اشتريت فيرنا 2012 اوتوماتيك

[fedozzz]

اشتريت فيرنا اوتوماتيك الحمدلله بس محتاج نصايح الاخوة الافاضل فى حاجتين:
1- عاوز اركب انذار و سنتر اية احسن حاجة و تكلفتها الحالية بالتركيب و اركب فين؟.
2- عاوز اجيب كاسيت بسعر معقول و هل اجيب معاهم سماعات خلفية و اية التكلفة ايضا؟؟.


محتاج نصايحكم .. شكرا

[mhkorayem]

الانذار في نوع اسمه ادريان كويس راكب عندي بقاله سنتين بلا اي مشاكل وكان عامل في حدود 400 جنيه
بالنسبه للكاسيت عندك الـسوني او البايونير الاتنين كويسين والناس بتشكر فيهم بس ابعد عن الرودستار خالص عشان ده هو اللي عندي بس تعبان اوي

[shiko85]

اشتريت فيرنا اوتوماتيك الحمدلله
الف مبروك و ربنا يديلك خيرها و يكفيك شرها
عاوز اركب انذار و سنتر اية احسن حاجة و تكلفتها الحالية بالتركيب و اركب فين؟.
ولف او سباى و الأفضل تركب وحده فصل اداره محرك او وحده فصل طلمبه البنزين او الـ 2
التكلفه حوالى 150 - 250 على حسب هتركب ايه (انذار فقط او وحدات فصل)

[mrghost]

الف الف مبروك ربنا يديك خيرها يارب

[fedozzz]

الانذار في نوع اسمه ادريان كويس راكب عندي بقاله سنتين بلا اي مشاكل وكان عامل في حدود 400 جنيه
بالنسبه للكاسيت عندك الـسوني او البايونير الاتنين كويسين والناس بتشكر فيهم بس ابعد عن الرودستار خالص عشان ده هو اللي عندي بس تعبان اوي

شكرا لرد حضرتك و 400 جنية للسنترلوك بالريموت و الانذار ؟ و لانسبة للكاسيت فى انواع كتير فى السونى و البيونير اى واحد احسن و اجيب منين مضمون و رخيص؟؟

[fedozzz]

الف الف مبروك ربنا يديك خيرها يارب

ربنا يخليك يا باشا الف شكر على الدعوات الجميلة دية

[fedozzz]

ربنا يخليك يا باشا اركب فين الانذار ..250 جنية للانذار بس؟؟ و لا بالسنترلوك؟؟

[atef_5005]

الف مبرووك و ربنا يديك خيرها و يكيفك شرها
المفروض العربيه فيها سنار و انذار انت بس حاول تركب وحده فصل الموتور
بالنسبه الكاسيت ركب بايونير و لازم تغير السمعات و هات بيونير او كينود و مفيش مشكله انك تعمل رف و تركب عليها السماعات مش هتاثر في حاجه
و قبل دا كله لازم تعمل الصيانه من تغير زيت و سيور كلها و لازم تغير اربع فرد كوتش حتي لو شكلهم سلام لازم تغيرهم العربيه دي بزات الكوتش بياثر فيها جامد

[fedozzz]

الف مبرووك و ربنا يديك خيرها و يكيفك شرها
المفروض العربيه فيها سنار و انذار انت بس حاول تركب وحده فصل الموتور
بالنسبه الكاسيت ركب بايونير و لازم تغير السمعات و هات بيونير او كينود و مفيش مشكله انك تعمل رف و تركب عليها السماعات مش هتاثر في حاجه
و قبل دا كله لازم تعمل الصيانه من تغير زيت و سيور كلها و لازم تغير اربع فرد كوتش حتي لو شكلهم سلام لازم تغيرهم العربيه دي بزات الكوتش بياثر فيها جامد

الله يبارك فى حضرتك انا هكلمك :)

[mhkorayem]

شكرا لرد حضرتك و 400 جنية للسنترلوك بالريموت و الانذار ؟ و لانسبة للكاسيت فى انواع كتير فى السونى و البيونير اى واحد احسن و اجيب منين مضمون و رخيص؟؟

الـ 400 جنيه دول عشان الانذار والريموت
أما بالنسبه للكاسيت انا مجربتش لا السوني ولا البايونير بس أنا كنت بسأل زيك كده عشان عاوز اغير الرودستار الحقير اللي راكب عندي في العربيه والناس بتقول افضل حاجه البايونير وبعده السوني وبالنسبه للنوعين دول موجودين في فروع ادريان
بس في حد بيقول ان وكيل بايونير في مصر على حد ما فهمت منه اسمه اوتو ماركت وممكن الواحد يشتري منه مباشرة بس بصراحه انا لسه مش عارف هو مكانه فين أنا سألته على مكانوا وهو لسه مردش عليا وده لينك الموضوع لو عاوز تتابع رده معايا
http://www.nilemotors.net/Nile/42752...post3875796754

[S O P H O S]

مبروك يا باشا
فيه سباي 2 كويس