرامل اصلا
سابعا الكاسيت امكانياته هايله بس صوته سيئ جدا
ولو افتكرت حاجه هقولها

كلامك محترم ووجهه نظر بناء عن تجربه
بس في شويه حاجات هتتغير في تقيمك بعد فتره
زي مثلا موضوع السحب مع التكييف ده انا برضه في اول كام الف كيلو كنت بتخنق جدااااا من سحب العربيه مع التكييف بس لما العربيه مشيت شويتين والصراحه سحبها بقي مع التكييف بقي حكايه
اسمحلي اتناقش معاك بالترتيب
اولا الوسع الداخلي للفيرنا سئ جدا بالنسبالي
سواء الكنبه او الكراسي
ثانيا الصاج لا اختلاف بس الكبوت ضعييييف جدا ونصيحه اوعي تخلي حد يقعد عليه
كنت راكن مره ورجعت لقيت تلاته عيال في اعدادي واقفين فوق الكبوت طبعا اتعوج ومش عايز يرجع تاني
نصيحه تانيه متركنش جنب مدرسه بالذات في ميعاد الطلوع
ثالثا السحب لا اختلاف
رابعا التكييف اختلف معاك بشده تكييف الفيرنا تلاجه وفي عز الحر وشهر ٧ و٨ بشغله علي ٣ شويه وارجعه علي ٢ مع العلم ان خروجي من الشغل الساعه ١ وكمان انا عندي مشكله في هوايه السواق والتوكيل مش عارف يحلها وبقفلها يعني بعتمد علي الهويتين اللي ف النص
رابعا تاني :) انت اللي مكررها اعملك ايه :)
الارتفاع كويس ومش وحش انا بحمل كتير ناس ف العربيه وعمرها ما حكت مني غير مره عربيتي ٢٠١٤ والمفروض ان عربيتك ٢٠١٥ مثلا يعني نفس العفشه الخلفيه ونفس الشكمان وعلفكره الشكمان القديم هو اللي كان بيسبب المشكله
خامسا الاتزان لا اختلاف
سادسا الفرامل مش عارف بصراحه كل الناس بتقول عليها مفيهاش فرامل
فراملها ضعيفه بس الناس بتبالغ جدا
سابعا اتفق كاسيت صوته تعبان كيك بالذات لما تعليه

[mrghost]

شكرا على الرد يافندم
بس انا معايا الالتو والفيرنا وفعلا مفيش وجه مقارنه بين التكييفين
ممكن تكون مشكلة فردية عندى فى عربيتى
بالنسبه للفرامل
اول امبارح كنت ماشى على 40 كم
واتفاجأت بمطب
دوست فرامل
اولا العجل الامامى هو بس اللى بيقفش والخلفى لا مع انى مرجلش الفرامل بأيدى من اسبوعين
طبعا العربية زحفت وكلت المطب مع انه كان بعيد عنى شويه يعنى المفروض ان العربية كانت تقف قبله
عموما انا متأكد ان الكاوتش سيئ لانه صينى وبيزحلق بس مستنى لما يبوظ وأغيره باذن الله
الوسع بالنسبه ليا انا قولت انها من قدام ضيقه فعلا عن الشاهين
انما الكنبه الخلفية اوسع من الشاهين بصراحه

[tameem2010]

معاك في كل اللى انت قلته ماعدا التطيف
الحمد لله انا معاياالفيرنا والتكييف بتاعها مالوش حل
اما الكاسيت فده اسوا كاسيت نزل السوق بس انا كده كده اخري في الكاسيت الراديو فمش فارق معايا
الفرامل بتاعتها فعلا ضايعه لانها مبتمسكش ورا كويس وديه حقيقة وده هتلاحظة في تاكل التيل الامامي بتاع العربيه هتلاقيها بتاكل التيل اللى ادام اما التيل اللى ورا فين وفين لما يتغير لان حمل الفرامل بتاعها ادام وتخفيف حمل الفرامل ورا مقصود في الفيرنا عشان العربية لو فراملها ورا قوية هتلاقيها بتلف حوالين نفسها مع كبس الفرامل المفاجئ واعتقد ان ده عيب تصميم في مراكز الثقل بتاعتها عشان كده الفرامل اللى ورا نازلة خفيفه بالقصد بس عموما بالتدريج هتاخد عليها وهتفهمها ويبقى عندك سنس الفرامل
اينعم هي عمرها ما هتسعفك في الظروف الطارئة بس ربنا هو اللى بيستر

[Hamada hozein]

شكرا على الرد يافندم
بس انا معايا الالتو والفيرنا وفعلا مفيش وجه مقارنه بين التكييفين
ممكن تكون مشكلة فردية عندى فى عربيتى
بالنسبه للفرامل
اول امبارح كنت ماشى على 40 كم
واتفاجأت بمطب
دوست فرامل
اولا العجل الامامى هو بس اللى بيقفش والخلفى لا مع انى مرجلش الفرامل بأيدى من اسبوعين
طبعا العربية زحفت وكلت المطب مع انه كان بعيد عنى شويه يعنى المفروض ان العربية كانت تقف قبله
عموما انا متأكد ان الكاوتش سيئ لانه صينى وبيزحلق بس مستنى لما يبوظ وأغيره باذن الله
الوسع بالنسبه ليا انا قولت انها من قدام ضيقه فعلا عن الشاهين
انما الكنبه الخلفية اوسع من الشاهين بصراحه

انا برضه العربيه كانت نزلالي بعجل صيني بس الحمد لله التوكيل غيرلي الاتنين اللي قدام بعجل تركي علشان كان فيهم مشكله
واكشف علي التكييف لان الموضوع ده مش طبيعي

[mrghost]

بصراحه عندى عقدة من التوكيل ومش بحب اروحه خالص

[S O P H O S]

تقيم ورأي صائب جدا فالعربية